കായംകുളത്ത്​ പ്ലാസ്റ്റിക്​ ശേഖരണത്തിൽ കുതിച്ച്​ ഗ്രാമങ്ങൾ, ഇഴഞ്ഞ്​ നഗരം

കാ​യം​കു​ളം: നാ​ടി​ന്‍റെ പാ​രി​സ്ഥി​തി​ക ഘ​ട​ന​യെ ത​ക​ർ​ക്കു​ന്ന ത​ര​ത്തി​ൽ കു​മി​ഞ്ഞ പ്ലാ​സ്റ്റി​ക് ഭീ​ഷ​ണി​യി​ൽ​നി​ന്ന്​ കു​റേ​ശ്ശ​യാ​യി നാ​ട് മു​ക്ത​മാ​കു​ക​യാ​ണ്. കാ​യ​ലി​ലും കൈ​വ​ഴി​ത്തോ​ടു​ക​ളി​ലും കു​ള​ങ്ങ​ളി​ലും ഓ​ട​ക​ളി​ലും നി​റ​ഞ്ഞ അ​ജൈ​വ മാ​ലി​ന്യ​ത്തി​ന്‍റെ ഭീ​ക​ര​ത​യി​ൽ​നി​ന്ന് നാ​ടി​നെ മോ​ചി​പ്പി​ക്കാ​ൻ ഹ​രി​ത​ക​ർ​മ സേ​ന​ക്ക് ഒ​രു​പ​രി​ധി​വ​രെ ക​ഴി​യു​ന്നു. പ​ദ്ധ​തി​യോ​ട് പു​റം​തി​രി​ഞ്ഞ് നി​ൽ​ക്കു​ന്ന​വ​ർ ധാ​രാ​ള​മു​ള്ള​ത് ഇ​തി​ന്‍റെ നൂ​റു​ശ​ത​മാ​ന വി​ജ​യ​ത്തെ കാ​ര്യ​മാ​യി ബാ​ധി​ക്കു​ന്നു. പ്ര​തി​മാ​സം 50 രൂ​പ ന​ൽ​കു​ന്ന​തി​ലു​ള്ള പ്ര​തി​ഷേ​ധ​മാ​ണ് ഇ​തി​ന്‍റെ മു​ഖ്യ​കാ​ര​ണം. എ​ന്നാ​ൽ ഗ്രാ​മ​ങ്ങ​ൾ പ്ലാ​സ്റ്റി​ക് നീ​ക്ക​ത്തി​ൽ പു​രോ​ഗ​തി കൈ​വ​രി​ച്ചി​രി​ക്കു​ക​യാ​ണ്. അ​തേ​സ​മ​യം, ഇ​ത​ര മാ​ലി​ന്യം നീ​ക്കു​ന്ന​തി​ൽ ഒ​രി​ഞ്ചു​പോ​ലും മു​ന്നോ​ട്ട് പോ​കാ​ൻ പ​ഞ്ചാ​യ​ത്തു​ക​ൾ​ക്കും ക​ഴി​ഞ്ഞി​ട്ടി​ല്ല. ചി​ല​യി​ട​ങ്ങ​ളി​ൽ പ​ഴ​യ വ​സ്ത്ര​ങ്ങ​ൾ ശേ​ഖ​രി​ക്കാ​നാ​യി എ​ന്ന​ത് മാ​ത്രം. പ്ലാ​സ്റ്റി​ക് കൂ​ടാ​തെ പ​ഴ​യ ചെ​രി​പ്പ്, ബാ​ഗ്, തെ​ർ​മോ​കോ​ൾ, ക​ണ്ണാ​ടി, കു​പ്പി​ച്ചി​ല്ല്, ട്യൂ​ബ് ലൈ​റ്റ്, സി.​എ​ഫ്.​എ​ൽ, ഇ-​മാ​ലി​ന്യം എ​ന്നി​വ​യും ഇ​ട​വി​ട്ട മാ​സ​ങ്ങ​ളി​ൽ ശേ​ഖ​രി​ക്കാ​നാ​ണ് ല​ക്ഷ്യ​മി​ട്ട​ത്. ഇ​വ സൂ​ക്ഷി​ക്കാ​നു​ള്ള ക​ല​ക്ഷ​ൻ സെ​ന്‍റ​റു​ക​ൾ മി​ക്ക പ​ഞ്ചാ​യ​ത്തി​ലും ഇ​ല്ലെ​ന്ന​താ​ണ് പ​ദ്ധ​തി​യെ ബാ​ധി​ക്കു​ന്ന​ത്.

