ഭൂമി തരംമാറ്റം​: 1,285 പേർക്ക് രേഖ കൈമാറി

ആ​ല​പ്പു​ഴ: ഭൂ​മി ത​രം​മാ​റ്റ​വു​മാ​യി ബ​ന്ധ​പ്പെ​ട്ട് 1,285​ പേ​ർ​ക്ക്​ രേ​ഖ കൈ​മാ​റി. ആ​ല​പ്പു​ഴ റ​വ​ന്യൂ ഡി​വി​ഷ​ന​ൽ ഓ​ഫി​സി​ൽ ല​ഭി​ച്ച അ​പേ​ക്ഷ​ക​ൾ അ​തി​വേ​ഗം തീ​ർ​പ്പാ​ക്കാ​ൻ എ​സ്.​ഡി.​വി. സെ​ന്റി​ന​റി ഹാ​ളി​ൽ സം​ഘ​ടി​പ്പി​ച്ച അ​ദാ​ല​ത്തി​ൽ മു​ല്ല​യ്ക്ക​ൽ സ്വ​ദേ​ശി​നി പൊ​ന്ന​മ്മ​ക്ക്​ ഭൂ​മി​യു​ടെ ത​രം​മാ​റ്റി​യ രേ​ഖ കൈ​മാ​റി ജി​ല്ല​ക​ല​ക്ട​ർ ജോ​ൺ വി. ​സാ​മു​വ​ൽ ഉ​ദ്​​ഘാ​ട​നം ചെ​യ്തു. സ​ബ് ക​ല​ക്ട​ർ സ​മീ​ർ കി​ഷ​ൻ അ​ധ്യ​ക്ഷ​ത വ​ഹി​ച്ചു.

അ​മ്പ​ല​പ്പ​ഴ, കു​ട്ട​നാ​ട്, ചേ​ർ​ത്ത​ല താ​ലൂ​ക്കു​ക​ളി​ലെ 25 സെ​ന്റി​ൽ താ​ഴെ​യു​ള്ള സൗ​ജ​ന്യ ത​രം മാ​റ്റ​ത്തി​ന് അ​ർ​ഹ​ത​യു​ള​ള അ​പേ​ക്ഷ​ക​ളാ​ണ് അ​ദാ​ല​ത്തി​ൽ പ​രി​ഗ​ണി​ച്ച​ത്. ആ​കെ 3,657 അ​പേ​ക്ഷ​ക​ളാ​ണ് പ​രി​ഗ​ണി​ച്ച​ത്.

അ​മ്പ​ല​പ്പു​ഴ-311, കു​ട്ട​നാ​ട്-280, ചേ​ർ​ത്ത​ല-694 എ​ന്നി​ങ്ങ​നെ​യാ​ണ് തീ​ർ​പ്പാ​ക്കി​യ​ത്. പ്ര​ത്യേ​ക​മാ​യി സ​ജ്ജീ​ക​രി​ച്ച 12 കൗ​ണ്ട​റു​ക​ളി​ലാ​യാ​ണ് രേ​ഖ​ക​ൾ വി​ത​ര​ണം ചെ​യ്ത​ത്. എ.​ഡി.​എം. വി​നോ​ദ് രാ​ജ്, സീ​നി​യ​ർ സൂ​പ്ര​ണ്ട് ഷാ​ജി ബേ​ബി, മ​റ്റ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ പ​ങ്കെ​ടു​ത്തു.

രേ​ഖ കി​ട്ടി; പൊ​ന്ന​മ്മ​ക്ക്​ ഇ​നി വീ​ടു​വെ​ക്കാം

ആ​ല​പ്പു​ഴ: മു​ല്ല​ക്ക​ൽ സ്വ​ദേ​ശി 73കാ​രി പൊ​ന്ന​മ്മ​ക്ക്​ ഇ​നി സ്വ​ന്തം സ്ഥ​ല​ത്ത് വീ​ടു​വെ​ക്കാം. എ​സ്.​ഡി.​വി. സെ​ന്റി​ന​റി ഹാ​ളി​ൽ ന​ട​ന്ന ച​ട​ങ്ങി​ൽ ക​ർ​ഷ​ക തൊ​ഴി​ലാ​ളി​യാ​യ പൊ​ന്ന​മ്മ ജി​ല്ല ക​ല​ക്ട​റി​ൽ​നി​ന്ന്​ നേ​രി​ട്ട്​ ഭൂ​മി ത​രം​മാ​റ്റ രേ​ഖ ഏ​റ്റു​വാ​ങ്ങി.

നാ​ലു​വ​ർ​ഷ​ത്തെ കാ​ത്തി​രി​പ്പി​നു ശേ​ഷ​മാ​ണ് ആ​ല​പ്പു​ഴ റ​വ​ന്യൂ ഡി​വി​ഷ​ന​ൽ ഓ​ഫി​സി​നു കീ​ഴി​ലെ ഭൂ​മി ത​രം​മാ​റ്റ അ​ദാ​ല​ത്തി​ൽ പ​രി​ഹാ​ര​മാ​യ​ത്. തി​രു​മ​ല വാ​ർ​ഡി​ൽ ഗി​രീ​ഷ് ഭ​വ​ന​ത്തി​ൽ താ​മ​സി​ക്കു​ന്ന ഇ​വ​ർ കാ​ർ​ഷി​കേ​ത​ര ആ​വ​ശ്യ​ങ്ങ​ൾ​ക്കാ​യി ഭൂ​മി​യു​ടെ സ്വ​ഭാ​വ വ്യ​തി​യാ​ന​ത്തി​നാ​ണ് അ​പേ​ക്ഷ ന​ൽ​കി​യ​ത്.