ഭ​ര​ണി​ക്കാ​വ് സബ് രജിസ്ട്രാർ ഒാഫിസ് കുത്തിത്തുറന്ന് തിരച്ചിൽ; പിന്നിൽ വി​ല​പി​ടി​പ്പു​ള്ള രേ​ഖ​ക​ൾ തേ​ടിയെത്തിയവർ

കാ​യം​കു​ളം: വി​ല​പി​ടി​പ്പു​ള്ള രേ​ഖ​ക​ൾ തേ​ടി അ​ർ​ധ​രാ​ത്രി​യി​ൽ ഭ​ര​ണി​ക്കാ​വ് സ​ബ് ര​ജി​സ്ട്രാ​ർ ഒാ​ഫി​സ് കു​ത്തി​ത്തു​റ​ന്ന് ക​യ​റി തി​ര​ച്ചി​ൽ. കെ.​പി റോ​ഡ​രി​കി​ൽ ക​റ്റാ​നം വി​ല്ലേ​ജ് ഒാ​ഫി​സി​നോ​ട് ചേ​ർ​ന്ന് പ്ര​വ​ർ​ത്തി​ക്കു​ന്ന ഒാ​ഫി​സി​ലാ​ണ് അ​തി​ക്ര​മം. വെ​ള്ളി​യാ​ഴ്ച രാ​വി​ലെ 9.30ന് ​ജീ​വ​ന​ക്കാ​ർ എ​ത്തി​യ​പ്പോ​ഴാ​ണ് സം​ഭ​വം അ​റി​യു​ന്ന​ത്. മൂ​ന്ന് മു​റി​യി​ലാ​യി ര​ണ്ട് അ​ല​മാ​ര​യി​ലും മേ​ശ​യി​ലു​മാ​യി സൂ​ക്ഷി​ച്ചി​രു​ന്ന ആ​ധാ​ര പ​ക​ർ​പ്പു​ക​ളും രേ​ഖ​ക​ളും പു​റ​ത്തേ​ക്ക് വാ​രി​വ​ലി​ച്ചി​ട്ട നി​ല​യി​ലാ​ണ് കാ​ണ​പ്പെ​ട്ട​ത്.

അ​തേ​സ​മ​യം, മേ​ശ​വ​ലി​പ്പി​ൽ സൂ​ക്ഷി​ച്ചി​രു​ന്ന 3820 രൂ​പ അ​തേ​പ​ടി ഇ​രി​പ്പു​ണ്ടാ​യി​രു​ന്നു. മു​ൻ​വ​ശ​ത്തെ ഇ​രു​മ്പു​വാ​തി​ലി​ലെ ര​ണ്ട് താ​ഴ്​ ത​ക​ർ​ത്താ​ണ് അ​ക​ത്ത് പ്ര​വേ​ശി​ച്ച​ത്. മു​റി​ക​ളു​ടെ വാ​തി​ലു​ക​ൾ ത​ക​ർ​ത്ത് ക​യ​റി​യാ​ണ് അ​ല​മാ​ര​ക​ളും മേ​ശ​യും കു​ത്തി​ത്തു​റ​ന്ന് രേ​ഖ​ക​ൾ പു​റ​ത്തേ​ക്ക് വാ​രി​വ​ലി​ച്ചി​ട്ട​ത്. ക​മ്പ്യൂ​ട്ട​റു​ക​ൾ അ​ട​ക്ക​മു​ള്ള ഒ​രു ഉ​പ​ക​ര​ണ​ത്തി​നും കേ​ടു​പാ​ട്​ വ​രു​ത്തി​യി​ട്ടി​ല്ല. രേ​ഖ​ക​ളു​ടെ തി​ര​ച്ചി​ൽ ന​ട​ന്ന​താ​യി വ്യ​ക്ത​മാ​ക്കു​ന്ന ത​ര​ത്തി​ലാ​ണ് ആ​ധാ​ര​ങ്ങ​ൾ കൂ​ട്ടി​യി​ട്ടി​രു​ന്ന​തെ​ന്നാ​ണ് പൊ​ലീ​സ് പ​റ​യു​ന്ന​ത്. രേ​ഖ​ക​ളി​ൽ തി​രു​ത്ത​ൽ വ​രു​ത്തി തി​രി​കെ ​െവ​ച്ചി​ട്ടു​ണ്ടാ​കു​മെ​ന്നും സം​ശ​യി​ക്കു​ന്നു.

കു​റ​ത്തി​കാ​ട് പൊ​ലീ​സ് സ്ഥ​ല​െ​ത്ത​ത്തി പ​രി​ശോ​ധ​ന ന​ട​ത്തി. വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും തെ​ളി​വെ​ടു​പ്പി​ന്​ എ​ത്തി​യി​രു​ന്നു. മ​ണം പി​ടി​ച്ച പൊ​ലീ​സ് നാ​യ്​ സ​മീ​പ​ത്തെ വി​ല്ലേ​ജ് ഒാ​ഫി​സി​ന് ചു​റ്റ​വ​ട്ട​വും 100 മീ​റ്റ​ർ അ​ക​ലെ​യു​ള്ള വൈ​ദ്യു​തി ഒാ​ഫി​സ് പ​രി​സ​രം വ​രെ​യും ഒാ​ടി​യി​രു​ന്നു. സ​മീ​പ​ത്തെ വ്യാ​പാ​ര സ്ഥാ​പ​ന​ങ്ങ​ളി​ലെ സി.​സി ടി.​വി ദൃ​ശ്യം പ​രി​ശോ​ധി​ച്ചി​ട്ടു​ണ്ട്.