ഓയൂരിൽ കുട്ടിയെ തട്ടിക്കൊണ്ടുപോകൽ; നടുക്കുന്ന ഓർമകളുമായി ഭരണിക്കാവ് ഗ്രാമം

കാ​യം​കു​ളം: ഓ​യൂ​രി​ൽ കു​ട്ടി​യെ ത​ട്ടി​ക്കൊ​ണ്ടു​പോ​യ സം​ഭ​വം നാ​ടാ​കെ ച​ർ​ച്ച ചെ​യ്യു​മ്പോ​ൾ ര​ണ്ട് പ​തി​റ്റാ​ണ്ട് മു​മ്പ് ന​ട​ന്ന സ​മാ​ന സം​ഭ​വ​ത്തി​ന്‍റെ ന​ടു​ക്കു​ന്ന ഓ​ർ​മ​ക​ളു​മാ​യി ഭ​ര​ണി​ക്കാ​വ് ഗ്രാ​മം. പ​ള്ളി​ക്ക​ൽ​കി​ഴ​ക്ക് മ​ര​ങ്ങാ​ട്ട് പു​ത്ത​ൻ​വീ​ട്ടി​ൽ ബി​ന്ദു​വി​ന്‍റെ മ​ക​ൾ ജു​ബി​ന​യെ പാ​ല​ക്കാ​ട് ട്രെ​യി​നി​ൽ​നി​ന്ന് നാ​ട​കീ​യ​മാ​യി ത​ട്ടി​ക്കൊ​ണ്ടു​പോ​യ സം​ഭ​വ​മാ​ണ് പ്ര​ദേ​ശ​വാ​സി​ക​ളു​ടെ മ​ന​സ്സി​ൽ മാ​യാ​തെ നി​ൽ​ക്കു​ന്ന​ത്. കു​ട്ടി​യെ ക​ണ്ടെ​ത്തി​യ​തി​ന് പി​ന്നാ​ലെ പി​താ​വ് ജോ​ബി ആ​ത്മ​ഹ​ത്യ ചെ​യ്യു​ക​യാ​യി​രു​ന്നു. ഇ​ദ്ദേ​ഹ​ത്തി​ന്‍റെ കൂ​ടി അ​റി​വോ​ടെ​യാ​യി​രു​ന്നു സം​ഭ​വ​മെ​ന്ന് പൊ​ലീ​സ് ക​ണ്ടെ​ത്തി​യ​തി​ന് പി​ന്നാ​ലെ​യാ​ണ് സ​മൂ​ഹ​ത്തെ അ​ഭി​മു​ഖീ​ക​രി​ക്കാ​നാ​കാ​തെ ജോ​ബി ജീവനൊടുക്കിയ​ത്.

2002 ആ​ഗ​സ്റ്റ്​ എ​ട്ടി​നാ​യി​രു​ന്നു നാ​ടി​നെ ന​ടു​ക്കി​യ ത​ട്ടി​ക്കൊ​ണ്ടു​പോ​ക​ൽ അ​ര​ങ്ങേ​റി​യ​ത്. ഡ​ൽ​ഹി​യി​ൽ​നി​ന്നും കേ​ര​ള എ​ക്സ്​​പ്ര​സി​ൽ മൂ​ന്ന​ര വ​യ​സ്സു​കാ​രി മ​ക​ളെ​യും കൂ​ട്ടി മാ​താ​വ് ബി​ന്ദു വീ​ട്ടി​ലേ​ക്ക് വ​രി​ക​യാ​യി​രു​ന്നു. ഇ​വ​രെ യാ​ത്ര​യാ​ക്കാ​ൻ ജോ​ബി​യും റെ​യി​ൽ​വേ സ്​​റ്റേ​ഷ​നി​ൽ എ​ത്തി​യി​രു​ന്നു. ക​മ്പാ​ർ​ട്ട്​​മെ​ന്‍റി​ലു​ണ്ടാ​യി​രു​ന്ന ര​ണ്ട് മ​ല​യാ​ളി​ക​ളെ​യും പ​രി​ച​യ​പ്പെ​ടു​ത്തി​യാ​യി​രു​ന്നു മ​ട​ക്കം. ഇ​വ​രാ​ണ് കു​ഞ്ഞു​മാ​യി ക​ട​ന്ന​ത്. ഇ​തൊ​ന്നു​മ​റി​യാ​ത്ത ത​ര​ത്തി​ൽ ജോ​ബി പി​ന്നീ​ട് ഭ​ര​ണി​ക്കാ​വി​ലെ വീ​ട്ടി​ൽ എ​ത്തി. ര​ണ്ടു​ദി​വ​സം ഇ​വി​ടെ നി​ന്ന ശേ​ഷ​മാ​ണ് പ​ത്ത​നം​തി​ട്ട മ​ല്ല​പ്പ​ള്ളി