മാവേലിക്കരയിൽ കെ.എസ്.ആർ.ടി.സി ഡ്രൈവിങ് സ്‌കൂൾ തുടങ്ങും

മാ​വേ​ലി​ക്ക​ര: കെ.​എ​സ്.​ആ​ർ.​ടി.​സി മാ​വേ​ലി​ക്ക​ര റീ​ജ​ന​ൽ വ​ർ​ക്ക്‌​ഷോ​പ്പ് വ​ള​പ്പി​ൽ മൂ​ന്നു​മാ​സ​ത്തി​ന​കം ടെ​സ്റ്റി​ങ് ഗ്രൗ​ണ്ട് ത​യാ​റാ​കു​മെ​ന്ന് എം.​എ​സ്. അ​രു​ൺ​കു​മാ​ർ എം.​എ​ൽ.​എ. താ​മ​സി​യാ​തെ കെ.​എ​സ്.​ആ​ർ.​ടി.​സി. യു​ടെ ഡ്രൈ​വി​ങ് സ്കൂ​ളും തു​ട​ങ്ങും. വി​ഷ​യ​വു​മാ​യി ബ​ന്ധ​പ്പെ​ട്ട് മ​ന്ത്രി കെ.​ബി. ഗ​ണേ​ഷ്‌​കു​മാ​റു​മാ​യി എം.​എ​ൽ.​എ. ന​ട​ത്തി​യ ച​ർ​ച്ച​യി​ലാ​ണു തീ​രു​മാ​നം.

റീ​ജ​നൽ വ​ർ​ക്ക്‌​ഷോ​പ്പ് വ​ള​പ്പി​ൽ അ​മ്പ​ത് സെ​ന്‍റ്​ ഭൂ​മി​യി​ലാ​ണ് ടെ​സ്റ്റി​ങ് ഗ്രൗ​ണ്ട് ഒ​രു​ക്കു​ന്ന​ത്. 23 മീ​റ്റ​ര്‍ വീ​തം നീ​ള​വും വീ​തി​യും ഉ​ണ്ടാ​കും. ശു​ചി​മു​റി​യും ഉ​ദ്യോ​ഗ​സ്ഥ​ര്‍ക്കു​ള്ള സൗ​ക​ര്യ​ങ്ങ​ളും മ​റ്റ് ആ​ധു​നി​ക സം​വി​ധാ​ന​ങ്ങ​ളും ഒ​രു​ക്കും. ഇ​തി​നാ​യി പൊ​തു​മ​രാ​മ​ത്ത് വ​കു​പ്പ് 20.65 ല​ക്ഷം രൂ​പ​യു​ടെ പ്ലാ​നും എ​സ്റ്റി​മേ​റ്റും മോ​ട്ടോ​ർ വാ​ഹ​ന വ​കു​പ്പി​ന് സ​മ​ർ​പ്പി​ച്ചു. സം​സ്ഥാ​ന​ത്ത് കെ.​എ​സ്.​ആ​ർ.​ടി.​സി. ആ​രം​ഭി​ക്കു​ന്ന ആ​റ് കേ​ന്ദ്ര​ങ്ങ​ളി​ൽ ഒ​ന്നാ​ണി​ത്.

നി​ല​വി​ല്‍ ചൊ​വ്വ, വെ​ള്ളി ദി​വ​സ​ങ്ങ​ളി​ല്‍ മാ​വേ​ലി​ക്ക​ര​യി​ലും തി​ങ്ക​ള്‍, വ്യാ​ഴം ദി​വ​സ​ങ്ങ​ളി​ല്‍ ചാ​രും​മൂ​ട്ടി​ലു​മാ​ണ് ടെ​സ്റ്റ് ന​ട​ത്തി വ​രു​ന്ന​ത്. കെ.​എ​സ്.​ആ​ര്‍.​ടി.​സി വ​ള​പ്പി​ല്‍ ടെ​സ്റ്റി​ങ് ഗ്രൗ​ണ്ട് ത​യാ​റാ​കു​ന്ന​തോ​ടെ ഇ​വി​ടെ​യും ചാ​രും​മൂ​ട്ടി​ലു​മാ​യി ടെ​സ്​​റ്റ്​ ന​ട​ക്കും.