ബൈക്ക് മോഷണം; പ്രതികളുമായി തെളിവെടുത്തു

കായംകുളം: പുല്ലുകുളങ്ങരയിൽ നിന്ന് രണ്ട് മാസം മുമ്പ് ബൈക്ക് മോഷ്ടിച്ച പ്രതികളെ പൊലീസ് കസ്റ്റഡിയിൽ വാങ്ങി തെളിവെടുപ്പ് നടത്തി. കൊല്ലം അഞ്ചാംലുമൂട് കൊച്ചഴിയത്തു പനയിൽ വീട്ടിൽ കവനാട് ശശി, ഹരിപ്പാട് മണ്ണാറശാല തറയിൽ പുത്തൻ വീട്ടിൽ ഉണ്ണികൃഷ്ണൻ എന്നിവരെയാണ് തെളിവെടുപ്പിന് കൊണ്ടുവന്നത്.

മാല മോഷണമടക്കം നിരവധി കേസുകളിൽ പ്രതികളായ ഇവർ പാലക്കാട്‌ സബ്ജയ്ലിൽ ജുഡീഷ്യൽ കസ്റ്റഡിയിൽ കഴിയുകയായിരുന്നു. ആർഭാട ജീവിതത്തിനായി മോഷണം നടത്തുകയായിരുന്നു രീതി.