ചി​കി​ത്സാ​ല​യ​ങ്ങ​ൾ ഐ.​സി.​യു​വി​ൽ

പാ​വ​ങ്ങ​ളു​ടെ ആ​ശ്ര​യ​മാ​യ സ​ർ​ക്കാ​ർ ചി​കി​ത്സാ​ല​യ​ങ്ങ​ൾ ഏ​റ്റ​വും വൃ​ത്തി​യി​ലും ശു​ചി​ത്വ​സു​ന്ദ​ര​മാ​യ അ​ന്ത​രീ​ക്ഷ​ത്തി​ലു​മാ​ണ്​ പ്ര​വ​ർ​ത്തി​ക്കേ​ണ്ട​ത്. എ​ന്നാ​ൽ, ഇ​ത്ത​ര​ത്തി​ലൊ​ന്ന്​ ജി​ല്ല​യി​ലി​ല്ലെ​ന്ന​താ​ണ് യാ​ഥാ​ർ​ഥ്യം. പ​നി​ക്കു​ള്ള മ​രു​ന്നു​പോ​ലും കി​ട്ടാ​തെ​വ​രു​ന്ന സാ​ഹ​ച​ര്യ​മാ​ണ് മി​ക്ക​യി​ട​ത്തും. നാം ​പ്ര​തീ​ക്ഷ​യ​ർ​പ്പി​ക്കു​ന്ന മെ​ഡി​ക്ക​ൽ കോ​ള​ജി​ലും ജ​ന​റ​ൽ ആ​ശു​പ​ത്രി​ക​ളി​ലും സ്ഥി​തി ഭി​ന്ന​മ​ല്ല. ജി​ല്ല​യി​ലെ പ്ര​ധാ​ന സ​ർ​ക്കാ​ർ ആ​ശു​പ​ത്രി​ക​ളു​ടെ നി​ല​വി​ലെ അ​വ​സ്ഥ അ​ന്വേ​ഷി​ക്കു​ന്ന പ​ര​മ്പ​ര ഇ​ന്നു​മു​ത​ൽ.......

ആ​ല​പ്പു​ഴ: പേ​രി​ൽ പ​ഴ​യ മെ​ഡി​ക്ക​ൽ കോ​ള​ജാ​ണെ​ങ്കി​ലും ‘ചി​കി​ത്സ’​യു​ടെ കാ​ര്യ​ത്തി​ൽ ഇ​നി​യും നി​ല​വാ​രം ഉ​യ​രാ​തെ കി​ത​ക്കു​ക​യാ​ണ്​ ന​ഗ​ര​ഹൃ​ദ​യ​ത്തി​ലെ ആ​ല​പ്പു​ഴ ജ​ന​റ​ൽ ആ​ശു​പ​ത്രി.

ആ​ധു​നി​ക ചി​കി​ത്സ ഉ​പ​ക​ര​ണ​ങ്ങ​ൾ വാ​ങ്ങി​യും ഡോ​ക്ട​ർ​മാ​രു​ടെ​യും പാ​രാ​മെ​ഡി​ക്ക​ൽ ജീ​വ​ന​ക്കാ​രു​ടെ​യും പു​തി​യ ത​സ്തി​ക​ക​ൾ സൃ​ഷ്ടി​ച്ചും നി​ല​വാ​ര​മു​യ​ർ​ത്തു​മെ​ന്ന പ്ര​ഖ്യാ​പ​ന​ത്തി​ന്​ വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ‘അ​ത്യാ​ഹി​ത’​ത്തി​ലേ​ക്ക്​ ജീ​വ​ന്‍റെ ര​ക്ഷ​തേ​ടി​യെ​ത്തു​ന്ന​വ​ർ​ക്ക്​ 10 കി​ലോ​മീ​റ്റ​ർ ദൂ​ര​ത്തി​ലു​ള്ള വ​ണ്ടാ​നം മെ​ഡി​ക്ക​ൽ കോ​ള​ജ്​ ത​ന്നെ​യാ​ണ്​ ​ഇ​പ്പോ​ഴും ആ​ശ്ര​യം.

