കെ.സിയുടെ കായംകുളത്തെ സ്വീകരണം റദ്ദാക്കി

കാ​യം​കു​ളം: വി​ജ​യ​ം ആ​ഘോ​ഷി​ക്കാ​ൻ കൂ​ടി​യ യോ​ഗ​വും ത​മ്മി​ല​ടി​യി​ൽ ക​ലാ​ശി​ച്ച​തിനെ തുടർന്ന്​ കെ.​സി. വേ​ണു​ഗോ​പാ​ൽ എം.​പി​യു​ടെ കാ​യം​കു​ള​ത്തെ സ്വീ​ക​ര​ണം റ​ദ്ദാ​ക്കിയതിന്‍റെ നാണക്കേടിലാണ്​ ജില്ലയിലെ കോൺഗ്രസ്​ നേതൃത്വം.

ക​ഴി​ഞ്ഞ കു​റെ നാ​ളു​ക​ളാ​യി കോ​ൺ​ഗ്ര​സി​നു​ള്ളി​ൽ പു​ക​യു​ന്ന ചേ​രി​തി​രി​വ് യു.​ഡി.​എ​ഫ് നേ​തൃ​യോ​ഗ​ത്തി​ലെ അ​ടി​യി​ൽ ക​ലാ​ശി​ച്ച​തോ​ടെ വി​ഷ​യം പ​ര​സ്യ വി​ഴു​പ്പ​ല​ക്ക​ലി​ലേ​ക്ക് ക​ട​ക്കു​ക​യാ​ണ്. മ​ണ്ഡ​ലം കോ​ൺ​ഗ്ര​സ് പ്ര​സി​ഡ​ന്‍റു​മാ​ർ ചു​മ​ത​ല​യേ​ൽ​ക്കു​ന്ന യോ​ഗ​ങ്ങ​ളി​ലെ സ്ഥി​രം ത​ർ​ക്ക​ങ്ങ​ൾ​ക്ക്​ ലോ​ക്സ​ഭ സ്ഥാ​നാ​ർ​ഥി പ്ര​ഖ്യാ​പ​ന​ത്തോ​ടെ​യാ​ണ് താ​ൽ​കാ​ലി​ക വി​രാ​മ​മാ​യ​ത്. തെ​ര​ഞ്ഞെ​ടു​പ്പ് പ്ര​വ​ർ​ത്ത​നം തു​ട​ങ്ങി​യ​തോ​ടെ വി​ഷ​യ​ങ്ങ​ൾ ചി​ല​യി​ട​ങ്ങ​ളി​ൽ വീ​ണ്ടും പു​ക​ഞ്ഞ് തു​ട​ങ്ങി. യോ​ഗ​ങ്ങ​ളി​ൽ നേ​താ​ക്ക​ളു​ടെ പേ​രു​ക​ൾ വി​ട്ടു​പോ​കു​ന്ന​ത് വ​രെ സം​ഘ​ർ​ഷ​ത്തി​ന് കാ​ര​ണ​മാ​യി മാ​റി.

സ്വീ​ക​ര​ണ യോ​ഗ​ത്തി​ൽ ബ്ലോ​ക്ക് പ്ര​സി​ഡ​ന്‍റും മ​ണ്ഡ​ലം പ്ര​സി​ഡ​ന്‍റും ത​മ്മി​ൽ ന​ട​ന്ന തെ​റി​വി​ളി കേ​ട്ട് നാ​ട്ടു​കാ​ർ​ക്ക് കാ​ത് പൊ​ത്തേ​ണ്ടി വ​ന്നു. ചേ​രാ​വ​ള്ളി​യി​ൽ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ പ​ങ്കെ​ടു​ത്ത യോ​ഗ​ത്തി​ന് ശേ​ഷ​മു​ണ്ടാ​യ സം​ഘ​ർ​ഷം പ​ട​രാ​തി​രി​ക്കാ​ൻ നേ​തൃ​ത്വ​ത്തി​ന് ഏ​റെ പ്ര​യാ​സ​പ്പെ​ടേ​ണ്ടി വ​ന്നു. സ്വാ​ഗ​ത പ്ര​സം​ഗ​ത്തി​ൽ യു.​ഡി.​എ​ഫ് ക​ൺ​വീ​ന​ർ ഡി.​സി.​സി സെ​ക്ര​ട്ട​റി​യു​ടെ പേ​ര് ഒ​ഴി​വാ​ക്കി​യ​താ​ണ് കാ​ര​ണം. യോ​ഗ​ശേ​ഷം ക​ൺ​വീ​ന​റു​ടെ കാ​തി​ൽ സെ​ക്ര​ട്ട​റി എ​ന്തോ പ​റ​ഞ്ഞു. ഉ​ട​ൻ​ത​ന്നെ ക​ൺ​വീ​ന​റു​ടെ ചെ​രു​പ്പ് സെ​ക്ര​ട്ട​റി​യു​ടെ പു​റ​ത്ത് പ​തി​യു​ന്ന​താ​ണ് ക​ണ്ട​ത്. വി​ഷ​യം തെ​ര​ഞ്ഞെ​ടു​പ്പി​നെ ബാ​ധി​ക്കാ​തി​രി​ക്കാ​ൻ യു​ദ്ധ​കാ​ല ഇ​ട​പെ​ട​ലു​ക​ൾ ന​ട​ത്തി​യാ​ണ് താ​ൽ​കാ​ലി​ക പ​രി​ഹാ​രം ക​ണ്ട​ത്. പ​ല​യി​ട​ത്തും നേ​താ​ക്ക​ളു​ടെ ഇ​ട​പെ​ട​ലു​ക​ൾ പ​രി​ധി​വി​ട്ട​തോ​ടെ പ​ല​രോ​ടും താ​ക്കീ​തി​ന്‍റെ സ്വ​ര​ത്തി​ൽ കെ.​സി​ക്ക് സം​സാ​രി​ക്കേ​ണ്ടി വ​ന്ന​താ​യും അ​റി​യു​ന്നു.

