അർബുദം ബാധിച്ച മാതാവും പരിക്കേറ്റ മകനും കാരുണ്യം തേടുന്നു

മാവേലിക്കര: അർബുദം ബാധിച്ച അമ്മയും അപകടത്തിൽ പരിക്കേറ്റ കാലിന്​ അടിയന്തര ശസ്ത്രക്രിയ ആവശ്യമുള്ള മകനും സുമനസ്സുകളുടെ കാരുണ്യം തേടുന്നു. ചെട്ടികുളങ്ങര ഈരേഴ വടക്ക് ഷീറ്റിട്ട കൂരയിൽ കഴിയുന്ന പത്മകുമാരി (47), മകൻ ഹരി വിഷ്ണു (23) എന്നിവരാണ്​ കാരുണ്യം തേടുന്നത്.

2017ൽ നിർമാണത്തിലിരുന്ന കെട്ടിടത്തിന്​ മുകളിൽനിന്ന്​ വീണ്​ ഹരി കിടപ്പിലായി. കോന്നി എൻ.എസ്.എസ് കോളജിൽ ബി.ബി.എക്ക് പഠിക്കുമ്പോഴായിരുന്നു അപകടം. കിടപ്പിലായ ഹരി വിഷ്ണു അധ്യാപകരുടെയും സഹപാഠികളുടെയും നാട്ടുകാരുടെയും സഹായത്താലാണ്​ ജീവിതത്തിലേക്ക്​ തിരികെയെത്തിയത്. മകന്​ എല്ലാ പിന്തുണയും നൽകിയ അമ്മ പത്മകുമാരിക്ക്​ ഇതിനിടെ​ അർബുദം പിടിപെട്ടു. പത്മകുമാരിക്ക് അടിയന്തര ശസ്ത്രക്രിയ നടത്തി.

നാല് കീമോയും കഴിഞ്ഞു. അതിനിടെ, ഹരി വിഷ്ണു ഇടറിവീണ്​ കാലി​െൻറ ചിരട്ട തകർന്നു. ശസ്ത്രക്രിയ നടത്തിയാൽ മാത്രമേ ശരിയായ വിധത്തിൽ നടക്കാൻ സാധിക്കൂവെന്ന്​ ഡോക്ടർമാർ നിർദേശിച്ചു. കോവിഡ് പരിശോധന നടത്തി ശസ്ത്രക്രിയക്ക്​ ഹരി വിഷ്ണു കാത്തിരിക്കുകയാണ്. ഇരുവരെയും സഹായിക്കാനും വീട് നിർമിച്ചുനൽകാനുമായി സുമനസ്സുകൾ കൂട്ടായ്മ രൂപവത്​കരിച്ചു.

പത്മകുമാരിയുടെ പേരിൽ എസ്.ബി.ഐ ചെട്ടികുളങ്ങര ശാഖയിൽ അക്കൗണ്ട് തുറന്നിട്ടുണ്ട്​. അക്കൗണ്ട്​ നമ്പർ: 67325794236. ഐ.എഫ്.എസ്.ഇ കോഡ്: SBIN0070934. ഫോൺ: 9497069641.