പ​നി​യും ചു​മ​യും വ​ന്നാ​ൽ​പോ​ലും ആ​ളു​ക​ൾ നേ​രെ പാ​യു​ന്ന​ത്​ ആ​ല​പ്പു​ഴ മെ​ഡി​ക്ക​ൽ കോ​ള​ജി​ലേ​ക്കാ​ണ്. ‘ജ​ന​റ​ൽ ആ​ശു​പ​ത്രി’ ഒ​ഴി​വാ​ക്കി​യാ​ണ്​ ഈ​യാ​ത്ര. ഇ​വി​ടെ വി​ദ​ഗ്ധ ചി​കി​ത്സ​ക്ക്​ ഇ​പ്പോ​ഴും സം​വി​ധാ​ന​മി​ല്ലെ​ന്ന​താ​ണ്​ യാ​ഥാ​ർ​ഥ്യം.

ജി​ല്ല​യി​ൽ ഏ​റ്റ​വും പ​ഴ​ക്ക​മു​ള്ള കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന ആ​ശു​പ​ത്രി​യാ​ണി​ത്. ദി​വ​സ​വും ഒ.​പി​യി​ൽ എ​ത്തു​ന്ന​ത്​ ആ​യി​ര​ത്തി​ല​ധി​കം പേ​രാ​ണ്. പ​ഴ​യ കെ​ട്ടി​ട​ത്തി​ലെ പ​ല വാ​ർ​ഡി​ലെ​യും ഭി​ത്തി​ക​ൾ വി​ണ്ടു​കീ​റി​യും സീ​ലി​ങ്​ പൊ​ളി​ഞ്ഞും​ അ​പ​ക​ട​ത്തി​ലാ​ണ്. രോ​ഗ​ഭീ​തി​ക്കൊ​പ്പം സീ​ലി​ങ്​ അ​ട​ർ​ന്നു​വീ​ഴു​മോ​യെ​ന്ന ആ​ശ​ങ്ക​യി​ലാ​ണ്​ പ​ല​രും ക​ഴി​യു​ന്ന​ത്. ഇ​തി​നാ​ൽ ഒ.​പി പ്ര​വ​ർ​ത്തി​ക്കു​ന്ന കെ​ട്ടി​ടം ന​വീ​ക​രി​ച്ചും പു​തി​യ ഒ.​പി കെ​ട്ടി​ട സ​മു​ച്ച​യ​ത്തി​ലേ​ക്ക്​ കി​ട​ത്തി​ച്ചി​കി​ത്സ ല​ഭ്യ​മാ​ക്കി​യും സം​വി​ധാ​നം ഒ​രു​ക്കാ​നു​ള്ള ആ​ലോ​ച​ന​യി​ലാ​ണ്​ അ​ധി​കൃ​ത​ർ.

400​ പേ​രെ കി​ട​ത്തി​ച്ചി​കി​ത്സി​ക്കാ​നു​ള്ള സൗ​ക​ര്യ​മു​ള്ള ആ​ശു​പ​ത്രി​യെ സൂ​പ്പ​ർ സ്​​പെ​ഷാ​ലി​റ്റി​യാ​ക്കി ഉ​യ​ർ​ത്താ​നു​ള്ള മു​ൻ സ​ർ​ക്കാ​റി​ന്‍റെ പ​ദ്ധ​തി​യും ക​ട​ലാ​സി​ലൊ​തു​ങ്ങി. കി​ഫ്​​ബി വ​ഴി 117 കോ​ടി മു​ട​ക്കി നി​ർ​മി​ക്കു​ന്ന ഏ​ഴു​നി​ല ഒ.​പി ​​​ബ്ലോ​ക്ക്​ സ​മു​ച്ച​യ​മാ​ണ്​ ഇ​നി പ്ര​തീ​ക്ഷ.

നി​ർ​മാ​ണം അ​വ​സാ​ന​ഘ​ട്ട​ത്തി​​ലെ​ത്തി​യ കെ​ട്ടി​ട​ത്തി​ലേ​ക്ക്​ ചി​ത​റി​ക്കി​ട​ക്കു​ന്ന ഒ.​പി ബ്ലോ​ക്ക് ഉ​ൾ​പ്പെ​ടെ വി​വി​ധ വി​ഭാ​ഗ​ങ്ങ​ളെ ഒ​രു കു​ട​കീ​ഴി​ലാ​ക്കും. ഇ​തി​നൊ​പ്പം 64 കോ​ടി​യു​ടെ അ​ടി​സ്ഥാ​ന സൗ​ക​ര്യ വി​ക​സ​ന​വും ഒ​രു​ക്കാ​ൻ പ​ദ്ധ​തി​യു​ണ്ട്.