സ്വ​ന്ത​മാ​യി ക​ല​ക്ഷ​ൻ സെ​ന്‍റ​റു​ള്ള കൃ​ഷ്ണ​പു​രം പ​ഞ്ചാ​യ​ത്ത്​ പ്ലാ​സ്റ്റി​ക് ശേ​ഖ​ര​ണ​ത്തി​ൽ മാ​തൃ​കാ​പ​ര​മാ​യ പ്ര​വ​ർ​ത്ത​ന​മാ​ണ് കാ​ഴ്ച​വെ​ക്കു​ന്ന​ത്. ഇ​തി​ലൂ​ടെ സം​സ്ഥാ​ന​ത​ല പു​ര​സ്കാ​ര​വും നേ​ടി​യെ​ടു​ത്തു. അ​ടു​ത്തി​ടെ ക​ല​ക്ഷ​ൻ സെ​ന്‍റ​ർ തീ​ക​ത്തി ന​ശി​ച്ച​ത് പ്ര​വ​ർ​ത്ത​ന​ത്തെ സാ​ര​മാ​യി ബാ​ധി​ച്ചി​രു​ന്നു. ഇ​തി​നെ മ​റി​ക​ട​ക്കു​ന്ന ത​ര​ത്തി​ലു​ള്ള ഇ​ട​പെ​ട​ൽ ഊ​ർ​ജി​ത​മാ​ക്കി​യി​രി​ക്കു​ക​യാ​ണ്. 87 മു​ത​ൽ 90 ശ​ത​മാ​നം​വ​രെ പ്ലാ​സ്റ്റി​ക് മാ​ലി​ന്യ​മാ​ണ് ഓ​രോ മാ​സ​വും ശേ​ഖ​രി​ക്കു​ന്ന​ത്. 17 വാ​ർ​ഡി​ലാ​യി 34 പേ​രാ​ണ് ഇ​തി​നാ​യി പ്ര​വ​ർ​ത്തി​ക്കു​ന്ന​ത്. ഒ​രു ത​വ​ണ പ​ഴ​യ വ​സ്ത്ര​ങ്ങ​ളും ശേ​ഖ​രി​ച്ചി​രു​ന്നു. കു​പ്പി​ച്ചി​ല്ലു​ക​ളും ചെ​രി​പ്പു​ക​ൾ​ക്കു​മൊ​പ്പം ഇ-​വേ​സ്റ്റു​ക​ൾ ശേ​ഖ​രി​ക്കാ​നു​ള്ള പ​ദ്ധ​തി രൂ​പ​പ്പെ​ടു​ത്തി​യി​ട്ടു​ണ്ട്.

തീ​ര​ദേ​ശ പ​ഞ്ചാ​യ​ത്താ​യ ദേ​വി​കു​ള​ങ്ങ​ര​യി​ൽ 95 ശ​ത​മാ​നം വ​രെ​യാ​ണ് പ്ലാ​സ്റ്റി​ക് ശേ​ഖ​ര​ണം. ചി​ല വാ​ർ​ഡു​ക​ളി​ൽ ഇ​ത് നൂ​റു​ശ​ത​മാ​ന​മാ​യി ഉ​യ​ർ​ത്താ​നും ക​ഴി​ഞ്ഞി​ട്ടു​ണ്ട്. പ​ഴ​യ വ​സ്ത്ര​ങ്ങ​ൾ ശേ​ഖ​രി​ച്ച് തു​ണി​സ​ഞ്ചി​യും ച​വി​ട്ടു​മെ​ത്ത​ക​ളു​മാ​യി പ​രി​വ​ർ​ത്തി​പ്പി​ക്കു​ന്ന പ​ദ്ധ​തി​യും ന​ട​പ്പാ​ക്കി. ക​ല​ക്ഷ​ൻ സെ​ന്‍റ​ർ ഇ​ല്ലാ​ത്ത​താ​ണ് മാ​ലി​ന്യ​ശേ​ഖ​ര​ണ​ത്തി​ന് പ്ര​ധാ​ന പ്ര​തി​സ​ന്ധി​യെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് എ​സ്. പ​വ​ന​നാ​ഥ​ൻ പ​റ​ഞ്ഞു. ഹ​രി​ത ക​ർ​മ സേ​ന​യു​ടെ പ്ര​വ​ർ​ത്ത​നം സ​ജീ​വ​മാ​യ​തോ​ടെ പ്ലാ​സ്റ്റി​ക് വ​ലി​ച്ചെ​റി​യു​ന്ന സ​മീ​പ​നം ഒ​രു​പ​രി​ധി​വ​രെ കു​റ​ക്കാ​നാ​യ​താ​ണ് നാ​ട് നേ​രി​ടു​ന്ന പ്ര​ധാ​ന നേ​ട്ടം. കാ​യ​ലും കൈ​വ​ഴി​ത്തോ​ടു​ക​ളി​ലും പ്ലാ​സ്റ്റി​ക് സാ​ന്നി​ധ്യം ഗ​ണ്യ​മാ​യി കു​റ​ക്കാ​നു​മാ​യി.