പെ​രു​മ്പ​ട്ടി​യി​ലെ സ്വ​ന്തം വീ​ട്ടി​ലേ​ക്ക് പോ​യ​ത്. ആ ​സ​മ​യം വ​രെ ഭ​ർ​ത്താ​വി​നെ​ക്കു​റി​ച്ച്​ ഒ​രു സം​ശ​യ​വും ബി​ന്ദു​വി​നു​ണ്ടാ​യി​രു​ന്നി​ല്ല. പി​ന്നീ​ടാ​ണ് ക​ഥ മാ​റി മ​റി​യു​ന്ന​ത്. ഇ​വി​ടെ നി​ന്നും പോ​യ ശേ​ഷം കു​ഞ്ഞി​നെ അ​ന്വേ​ഷി​ക്കാ​തി​രു​ന്ന​തോ​ടെ സം​ശ​യം പി​താ​വി​ലേ​ക്ക് നീ​ണ്ടു. തു​ട​ർ​ന്ന് ഇ​യാ​ളെ കാ​ണാ​താ​വു​ക​യും ചെ​യ്ത​തോ​ടെ സം​ശ​യം ഇ​ര​ട്ടി​ച്ചു. ഇ​തി​നി​ടെ വി​ഷ​യ​ത്തി​ൽ ജോ​ബി​യു​ടെ വീ​ട്ടു​കാ​ർ​ക്കു​ള്ള പ​ങ്ക് സം​ബ​ന്ധി​ച്ച് നി​ർ​ണാ​യ​ക വി​വ​ര​ങ്ങ​ൾ പൊ​ലീ​സി​ന് ല​ഭി​ച്ചു. കു​ടും​ബ​ത്തി​ൽ നി​ന്നു​ത​ന്നെ​യാ​ണ് വി​വ​ര​ങ്ങ​ൾ കൈ​മാ​റ്റം ചെ​യ്യ​പ്പെ​ട്ട​ത്. ജോ​ബി​യു​ടെ മാ​താ​വ് കു​ഞ്ഞ​മ്മ വ​ർ​ഗീ​സാ​ണ് ത​ട്ടി​ക്കൊ​ണ്ടു​പോ​ക​ൽ നാ​ട​ക​ത്തി​ലെ പ്ര​ധാ​ന ക​ക്ഷി​യെ​ന്ന് പൊ​ലീ​സ് ക​ണ്ടെ​ത്തി​യ​തോ​ടെ​യാ​ണ് കു​ഞ്ഞി​ലേ​ക്കു​ള്ള ദൂ​രം കു​റ​ഞ്ഞ​ത്. മു​ടി മു​റി​ച്ച് ആ​ൺ​വേ​ഷം കെ​ട്ടി​ച്ച കു​ഞ്ഞി​നെ ര​ണ്ടാ​ഴ്ച​ക്ക് ശേ​ഷം വ​ട​ക്ക​ൻ കേ​ര​ള​ത്തി​ൽ നി​ന്നാ​ണ് ക​ണ്ടെ​ത്തി​യ​ത്. ഡ​ൽ​ഹി​യി​ലെ ജോ​ലി​ക്കാ​ല​ത്ത് പ​രി​ച​യ​ത്തി​ലാ​യ ജോ​ബി​യും ബി​ന്ദു​വും അ​വി​ടെ ​വെ​ച്ച് വി​വാ​ഹി​ത​രാ​കു​ക​യാ​യി​രു​ന്നു. ഇ​തി​ൽ കു​ഞ്ഞ​മ്മ​ക്ക് താ​ൽ​പ​ര്യ​മു​ണ്ടാ​യി​രു​ന്നി​ല്ല. ഇ​താ​ണ് ത​ട്ടി​കൊ​ണ്ടു​പോ​ക​ൽ നാ​ട​ക​ത്തി​ൽ ക​ലാ​ശി​ച്ച​തെ​ന്നാ​യി​രു​ന്നു പൊ​ലീ​സ് ക​ണ്ടെ​ത്ത​ൽ. മ​ക​ളെ ത​ട്ടി​ക്കൊ​ണ്ടു​പോ​കാ​ൻ കൂ​ട്ടു​നി​ന്ന ജോ​ബി​ക്ക്​ ഇ​തു​കാ​ര​ണം സ്വ​ജീ​വ​ൻ ത​ന്നെ​യാ​ണ് ബ​ലി ന​ൽ​കേ​ണ്ടി വ​ന്ന​ത്. ഇ​തി​ന് ശേ​ഷം ഭ​ര​ണി​ക്കാ​വി​ൽ കു​ടും​ബ​ത്തോ​ടൊ​പ്പ​മാ​യി​രു​ന്ന ബി​ന്ദു​വും ജു​ബി​ന​യും പി​ന്നീ​ട് മാ​വേ​ലി​ക്ക​ര ഭാ​ഗ​ത്തേ​ക്ക് താ​മ​സം മാ​റ്റി.

ഇ​പ്പോ​ൾ 24 വ​യ​സ്സു​ള്ള ജു​ബി​ന ന​ഴ്സി​ങ്​ പ​ഠ​നം ക​ഴി​ഞ്ഞ് ആ​തു​ര​ശു​ശ്രൂ​ഷ മേ​ഖ​ല​യി​ലേ​ക്ക് പ്ര​വേ​ശി​ക്കാ​നു​ള്ള ത​യാ​റെ​ടു​പ്പി​ലാ​ണ്. അ​ന്ന​ത്തെ സം​ഭ​വ​ങ്ങ​ളൊ​ന്നും ഇ​രു​വ​രും ഇ​പ്പോ​ൾ ഓ​ർ​ക്കാ​ൻ ഇ​ഷ്ട​പ്പെ​ടു​ന്നി​ല്ലെ​ന്നാ​ണ് സു​ഹൃ​ത്തു​ക്ക​ൾ പ​റ​യു​ന്ന​ത്. വി​വ​ര സാ​ങ്കേ​തി​ക സം​വി​ധാ​നം ഇ​ത്ര​യേ​റെ വി​ക​സി​ച്ചി​ട്ടി​ല്ലാ​ത്ത അ​ക്കാ​ല​ത്ത് കു​ഞ്ഞി​നെ ക​ണ്ടെ​ത്താ​നാ​യി സാ​ഹ​സി​ക പ്ര​വ​ർ​ത്ത​ന​ങ്ങ​ളാ​ണ് ന​ട​ത്തേ​ണ്ടി വ​ന്നി​രു​ന്ന​തെ​ന്ന് വി​ഷ​യ​ത്തി​ൽ ഇ​ട​പെ​ട്ടി​രു​ന്ന പൊ​തു​പ്ര​വ​ർ​ത്ത​ക​ൻ ഗോ​പ​ൻ ഭ​ര​ണി​ക്കാ​വ് ഓ​ർ​ക്കു​ന്നു. ‘മാ​ധ്യ​മം’ അ​ട​ക്ക​മു​ള്ള പ്രി​ന്‍റ് മീ​ഡി​യ​ക​ൾ ന​ൽ​കി​യ പി​ന്തു​ണ​യാ​ണ് ഏ​റെ സ​ഹാ​യ​ക​മാ​യ​ത്. അ​ന്ന് പ്ര​ചാ​ര​ണം ന​ൽ​കാ​ൻ ദൃ​ശ്യ-​ന​വ മാ​ധ്യ​മ​ങ്ങ​ൾ കാ​ര്യ​മാ​യി ഉ​ണ്ടാ​യി​രു​ന്നി​ല്ല. സി.​സി.​ടി.​വി​യും ഇ​ല്ലാ​യി​രു​ന്നു. എ​ന്നി​ട്ടും പൊ​ലീ​സി​ന്‍റെ അ​ന്വേ​ഷ​ണ മി​ക​വാ​ണ് വ​ള​രെ വേ​ഗം കു​ട്ടി​യി​ലേ​ക്ക് എ​ത്താ​ൻ സ​ഹാ​യി​ച്ച​ത്. ത​ഴ​വാ​മു​ക്കി​ൽ ഗോ​പ​ൻ ന​ട​ത്തി​യി​രു​ന്ന എ​സ്.​ടി.​ഡി ബൂ​ത്തി​ലെ ജീ​വ​ന​ക്കാ​രി​യാ​യി​രു​ന്നു ബി​ന്ദു​വി​ന്‍റെ സ​ഹോ​ദ​രി. ഇ​താ​ണ് വി​ഷ​യ​ത്തി​ൽ ഇ​ട​പെ​ടാ​ൻ കാ​ര​ണ​മാ​യ​തെ​ന്ന് ഗോ​പ​ൻ പ​റ​ഞ്ഞു.