അ​ത്യാ​ധു​നി​ക ആ​ശു​പ​ത്രി ഉ​പ​ക​ര​ണ​ങ്ങ​ൾ, ഒ.​പി ന​ഴ്സി​ങ് വി​ഭാ​ഗ​ങ്ങ​ൾ, ഫാ​ർ​മ​സി, ലാ​ബ്, എ​ക്സ്റേ, സി.​ടി. സ്കാ​ൻ, കാ​ത്ത്​ ലാ​ബ് എ​ന്നി​വ​യു​ണ്ടാ​കും. ര​ണ്ടു​കോ​ടി ചെ​ല​വി​ൽ വൈ​ദ്യു​തി സ​ബ് സ്റ്റേ​ഷ​ൻ പ്ര​വ​ർ​ത്ത​ന​ക്ഷ​മാ​ക്കു​ന്ന​തോ​ടെ കാ​ത്ത് ലാ​ബി​ലേ​ക്കു​ള്ള യ​ന്ത്ര​ങ്ങ​ൾ ല​ഭ്യ​മാ​കുകയും ചെയ്യും.

വാ​ർ​ഡു​ക​ൾ ‘അ​പ​ക​ട മേ​ഖ​ല’; ക​ട്ടി​ലി​ൽ മു​ന്ന​റി​യി​പ്പ്​

ഏ​തു​നേ​ര​വും ക​ട്ടി​ലി​ൽ കി​ട​ക്കു​ന്ന രോ​ഗി​ക​ളു​ടെ മു​ക​ളി​ലേ​ക്ക്​ സീ​ലി​ങ്​ അ​ട​ർ​ന്നു​വീ​ണ്​ പ​രി​ക്കേ​ൽ​ക്കാവു​ന്ന രീ​തി​യി​ലാ​ണ്​ ആ​ശു​പ​ത്രി​യി​ലെ പ​ല വാ​ർ​ഡും പ്ര​വ​ർ​ത്തി​ക്കു​ന്ന​ത്. അ​പ​ക​ടം മു​ൻ​കൂ​ട്ടി ക​ണ്ട്​ അ​ധി​കൃ​ത​ർ ക​ട്ടി​ലി​ന്‍റെ കാ​ലി​ൽ മു​ന്ന​റി​യി​പ്പ്​ ബോ​ർ​ഡ്​ തൂ​ക്കി​യി​ട്ടു​ണ്ട്. ‘ഈ​ഭാ​ഗം അ​പ​ക​ടാ​വ​സ്ഥ​യി​ലാ​ണ്​ ഉ​​പ​യോ​ഗി​ക്ക​രു​ത്​’ അ​പാ​യ​സൂ​ച​ന ബോ​ർ​ഡ്​ ക​ണ്ടാ​ൽ അ​തു​വ​​ഴി പോ​ക​രു​തെ​ന്ന്​ അ​നു​മാ​നി​ക്കാം. നേ​ത്ര​രോ​ഗ വാ​ർ​ഡി​ലും വ​യോ​ജ​ന വാ​ർ​ഡി​ലും സ​ർ​ജ​റി വാ​ർ​ഡി​ലു​മാ​ണ്​ പ്ര​ശ്നം ഗു​രു​ത​രം. ഗോ​വ​ണി​പ്പ​ടി​ക​ളി​ൽ​പോ​ലും ക​യ​റ​രു​തെ​ന്ന ബോ​ർ​ഡും ഇ​ക്കൂ​ട്ട​ത്തി​ലും. കാ​ഴ്ച​വൈ​ക​ല്യ​വു​മാ​യി എ​ത്തു​ന്ന​വ​രെ ശു​ശ്രൂ​ഷി​ക്കു​ന്ന ഇ​ട​ത്തി​ലെ മേ​ൽ​ക്കൂ​ര​യി​ലെ സീ​ലി​ങ്ങും ഭി​ത്തി വി​ണ്ടു​കീ​റി ക​മ്പി​യും തെ​ളി​ഞ്ഞു​നി​ൽ​ക്കു​ന്നു​ണ്ട്. മി​ക്ക​ദി​വ​സ​വും താ​ഴേ​ക്ക്​ കോ​ൺ​ക്രീ​റ്റ്​ പാ​ളി​ക​ൾ വീ​ഴു​ന്ന​തി​നാ​ൽ രോ​ഗി​ക​ൾ​ക്ക്​ വാ​ർ​ഡും ക​ട്ടി​ലും മാ​റേ​ണ്ട സ്ഥി​തി​യാ​ണ്. ആ​ശു​​പ​ത്രി ജീ​വ​ന​ക്കാ​രും രോ​ഗി​യു​ടെ കൂ​ട്ടി​രി​പ്പു​കാ​രും ഭീ​തി​യോ​ടെ​യാ​ണ്​ സ​ഞ്ച​രി​ക്കു​ന്ന​ത്. വ​നി​ത സ​ർ​ജ​റി വാ​ർ​ഡി​ലെ സീ​ലി​ങ്​ ക​ട്ടി​ലി​ലേ​ക്ക്​ അ​ട​ർ​ന്നു​വീ​ണ​ത്​ അ​ടു​ത്തി​ടെ​യാ​ണ്​ അ​ന്ന്​ രോ​ഗി​ക​ളി​ല്ലാ​തി​രു​ന്ന​ത്​ ഭാ​ഗ്യ​മാ​യി. അ​പ​ക​ടാ​വ​സ്ഥ തി​രി​ച്ച​റി​ഞ്ഞി​ട്ടും നി​വൃ​ത്തി​കോ​ടു​കൊ​ണ്ടാ​ണ്​ രോ​ഗി​ക​ൾ ക​ഴി​യു​ന്ന​ത്. ആ​ശു​പ​ത്രി കെ​ട്ടി​ട​ത്തി​ന്റെ ശോ​ച്യാ​വ​സ്ഥ പ​രി​ശോ​ധി​ക്കാ​നെ​ത്തി​യ പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രും ബ​ല​ക്ഷ​യം ക​ണ്ട്​ ഞെ​ട്ടി. പ​ല വാ​ർ​ഡി​ലും കോ​ൺ​ക്രീ​റ്റ്​ പാ​ളി​ക​ൾ ഇ​നി​യും അ​ട​ർ​ന്നു​വീ​ഴു​മെ​ന്നാ​ണ്​ ഇ​വ​രു​ടെ വി​ല​യി​രു​ത്ത​ൽ. കോ​ൺ​ക്രീ​റ്റ് അ​ട​ർ​ന്നു​വീ​ഴാ​നു​ള്ള സാ​ധ്യ​ത​യു​ള്ള സ്ഥ​ല​ങ്ങ​ൾ ഒ​ഴി​വാ​ക്കി രോ​ഗി​ക​ളെ കി​ട​ത്തി​യാ​ലും മു​ഴു​വ​ൻ പേ​രെ​യും ഉ​ൾ​ക്കൊ​ള്ളാ​ൻ ജ​ന​റ​ൽ ആ​ശു​പ​ത്രി​യി​ൽ സൗ​ക​ര്യ​മി​ല്ല. ഇ​തി​നൊ​പ്പ​മാ​ണ്​ കാ​ല​പ്പ​ഴ​ക്ക​ത്താ​ൽ ഭി​ത്തി​ക​ൾ​ വി​ണ്ടു​കീ​റി​യും തു​ണു​ക​ൾ​ക്ക്​ ബ​ല​​ക്ഷ​യം നേ​രി​ട്ടും അ​പ​ക​ടം മ​റ​ഞ്ഞി​രി​ക്കു​ന്ന​ത്. നി​ല​വി​ൽ കി​ട​ത്തി​ച്ചി​കി​ത്സ ആ​വ​ശ്യ​മു​ള്ള​വ​രെ വ​ണ്ടാ​നം മെ​ഡി​ക്ക​ൽ കോ​ള​ജി​ലേ​ക്ക്​ പ​റ​ഞ്ഞ​യ​ച്ചാ​ണ്​ പ്ര​ശ്നം പ​രി​ഹ​രി​ക്കു​ന്ന​ത്.