ഭ​ര​ണി​ക്കാ​വി​ൽ പ​ഞ്ചാ​യ​ത്ത് ഷോ​പ്പി​ങ്​ കോം​പ്ല​ക്സി​ന്‍റെ മു​ക​ൾ നി​ല​യി​ലാ​ണ് പ്ലാ​സ്റ്റി​ക് ത​രം​തി​രി​ച്ച് സൂ​ക്ഷി​ക്കു​ന്ന​ത്. നി​ല​വി​ൽ 81 ശ​ത​മാ​നം​വ​രെ പ്ലാ​സ്റ്റി​ക്കാ​ണ് എ​ത്തി​ക്കു​ന്ന​ത്. മാ​സം അ​ഞ്ച് ട​ൺ​വ​രെ പ്ലാ​സ്റ്റി​ക് ആ​ല​പ്പു​ഴ​യി​ലെ ക്ലീ​ൻ കേ​ര​ള ക​മ്പ​നി​യി​ലേ​ക്ക് ക​യ​റ്റി അ​യ​ക്കു​ന്നു​ണ്ട്. 21 വാ​ർ​ഡി​ലാ​യി 42 പേ​രാ​ണ് ഹ​രി​ത​ക​ർ​മ സേ​ന​യി​ലു​ള്ള​ത്. മൂ​ന്ന് വാ​ർ​ഡു​ക​ളി​ൽ​നി​ന്നു​ള്ള സ​ഹ​ക​ര​ണ​ക്കു​റ​വ് പ​ദ്ധ​തി​യു​ടെ പൂ​ർ​ണ​ത​യെ ബാ​ധി​ക്കു​ന്ന​താ​യി സേ​ന അം​ഗം ശാ​ലി​നി പ​റ​ഞ്ഞു. പ​ത്തി​യൂ​ർ പ​ഞ്ചാ​യ​ത്തി​ലും പ്ലാ​സ്റ്റി​ക് ശേ​ഖ​ര​ണ​മാ​ണ് പ്ര​ധാ​ന​മാ​യും ന​ട​ക്കു​ന്ന​ത്. ഒ​രു​ത​വ​ണ വ​സ്ത്ര​ങ്ങ​ൾ ശേ​ഖ​രി​ക്കാ​നാ​യി. 87 ശ​ത​മാ​നം വ​രെ പ്ലാ​സ്റ്റി​ക് ശേ​ഖ​രി​ക്കു​ന്നു. ക​ല​ക്ഷ​ൻ സെ​ന്‍റ​റി​ൽ അ​ടി​സ്ഥാ​ന സൗ​ക​ര്യം ഒ​രു​ക്കി കൂ​ടു​ത​ൽ പാ​ഴ്വ​സ്തു​ക്ക​ൾ ശേ​ഖ​രി​ക്കാ​നു​ള്ള പ​ദ്ധ​തി രൂ​പ​പ്പെ​ടു​ത്തു​ക​യാ​ണെ​ന്ന് പ്ര​സി​ഡ​ന്‍റ് എ​ൽ. ഉ​ഷ പ​റ​ഞ്ഞു. ചെ​ട്ടി​കു​ള​ങ്ങ​ര, ക​ണ്ട​ല്ലൂ​ർ പ​ഞ്ചാ​യ​ത്തു​ക​ളി​ലും 80 ശ​ത​മാ​ന​ത്തി​ന് മു​ക​ളി​ൽ പ്ലാ​സ്റ്റി​ക് ശേ​ഖ​ര​ണം ന​ട​ക്കു​ന്നു.