പ​ര​സ്പ​രം പോ​ര​ടി​ക്കു​ന്ന നേ​താ​ക്ക​ളെ വ​ച്ച് മ​ണ്ഡ​ല​ത്തി​ൽ പ്ര​വ​ർ​ത്ത​നം ന​ട​ക്കി​ല്ലെ​ന്ന് ബോ​ധ്യ​മാ​യ​തോ​ടെ​യാ​ണ് ഐ.​എ​ൻ.​ടി.​യു.​സി സം​സ്ഥാ​ന പ്ര​സി​ഡ​ന്‍റ് ആ​ർ. ച​ന്ദ്ര​ശേ​ഖ​ര​ന് ഇ​വി​ടെ തെ​ര​ഞ്ഞെ​ടു​പ്പ് ചു​മ​ത​ല ന​ൽ​കേ​ണ്ടി വ​ന്ന​ത്. ഇ​ദ്ദേ​ഹ​ത്തി​നും നി​യ​ന്ത്രി​ക്കാ​ൻ ക​ഴി​യാ​ത്ത വി​ധ​ത്തി​ലാ​യി​രു​ന്നു കാ​ര്യ​ങ്ങ​ളു​ടെ പോ​ക്ക്. തെ​ര​ഞ്ഞെ​ടു​പ്പ് ക​ഴി​ഞ്ഞ് ക​ണ​ക്ക് അ​വ​ത​രി​പ്പി​ക്കാ​ൻ ന​ഗ​ര​ത്തി​ന് വ​ട​ക്കു​വ​ശ​മു​ള്ള ക​ൺ​വ​ൻ​ഷ​ൻ സെ​ന്‍റ​റി​ൽ കൂ​ടി​യ യു.​ഡി.​എ​ഫ് യോ​ഗ​ത്തി​ൽ കാ​യം​കു​ള​ത്തെ നേ​താ​ക്ക​ളു​ടെ ക​രു​ത്ത് ച​ന്ദ്ര​ശേ​ഖ​ര​നും ബോ​ധ്യ​മാ​യി. ക​മ്മി​റ്റി​യി​ൽ ഇ​ല്ലാ​ത്ത​വ​ർ പു​റ​ത്തു​പോ​ക​ണ​മെ​ന്ന് പ​റ​ഞ്ഞ ഇ​ദ്ദേ​ഹ​ത്തി​ന്‍റെ കൈ​വ​ശ​മു​ണ്ടാ​യി​രു​ന്ന ലി​സ്റ്റ് ബ്ലോ​ക്ക് സെ​ക്ര​ട്ട​റി ബ​ല​മാ​യി പി​ടി​ച്ചു​വാ​ങ്ങി​യ​പ്പോ​ൾ മി​ണ്ടാ​തെ നി​ൽ​ക്കാ​നെ ക​ഴി​ഞ്ഞു​ള്ളു. നാ​ണ​ക്കേ​ട് ഓ​ർ​ത്ത് പ​രാ​തി​പോ​ലും പ​റ​യാ​ൻ മു​തി​ർ​ന്ന നേ​താ​വ് ത​യാ​റാ​യി​ല്ല. നേ​താ​ക്ക​ളു​ടെ ത​മ്മി​ല​ടി അ​തി​ജ​യി​ച്ച് മ​ണ്ഡ​ല​ത്തി​ൽ നേ​ടി​യ തി​ള​ക്ക​മാ​ർ​ന്ന മു​ന്നേ​റ്റ​ത്തി​ന്‍റെ നി​റം കെ​ടു​ത്തു​ന്ന ന​ട​പ​ടി​ക​ൾ വ്യാ​പ​ക വി​മ​ർ​ശ​ന​ങ്ങ​ൾ​ക്ക് കാ​ര​ണ​മാ​കു​ക​യാ​ണ്. ക​ർ​ശ​ന ന​ട​പ​ടി​ക​ളു​ണ്ടാ​കു​മെ​ന്ന മു​ന്ന​റി​യി​പ്പാ​ണ് ഡി.​സി.​സി സെ​ക്ര​ട്ട​റി​യു​ടെ സ​സ്പെ​ൻ​ഷ​ൻ എ​ന്നാ​ണ് സൂ​ച​ന.

ത​മ്മി​ല​ടി​ക്കു​ന്ന​വ​രു​ടെ സ്വീ​ക​ര​ണം വേ​ണ്ടെ​ന്ന കെ.​സി. വേ​ണു​ഗോ​പാ​ൽ എം.​പി​യു​ടെ ന​ട​പ​ടി​യും കാ​യം​കു​ള​ത്തെ നേ​താ​ക്ക​ളോ​ടു​ള്ള അ​സം​തൃ​പ്തി​യു​ടെ പ്ര​തി​ഫ​ല​ന​മാ​ണ​ത്രെ. വെ​ള്ളി​യാ​ഴ്ച​യാ​ണ് സ്വീ​ക​ര​ണം തീ​രു​മാ​നി​ച്ചി​രു​ന്ന​ത്.