ആശുപത്രിയായി മാറിയത്​ കൊട്ടാരം

തി​രു​വി​താം​കൂ​ർ രാ​ജ​കു​ടും​ബം അ​വ​ധി​ക്കാ​ല​ത്ത്​ താ​മ​സി​ക്കാ​ൻ പ​ണി​ക​ഴി​പ്പി​ച്ച ‘കൊ​ട്ടാ​രം’ ആ​ണ്​ ആ​ല​പ്പു​ഴ ജ​ന​റ​ൽ ആ​ശു​പ​ത്രി​യാ​യി മാ​റി​യ​ത്. പ​ഴ​മ​ക്കാ​ർ വി​ളി​ക്കു​ന്ന​ത്​ കൊ​ട്ടാ​രം ആ​ശു​പ​ത്രി​യെ​ന്നാ​ണ്. രാ​ജ​ക്ക​ന്മാ​ർ ആ​ല​പ്പു​ഴ​യി​ലെ​ത്തു​മ്പോ​ൾ താ​ൽ​ക്കാ​ലി​ക താ​മ​സ​ത്തി​ന്​ ഉ​പ​യോ​ഗി​ക്കാ​നാ​ണ്​ ‘കൊ​ട്ടാ​രം’ പ​ണി​ക​ഴി​പ്പി​ച്ച​ത്. ആ​ല​പ്പു​ഴ പ​ട്ട​ണ​ത്തി​ന്‍റെ ശി​ൽ​പി​യും ദി​വാ​നു​മാ​യി​രു​ന്ന രാ​ജാ കേ​ശ​വ​ദാ​സാ​യി​രു​ന്നു ഈ ​കെ​ട്ടി​ട​നി​ർ​മാ​ണ​ത്തി​ന്​ പി​ന്നി​ലും. അ​ക്കാ​ല​ത്ത്​ ആ​ല​പ്പു​ഴ ന​ഗ​ര​ത്തി​ന്‍റെ വി​ക​സ​നം കൊ​ട്ടാ​രം കേ​ന്ദ്രീ​ക​രി​ച്ചാ​യി​രു​ന്നു. കേ​ര​ള​ത്തി​ലെ ആ​ദ്യ സ്വാ​ശ്ര​യ മെ​ഡി​ക്ക​ൽ​കോ​ള​ജി​ന്‍റെ തു​ട​ക്ക​വും ഈ ​ആ​ശു​പ​ത്രി​യി​ൽ​നി​ന്നാ​ണ്. 1961ലെ ​നെ​ഹ്റു ട്രോ​ഫി ജ​ല​മേ​ള​യു​ടെ ഉ​ദ്ഘാ​ട​ന പ്ര​സം​ഗ​ത്തി​ൽ അ​ന്ന​ത്തെ മു​ഖ്യ​മ​ന്ത്രി​യാ​യി​രു​ന്ന പ​ട്ടം​താ​ണു​പി​ള്ള​യാ​ണ് ആ​ല​പ്പു​ഴ​യി​ൽ സ്വ​കാ​ര്യ മെ​ഡി​ക്ക​ൽ കോ​ള​ജ് വ​രു​മെ​ന്ന പ്ര​ഖ്യാ​പ​നം ന​ട​ത്തി​യ​ത്.

1963ൽ ​തി​രു​മ​ല ദേ​വ​സ്വ​ത്തി​ന്‍റെ കീ​ഴി​ലാ​ണ്​ മെ​ഡി​ക്ക​ൽ കോ​ള​ജി​ന്‍റെ പി​റ​വി. കൊ​ട്ടാ​രം നി​ല​നി​ന്ന മൂ​ന്ന്​ ഏ​ക്ക​റോ​ളം സ്ഥ​ല​മാ​ണ്​ അ​ന്ന്​ ടി.​ഡി മെ​ഡി​ക്ക​ൽ കോ​ള​ജി​നാ​യി നി​ർ​ദേ​ശി​ച്ച​ത്. തു​ട​ക്ക​ത്തി​ൽ അ​മ്പ​തി​ല​ധി​കം രോ​ഗി​ക​ളെ കി​ട​ത്തി ചി​കി​ത്സി​ക്കാ​നു​ള്ള സൗ​ക​ര്യ​മു​ണ്ടാ​യി​രു​ന്നു. അ​ഞ്ചു​വ​ർ​ഷ​ത്തോ​ളം കാ​ര്യ​ങ്ങ​ൾ ന​ല്ല​നി​ല​യി​ൽ പോ​യെ​ങ്കി​ലും ന​ട​ത്തി​ക്കൊ​ണ്ടു​പോ​കാ​ൻ ബു​ദ്ധി​മു​ട്ട് അ​റി​യി​ച്ച​തോ​ടെ 1967ൽ ​സ​ർ​ക്കാ​ർ ഏ​റ്റെ​ടു​ത്തു.