ന​ഗ​ര​ത്തി​ൽ പ്ലാ​സ്റ്റി​ക്​ ശേ​ഖ​ര​ണം 30 ശ​ത​മാ​നം മാ​ത്രം

പ്ലാ​സ്റ്റി​ക് മാ​ലി​ന്യ​ത്തി​ന്‍റെ രൂ​ക്ഷ​ത പേ​റു​ന്ന ന​ഗ​ര​ത്തി​ന് ഹ​രി​ത​ക​ർ​മ സേ​ന​യെ ഉ​ൾ​ക്കൊ​ള്ളു​ന്ന​തി​ൽ പാ​തി​മ​ന​സ്സ്. പ്ലാ​സ്റ്റി​ക് ശേ​ഖ​ര​ണം 30 ശ​ത​മാ​ന​ത്തി​ൽ എ​ത്തി​യെ​ന്ന​ത് ത​ന്നെ വ​ലി​യ കാ​ര്യ​മാ​യാ​ണ് അ​ധി​കൃ​ത​ർ കാ​ണു​ന്ന​ത്. ജ​ന​ങ്ങ​ളു​ടെ നി​ഷേ​ധാ​ത്മ​ക സ​മീ​പ​നം മാ​റ്റി​യെ​ടു​ക്കാ​ൻ ന​ട​ത്തു​ന്ന ഇ​ട​പെ​ട​ൽ വി​ജ​യ​ത്തി​ലേ​ക്ക് എ​ത്തു​ന്നു​ണ്ട്. മൂ​ന്ന് മാ​സം മു​മ്പ് വ​രെ ഇ​ഴ​ഞ്ഞു​നീ​ങ്ങി​യ പ​ദ്ധ​തി കാ​ര്യ​ക്ഷ​മ​മാ​യി തു​ട​ങ്ങി​യി​ട്ടേ​യു​ള്ളൂ. ഇ​തി​നി​ടെ സേ​ന അം​ഗ​ങ്ങ​ൾ​ക്ക് നേ​രി​ടേ​ണ്ടി വ​ന്ന തി​ക്താ​നു​ഭ​വ​ങ്ങ​ളു​മാ​യി ബ​ന്ധ​പ്പെ​ട്ട് 20ഓ​ളം പ​രാ​തി​ക​ളാ​ണ് ന​ഗ​ര​സ​ഭ​യി​ൽ എ​ത്തി​യ​ത്. തു​ട​ക്ക​ത്തി​ൽ ഒ​മ്പ​ത് പേ​രാ​യി​രു​ന്നു സേ​ന​യി​ലു​ണ്ടാ​യി​രു​ന്ന​ത്. മൂ​ന്ന് മാ​സം മു​മ്പ് ഇ​ത് 38 ആ​യി വ​ർ​ധി​ച്ചു. ഇ​പ്പോ​ൾ 71 പേ​രി​ലെ​ത്തി. 44 വാ​ർ​ഡു​ക​ളി​ൽ 13 ഓ​ളം വാ​ർ​ഡു​ക​ൾ സ​ഹ​ക​ര​ണ​ത്തി​ൽ വ​ള​രെ പി​ന്നി​ലാ​ണ്. 27 മു​ത​ൽ 30 ശ​ത​മാ​നം വ​രെ​യാ​ണ് സ​ഹ​ക​ര​ണം. 15, 22 എ​ന്നീ വാ​ർ​ഡു​ക​രാ​ണ് പ്ലാ​സ്റ്റി​ക് കെ​ടു​തി​ക​ളി​ൽ​നി​ന്ന്​ മു​ക്ത​മാ​ക​ണ​മെ​ന്ന് കൂ​ടു​ത​ൽ താ​ൽ​പ​ര്യം കാ​ട്ടി​യ​ത്. ഇ​വി​ടെ 80 മു​ത​ൽ 95 ശ​ത​മാ​നം വ​രെ​യെ​ത്തി​ക്കാ​നാ​യി.

