കുഴൽക്കിണർ നിർമാണമറവിൽ ഭൂജല വകുപ്പിൽ അഴിമതി

കാ​യം​കു​ളം: ജി​ല്ല​യി​ൽ സ്വ​കാ​ര്യ കു​ഴ​ൽ​ക്കിണ​ർ നി​ർ​മാ​ണ ക​മ്പ​നി​ക​ളെ സ​ഹാ​യി​ക്കു​ന്ന​തി​നാ​യി ഭൂ​ജ​ല വ​കു​പ്പി​ൽ ന​ട​ക്കു​ന്ന ത​ട്ടി​പ്പും അ​ഴി​മ​തി​യും പു​റ​ത്താ​യ​തോ​ടെ ഉ​ദ്യോ​ഗ​സ്ഥ​ർ അ​ങ്ക​ലാ​പ്പി​ൽ. ജി​ല്ല ധ​ന​കാ​ര്യ പ​രി​ശോ​ധ​ന സ്ക്വാ​ഡി​ന്‍റെ അ​ന്വേ​ഷ​ണ​ത്തി​ലാ​ണ് ഞെ​ട്ടി​പ്പി​ക്കു​ന്ന അ​ഴി​മ​തി പു​റ​ത്തു​വ​ന്ന​ത്. താ​മ​ര​ക്കു​ളം പ​ഞ്ചാ​യ​ത്തി​ൽ സ്വ​കാ​ര്യ വ്യ​ക്തി​ക്ക് കി​ണ​ർ നി​ർ​മി​ച്ച​തി​ലെ അ​ട്ടി​മ​റി സം​ബ​ന്ധി​ച്ച പ​രാ​തി ക്ര​മ​ക്കേ​ടു​ക​ൾ മ​റ​നീ​ക്കാ​ൻ കാ​ര​ണ​മാ​യി. 56 ദി​വ​സം കു​ഴി​ച്ചി​ട്ട് ഭൂ​ജ​ല വ​കു​പ്പ് ഒ​ഴി​വാ​ക്കി​യ അ​തേ​സ്ഥ​ല​ത്ത് സ്വ​കാ​ര്യ ക​മ്പ​നി കി​ണ​ർ സ്ഥാ​പി​ച്ച​തും പ​രി​ശോ​ധ​ന​യി​ൽ ക​ണ്ടെ​ത്തി​യി​ട്ടു​ണ്ട്. ഇ​തി​ൽ സ​ർ​ക്കാ​റി​ന് ന​ഷ്ടം സം​ഭ​വി​ച്ച ഒ​ന്ന​ര ല​ക്ഷ​ത്തോ​ളം രൂ​പ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രി​ൽ​നി​ന്ന്​ ഈ​ടാ​ക്ക​ണ​മെ​ന്നാ​ണ് ധ​ന​കാ​ര്യ പ​രി​ശോ​ധ​ന​വി​ഭാ​ഗ​ത്തി​ന്‍റെ ശി​പാ​ർ​ശ. വീ​ഴ്ച വ​രു​ത്തി​യ​വ​ർ​ക്കെ​തി​രെ ന​ട​പ​ടി വേ​ണ​മെ​ന്നും ത​ട്ടി​പ്പി​ന്‍റെ കൂ​ടു​ത​ൽ വി​വ​ര​ങ്ങ​ൾ ക​ണ്ടെ​ത്താ​നാ​യി വി​ജി​ല​ൻ​സ് അ​ന്വേ​ഷ​ണം വേ​ണ​മെ​ന്നും നി​ർ​ദേ​ശ​മു​ണ്ട്.

ഭൂ​ജ​ല വ​കു​പ്പി​ന്‍റെ പ്ര​വൃ​ത്തി​ക​ളി​ലൂ​ടെ സ​ർ​ക്കാ​റി​ന് സാ​മ്പ​ത്തി​ക ന​ഷ്ടം സം​ഭ​വി​ക്കു​ന്നു​വെ​ന്ന പ​രാ​തി​യു​ടെ അ​ടി​സ്ഥാ​ന​ത്തി​ലാ​യി​രു​ന്നു അ​ന്വേ​ഷ​ണം. താ​മ​ര​ക്കു​ള​ത്ത് കു​ഴ​ൽ​കി​ണ​ർ സ്ഥാ​പി​ക്കു​ന്ന​തി​ന് സ്വ​കാ​ര്യ വ്യ​ക്തി ന​ൽ​കി​യ അ​പേ​ക്ഷ​യു​ടെ അ​ടി​സ്ഥാ​ന​ത്തി​ൽ കു​ടി​വെ​ള്ളം ല​ഭി​ക്കു​ന്ന സ്ഥ​ല​മാ​ണെ​ന്ന് ഹൈ​ഡ്രോ ജി​യോ​ള​ജി​സ്റ്റ് പ​രി​ശോ​ധ​ന റി​പ്പോ​ർ​ട്ട് ന​ൽ​കു​ന്ന​ത് മു​ത​ലാ​ണ് ത​ട്ടി​പ്പി​ന് തു​ട​ക്കം. 66 ദി​വ​സം കു​ഴി​ച്ച​ശേ​ഷം പ്ര​ഹ​സ​ന മ​ണ്ണ് പ​രി​ശോ​ധ​ന ന​ട​ത്തി വെ​ള്ളം ല​ഭി​ക്കാ​ൻ സാ​ധ്യ​ത​യി​ല്ലെ​ന്ന റി​പ്പോ​ർ​ട്ട് ത​യാ​റാ​ക്കി നി​ർ​മാ​ണം അ​വ​സാ​നി​പ്പി​ക്കു​ക​യാ​യി​രു​ന്നു. എ​ന്നാ​ൽ, ഇ​വ​ർ കു​ഴി​ച്ച​യി​ട​ത്ത് ഭൂ​ജ​ല വ​കു​പ്പി​ന്‍റെ സാ​മ​ഗ്രി​ക​ൾ മാ​റ്റു​ന്ന​തി​ന് മു​മ്പു​ത​ന്നെ സ്വ​കാ​ര്യ ക​മ്പ​നി നാ​ല് ദി​വ​സം കൊ​ണ്ട് കി​ണ​ർ സ്ഥാ​പി​ക്കു​ക​യും വെ​ള്ളം ക​ണ്ടെ​ത്തു​ക​യും ചെ​യ്തു.

ഭൂ​ജ​ല വ​കു​പ്പി​ലെ ക​രാ​ർ ജീ​വ​ന​ക്കാ​ര​ന്‍റെ ബ​ന്ധു​വി​ന്‍റേ​താ​ണ് സ്വ​കാ​ര്യ ക​മ്പ​നി​യെ​ന്നാ​ണ് അ​റി​യു​ന്ന​ത്. ജി​ല്ല​യി​ൽ പ​ല​യി​ട​ത്തും ഈ ​ക​മ്പ​നി​യാ​ണ് കൂ​ടു​ത​ൽ കി​ണ​റു​ക​ൾ സ്ഥാ​പി​ച്ച​തെ​ന്നും പ​റ​യു​ന്നു. ഇ​വ​രെ സ​ഹാ​യി​ക്കാ​നാ​യി വ​ഴി​വി​ട്ട ഇ​ട​പെ​ട​ലു​ക​ൾ ന​ട​ത്തി​യ​താ​യാ​ണ് ആ​ക്ഷേ​പം. അ​തി​നി​ടെ, ഭൂ​ജ​ല വ​കു​പ്പ് ആ​റു​മാ​സം എ​ടു​ക്കു​ന്ന പ​ണി​ക​ൾ സ്വ​കാ​ര്യ ക​മ്പ​നി​ക​ൾ 40 ദി​വ​സ​ത്തി​നു​ള്ളി​ൽ പൂ​ർ​ത്തീ​ക​രി​ക്കു​ന്നു​വെ​ന്ന​താ​ണ് ശ്ര​ദ്ധേ​യം. കെ​ടു​കാ​ര്യ​സ്ഥ​ത​യും സാ​മ​ഗ്രി​ക​ളു​ടെ പ​ഴ​ക്ക​വും അ​ഴി​മ​തി സാ​ധ്യ​ത​ക​ളും സ​ർ​ക്കാ​ർ വി​ലാ​സം നി​ർ​മാ​ണ​ത്തി​ലെ കാ​ല​താ​മ​സ​ത്തി​ന് കാ​ര​ണ​മാ​യി ചൂ​ണ്ടി​ക്കാ​ട്ടു​ന്നു. ഡീ​സ​ൽ വാ​ങ്ങു​ന്ന​തി​ലും തൊ​ഴി​ലാ​ളി​ക​ളു​ടെ ഷി​ഫ്റ്റ് രീ​തി​യി​ലും അ​ഴി​മ​തി​യു​ടെ മ​റ​വു​ണ്ട്.