1982ൽ ​കെ. ക​രു​ണാ​ക​ര​ൻ മു​ഖ്യ​മ​ന്ത്രി​യാ​യ​പ്പോ​ഴാ​ണ് വ​ണ്ടാ​ന​ത്ത് 167ഏ​ക്ക​ർ സ്ഥ​ലം ഏ​റ്റെ​ടു​ത്തു. വ​ണ്ടാ​ന​ത്ത് അ​ഡ്മി​നി​സ്ട്രേ​ഷ​ൻ ബ്ലോ​ക്ക് പൂ​ർ​ത്തി​യാ​യി​ട്ടും ന​ഗ​ര​മ​ധ്യ​ത്തി​ലെ ആ​ശു​പ​ത്രി​യി​ൽ വി​വി​ധ വി​ഭാ​ഗ​ങ്ങ​ൾ പ്ര​വ​ർ​ത്തി​ച്ചു. മെ​ഡി​ക്ക​ൽ കോ​ള​ജും ആ​ശു​പ​ത്രി​യും ഒ​രു കോ​മ്പൗ​ണ്ടി​ൽ വേ​ണ​മെ​ന്ന നി​യ​മം വ​ന്ന​തോ​ടെ​യാ​യി​രു​ന്നു മാ​റ്റം.

പു​തി​യ ഒ.​പി സ​മു​ച്ച​യ​ത്തി​ലേ​ക്ക്​ രോ​ഗി​ക​ളെ മാ​റ്റും -സൂ​പ്ര​ണ്ട്​

പു​തു​താ​യി തു​റ​ക്കു​ന്ന ഒ.​പി സ​മു​ച്ച​യ​ത്തി​ലേ​ക്ക്​ രോ​ഗി​ക​ളെ മാ​റ്റു​മെ​ന്ന്​ ആ​ല​പ്പു​ഴ ജ​ന​റ​ൽ ആ​ശു​പ​ത്രി സൂ​പ്ര​ണ്ട്​ ഡോ. ​രാ​ജ​ൻ. ആ​ശു​പ​ത്രി കോ​മ്പൗ​ണ്ടി​ൽ പ​ണി​യു​ന്ന ഏ​ഴു​നി​ല​കെ​ട്ടി​ട​ത്തി​ന്‍റെ 90 ശ​ത​മാ​ന​വും പ​ണി പൂ​ർ​ത്തി​യാ​യി. ഇ​തി​നൊ​പ്പം വൈ​ദ്യു​തി സ​ബ്​​സ്​​റ്റേ​ഷ​ന്‍റെ പ്ര​വ​ർ​ത്ത​നം വേ​ഗ​ത്തി​ലാ​ക്കി കാ​ത്ത്​​ലാ​ബി​ന്‍റെ പ്ര​വ​ർ​ത്ത​ന​വും തു​ട​ങ്ങും.

കി​ട​ത്തി​ച്ചി​കി​ത്സ​ക്ക്​ പു​തി​യ കെ​ട്ടി​ടം പ​ണി​യ​ണ​മെ​ന്ന മാ​സ്റ്റ​ർ​പ്ലാ​ൻ സ​മ​ർ​പ്പി​ച്ചി​ട്ടു​ണ്ട്. പു​തി​യ കെ​ട്ടി​ടം ആ​കു​ന്ന​തു​വ​രെ നി​ല​വി​ലെ പേ​വാ​ർ​ഡി​ൽ ഐ.​പി വാ​ർ​ഡു​ക​ൾ തു​റ​ക്കും. നി​ല​വി​ൽ പ​ഴ​യ കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന മൂ​ന്ന്​ വാ​ർ​ഡു​ക​ളി​ലാ​ണ്​ പ്ര​ശ്ന​മു​ള്ള​ത്. പൊ​തു​മ​രാ​മ​ത്ത്​ വ​കു​പ്പു​മാ​യി ബ​ന്ധ​പ്പെ​ട്ട്​ അ​റ്റ​കു​റ്റ​പ്പ​ണി ന​ട​ത്തി പ്ര​ശ്നം പ​രി​ഹ​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു.