കെ.ആർ. നാരായണന്‍റെ ജീവിതം പ്രചോദനം -വി.എം. സുധീരൻ

വള്ളികുന്നം: രാഷ്ട്രപതിയായിരുന്ന കെ.ആർ. നാരായണന്‍റെ ജീവിതം തലമുറകൾക്ക് പ്രചോദനമാണെന്ന് വി.എം. സുധീരൻ പറഞ്ഞു. ഊട്ടുപുര കൾച്ചറൽ ആന്‍റ്​ ചാരിറ്റബിൾ സൊസൈറ്റി സംഘടിപ്പിച്ച കെ.ആർ. നാരായണൻ ചരമ വാർഷികദിനാചരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

സൊസൈറ്റി ചെയർമാൻ മഠത്തിൽ ഷുക്കൂർ അധ്യക്ഷത വഹിച്ചു. ദളിത്‌ കോൺഗ്രസ്​ സംസ്ഥാന പ്രസിഡന്‍റ്​ കെ.കെ. ഷാജു മുഖ്യപ്രഭാഷണം നടത്തി. ജി.രാജീവ് കുമാർ, പ്രാക്കുളം രാധാകൃഷ്ണപിള്ള, ശാനി ശശി, നന്ദനം രാജൻ പിള്ള, പരമേശ്വരൻ പിള്ള, വള്ളികുന്നം ഷൗക്കത്ത്, അഡ്വ: വള്ളികുന്നം പ്രസാദ്, അൻസാർ ഐശ്വര്യ, മീനു സജീവ്, സജിവ് റോയൽ, പ്രകാശ് സരോവാരം,രാജുമോൻ വള്ളികുന്നം, അബ്​ദുൾ റസാക്ക്, സുധീഷ് കന്നിമേൽ, സി അനിത, സുമ രാജൻ, ബിന്ദു മാധവം, ബിജി വിക്രം, എബിൻ വള്ളികുന്നം, ഷീനാറജിമോൻ, ലളിതപായിക്കാട്ടേത്ത്, ഉത്തര ഉത്തമൻ, നിയാസ്,ലിയാഖത്ത്, പൂജ പ്രകാശ്, അഞ്ജന എന്നിവർ സംസാരിച്ചു.