താ​മ​ര​ക്കു​ള​ത്തെ കു​ഴ​ൽ​കി​ണ​ർ നി​ർ​മാ​ണ​ത്തി​ൽ 1,40,637 രൂ​പ​യു​ടെ ന​ഷ്ട​മാ​ണ് സ​ർ​ക്കാ​റി​നു​ണ്ടാ​യ​ത്. ഈ ​തു​ക​യും 18 ശ​ത​മാ​നം പ​ലി​ശ​യും ഹൈ​ഡ്രോ ജി​യോ​ള​ജി​സ്റ്റാ​യി​രു​ന്ന എ​സ്. അ​ഞ്ജ​ലി​യി​ൽ​നി​ന്ന്​ ഈ​ടാ​ക്ക​ണ​മെ​ന്നാ​ണ് ധ​ന​കാ​ര്യ പ​രി​ശോ​ധ​ന വി​ഭാ​ഗ​ത്തി​ന്‍റെ നി​ർ​ദേ​ശം. സ്വ​കാ​ര്യ ക​മ്പ​നി​യെ സ​ഹാ​യി​ച്ച ഇ​വ​ർ​ക്കും ജി​ല്ല ഓ​ഫി​സ​ർ പി.​വി. ജെ​ന​റ്റി​നു​മെ​തി​രെ ഭ​ര​ണ വ​കു​പ്പ് ക​ർ​ശ​ന അ​ച്ച​ട​ക്ക ന​ട​പ​ടി സ്വീ​ക​രി​ക്ക​ണ​മെ​ന്നും റി​പ്പോ​ർ​ട്ടി​ൽ പ​റ​യു​ന്നു. നി​ർ​മാ​ണ​ങ്ങ​ൾ സം​ബ​ന്ധി​ച്ച് പ​ല രേ​ഖ​ക​ളും ഓ​ഫി​സ് ഫ​യ​ലു​ക​ളി​ൽ ഇ​ല്ലെ​ന്നും ക​ണ്ടെ​ത്തി.

സം​ശ​യ​നി​ഴ​ലി​ലു​ള്ള കൊ​ല്ലം കേ​ന്ദ്ര​മാ​ക്കി​യ സ്വ​കാ​ര്യ സ്ഥാ​പ​ന​വു​മാ​യി ഉ​ദ്യോ​ഗ​സ്ഥ​ർ​ക്കു​ള്ള ബ​ന്ധം ക​ണ്ടെ​ത്താ​നാ​യി വി​ജി​ല​ൻ​സ് അ​ന്വേ​ഷ​ണ​ത്തി​നും ശി​പാ​ർ​ശ​യു​ണ്ട്. 43 കി​ണ​റു​ക​ളാ​ണ് പ​രാ​തി കാ​ല​യ​വ​ള​വി​ൽ പ​ല​യി​ട​ങ്ങ​ളി​ലാ​യി ആ​രോ​പ​ണ​വി​ധേ​യ സ്ഥാ​പ​നം നി​ർ​മി​ച്ച​ത്. ഇ​തി​ലൂ​ടെ ന​ല്ലൊ​രു തു​ക ഉ​ദ്യോ​ഗ​സ്ഥ​രു​ടെ അ​ക്കൗ​ണ്ടു​ക​ളി​ൽ എ​ത്തി​യ​താ​യി ആ​ക്ഷേ​പ​മു​ണ്ട്. സ​മ​ഗ്ര​മാ​യ അ​ന്വേ​ഷ​ണ​ങ്ങ​ളി​ലൂ​ടെ മാ​ത്ര​മേ ഭൂ​ജ​ല വ​കു​പ്പി​ൽ കൊ​ടി​കു​ത്തി വാ​ഴു​ന്ന അ​ഴി​മ​തി ക​ണ്ടെ​ത്താ​നാ​കു. ധ​ന​കാ​ര്യ പ​രി​ശോ​ധ​ന വി​ഭാ​ഗ​ത്തി​ന്‍റെ അ​ടി​സ്ഥാ​ന​ത്തി​ൽ ഇ​തി​നു​ള്ള ന​ട​പ​ടി​യു​ണ്ടാ​കു​മെ​ന്നാ​ണ് പ്ര​തീ​ക്ഷ.