ഹൃദയമിടിപ്പ്​ കൂട്ടി ലൂസേഴ്​സ്​ ​ഫൈനൽ; വിജയം മില്ലി സെക്കൻഡ്​ വ്യത്യാസത്തിൽ

ആ​ല​പ്പു​ഴ: നെ​ഹ്​​റു​ട്രോ​ഫി വ​ള്ളം​ക​ളി​യി​ൽ ആ​വേ​ശ​മാ​യി​ ലൂ​​സേ​ഴ്​​സ്​ ഫൈ​ന​ൽ. കാ​മ​റ​ക​ണ്ണു​ക​ളെ പോ​ലും അ​മ്പ​ര​പ്പി​ച്ച്​ വി​ജ​യി​യെ ക​ണ്ടെ​ത്തി​യ​ത്​ മി​ല്ലി സെ​ക്ക​ൻ​ഡ്​ വ്യ​ത്യാ​സ​ത്തി​ൽ. മ​ത്സ​ര​ത്തി​ൽ കു​മ​ര​കം കൈ​പ്പു​ഴ​മു​ട്ട്​ എ​ൻ.​സി.​ഡി.​സി തു​ഴ​ഞ്ഞ നി​ര​ണം ചു​ണ്ട​ൻ വി​ജ​യി​ച്ചു. ഇ​വ​ർ നേ​ടി​യ കു​റ​ഞ്ഞ​സ​മ​യം 4.33.75 മി​നി​റ്റാ​ണ്. ക​ന്നി​പോ​രി​നി​റ​ങ്ങി​യ ത​ല​വ​ടി ബോ​ട്ട്​ ക്ല​ബി​ന്‍റെ ത​ല​വ​ടി ചു​ണ്ട​ൻ (4.33.82), കൈ​ന​ക​രി വി​ല്ലേ​ജ്​ ബോ​ട്ട്​ ക്ല​ബി​ന്‍റെ കാ​രി​ച്ചാ​ൽ (4.33.89), പു​ന്ന​മ​ട ബോ​ട്ട്​ ക്ല​ബി​ന്‍റെ ദേ​വ​സ്​ (4.34.02) എ​ന്നി​ങ്ങ​നെ​യാ​ണ്​ തൊ​ട്ടു​പി​ന്നി​​ലെ​ത്തി​യ​വ​ർ. സ്റ്റാ​ർ​ട്ടി​ങ്‌ പോ​യ​ന്‍റ്​​ മു​ത​ൽ ചു​ണ്ട​ൻ വ​ള്ള​ങ്ങ​ൾ ഒ​പ്പ​ത്തി​നൊ​പ്പ​മാ​യി​രു​ന്നു. ആ​ര്​ മു​ന്നി​ലെ​ത്തു​മെ​ന്ന ആ​കാം​ക്ഷ അ​വ​സാ​നം​വ​രെ നി​ല​നി​ർ​ത്തി​യാ​യി​രു​ന്നു മ​ത്സ​രം. ബി​ഗ്​ സ്ക്രീ​നി​ൽ ഫി​നി​ഷി​ങ്​ പോ​യ​ന്‍റി​ലെ ദൃ​ശ്യം വീ​ണ്ടും കാ​ണി​ച്ചെ​ങ്കി​ലും വി​ജ​യി​യെ​ ഉ​റ​പ്പി​ക്കാ​ൻ കാ​ണി​ക​ൾ​ക്കാ​യി​ല്ല. മ​ത്സ​ര​ഫ​ലം വ​രു​ന്ന​തു​വ​രെ കാ​ത്തി​രി​ക്കേ​ണ്ടി​വ​ന്നു. പി​ന്നാ​ലെ ആ​ർ​പ്പു​വി​ളി​ക​ളും ആ​ര​വ​വു​മു​യ​ർ​ന്നു.