മു​രു​ക്കും​മൂ​ട്ടി​ലെ മാ​ലി​ന്യ​നി​ക്ഷേ​പ കേ​ന്ദ്ര​ത്തി​ൽ എ​ത്തി​ച്ചാ​ണ് പ്ലാ​സ്റ്റി​ക്കു​ക​ൾ ത​രം തി​രി​ക്കു​ന്ന​ത്. ഇ​വി​ടെ എം.​സി.​എ​ഫി​നാ​യു​ള്ള പ്ര​വ​ർ​ത്ത​നം ന​ട​ന്നു​വ​രു​ന്നു. യൂ​സ​ർ​ഫീ ന​ൽ​കു​ന്ന​തി​ലെ പ്ര​യാ​സ​മാ​ണ് സ​ഹ​ക​ര​ണ​ത്തി​ന് ത​ട​സ്സ​മാ​യി വീ​ട്ടു​കാ​ർ പ​റ​യു​ന്ന​തെ​ന്ന് ഗ്രൂ​പ് സെ​ക്ര​ട്ട​റി ജെ. ​സി​ന്ധു പ​റ​യു​ന്നു. അ​തേ​സ​മ​യം, മു​രു​ക്കും​മൂ​ട്ടി​ലെ നി​ക്ഷേ​പ കേ​ന്ദ്രം പൂ​ട്ടി​യ​തോ​ടെ ജൈ​വ മാ​ലി​ന്യ​സം​സ്ക​ര​ണ വി​ഷ​യ​ത്തി​ൽ ന​ഗ​രം ഗു​രു​ത​ര പ്ര​തി​സ​ന്ധി​യെ​യാ​ണ് അ​ഭി​മു​ഖീ​ക​രി​ക്കു​ന്ന​ത്. ഉ​റ​വി​ട മാ​ലി​ന്യ സം​സ്ക​ര​ണ പ​ദ്ധ​തി പൂ​ർ​ണ തോ​തി​ൽ എ​ത്താ​ത്ത​താ​ണ് പ്ര​ശ്നം. സ​സ്യ​മാ​ർ​ക്ക​റ്റി​ലും ആ​ശു​പ​ത്രി അ​ട​ക്ക​മു​ള്ള പ്ര​ധാ​ന സ്ഥാ​പ​ന​ങ്ങ​ളി​ലും തു​മ്പൂ​ർ​മൂ​ഴി മാ​തൃ​ക പ​ദ്ധ​തി ഒ​രു പ​രി​ധി​വ​രെ വി​ജ​യം കാ​ണു​ന്നു.

എ​ന്നാ​ൽ, ഹോ​ട്ട​ലു​ക​ളി​ൽ​നി​ന്നും മ​റ്റ് പ​ല​യി​ട​ങ്ങ​ളി​ൽ​നി​ന്നു​മു​ള്ള മാ​ലി​ന്യം വ​ഴി​യോ​ര​ങ്ങ​ളി​ൽ ത​ള്ളു​ന്ന​ത് ത​ട​യാ​നാ​കു​ന്നി​ല്ല. ഇ​ത് ക​ണ്ടു​പി​ടി​ക്കാ​നാ​യി വി​വി​ധ ഭാ​ഗ​ങ്ങ​ളി​ലാ​യി 12ഓ​ളം സി.​സി ടി.​വി കാ​മ​റ​ക​ൾ സ്ഥാ​പി​ച്ചെ​ങ്കി​ലും പ്ര​യോ​ജ​ന​മു​ണ്ടാ​യി​ല്ല. മാ​ലി​ന്യം ത​ള്ള​ൽ ത​ട​യാ​ൻ കാ​ര്യ​ക്ഷ​മ​മാ​യ പ​ദ്ധ​തി​ക​ളി​ല്ല. നൂ​റി​ന്‍റെ നി​റ​വി​ലെ​ത്തി​യ ന​ഗ​ര​ത്തെ സൗ​ന്ദ​ര്യ​വ​ത്ക​രി​ക്കു​ന്ന​തി​നാ​യി പ​ദ്ധ​തി ആ​വി​ഷ്ക​രി​ച്ചെ​ങ്കി​ലും ഇ​തും എ​ങ്ങു​മെ​ത്തി​യി​ല്ല. ബ​ജ​റ്റി​ൽ വ​രെ ഇ​ടം​പി​ടി​ച്ച പൂ​ക്ക​ളു​ടെ ന​ഗ​രം പ​ദ്ധ​തി​യും ക​ലാ​സ് പു​ലി​യാ​യി ഒ​ടു​ങ്ങി.

(തു​ട​രും)