മാവേലിക്കര താലൂക്ക് സഹ.ബാങ്ക് തട്ടിപ്പ് 60 കോടിക്ക് മുകളിൽ

മാ​വേ​ലി​ക്ക​ര: മാ​വേ​ലി​ക്ക​ര താ​ലൂ​ക്ക് സ​ഹ.​ബാ​ങ്ക് ത​ട്ടി​പ്പ് 60 കോ​ടി​ക്ക് മു​ക​ളി​ലെ​ന്ന്​ സ​ഹകരണ വ​കു​പ്പി​​ന്‍റെ അ​ന്വേ​ഷ​ണ​ത്തി​ൽ വ്യ​ക്ത​മാ​യി. നി​ര​വ​ധി പേ​ർ ത​ട്ടി​പ്പി​ന്​ ഇ​ര​യാ​യ സം​ഭ​വ​ത്തി​ൽ ഏ​ഴോ​ളം പേ​ർ​ക്കാ​ണ്​ ജീ​വ​ൻ ന​ഷ്ട​മാ​യ​ത്. 2016 ഡി​സം​ബ​റി​ലാ​ണ് കോ​ണ്‍ഗ്ര​സ് ഭ​ര​ണ സ​മി​തി നേ​തൃ​ത്വ​ത്തി​ലു​ള്ള മാ​വേ​ലി​ക്ക​ര താ​ലൂ​ക്ക് സ​ഹ. ബാ​ങ്കി​ന്‍റെ ത​ഴ​ക്ക​ര ശാ​ഖ​യി​ല്‍ ത​ട്ടി​പ്പ് ക​ണ്ടെ​ത്തി​യ​ത്. 38 കോ​ടി​യു​ടെ ത​ട്ടി​പ്പാ​ണ് ന​ട​ന്ന​തെ​ന്നാ​ണ്​ ആ​ദ്യ​ഘ​ട്ട​ത്തി​ല്‍ ക​ണ​ക്കാ​ക്ക​പ്പെ​ട്ട​ത്.

എ​ന്നാ​ല്‍, അ​ന്വേ​ഷ​ണം പൂ​ര്‍ത്തി​യാ​കു​മ്പോ​ള്‍ 60 കോ​ടി​ക്ക് മു​ക​ളി​ലേ​ക്ക് അ​ത് ഉ​യ​ർ​ന്നു​വെ​ന്ന് സ​ഹ​ക​ര​ണ വ​കു​പ്പ് വ്യ​ക്ത​മാ​ക്കു​ന്നു. വ്യാ​ജ വാ​യ്പ​ക​ളും ഉ​രു​പ്പ​ടി​ക​ളി​ല്ലാ​തെ സ്വ​ർ​ണ വാ​യ്പ​യും ഒ​ക്കെ​യാ​യി​ട്ടാ​യി​രു​ന്നു ത​ട്ടി​പ്പ്. ത​ഴ​ക്ക​ര ശാ​ഖ​യി​ലെ മാ​നേ​ജ​ര്‍, ശാ​ഖ​യി​ലെ ര​ണ്ടു ജീ​വ​ന​ക്കാ​ര്‍, ബാ​ങ്കി​ന്‍റെ അ​ന്ന​ത്തെ സെ​ക്ര​ട്ട​റി, അ​ന്ന​ത്തെ ഭ​ര​ണ സ​മി​തി പ്ര​സി​ഡ​ന്‍റ്​ എ​ന്നി​വ​രാ​യി​രു​ന്നു കേ​സി​ലെ പ്ര​ധാ​ന പ്ര​തി​ക​ള്‍. 2017 മാ​ര്‍ച്ചി​ല്‍ ക്രൈം​ബ്രാ​ഞ്ച് അ​ന്വേ​ഷ​ണം ഏ​റ്റെ​ടു​ത്തു. ഇ​തി​നോ​ട​കം ഏ​ഴ് ഡി​വൈ.​എ​സ്.​പി​മാ​ര്‍ കേ​സ് അ​ന്വേ​ഷി​ച്ചു.

കേ​സി​ല്‍ പു​രോ​ഗ​തി ഉ​ണ്ടാ​കാ​ത്ത​തി​നെ തു​ട​ര്‍ന്ന് നി​ക്ഷേ​പ​ക​ര്‍ ഹൈ​കോ​ട​തി​യെ സ​മീ​പി​ച്ച​പ്പോ​ള്‍ ആ​ല​പ്പു​ഴ ക്രൈം​ബ്രാ​ഞ്ച് എ​സ്.​പി​യു​ടെ നേ​തൃ​ത്വ​ത്തി​ലു​ള്ള സം​ഘ​ത്തെ അ​ന്വേ​ഷ​ണ​ത്തി​നാ​യി നി​യോ​ഗി​ച്ചു. എ​ന്നാ​ല്‍, ഫോ​റ​ന്‍സി​ക് പ​രി​ശോ​ധ​ന​യ​ട​ക്കം അ​ന്വേ​ഷ​ണ​ത്തി​നാ​യി കൂ​ടു​ത​ല്‍ സ​മ​യം ആ​വ​ശ്യ​മാ​ണെ​ന്ന് ക്രൈം​ബ്രാ​ഞ്ചും ആ​വ​ശ്യ​പ്പെ​ട്ട​ത്. നി​ക്ഷേ​പ​ക​ർ വീ​ണ്ടും കോ​ട​തി​യെ സ​മീ​പി​ച്ച​തോ​ടെ 2021ൽ ​ഇ.​ഡി അ​ന്വ​ഷ​ണം ഏ​റ്റെ​ടു​ത്തു.

നി​ക്ഷേ​പ കൂ​ട്ടാ​യ്മ ക​ൺ​വീ​ന​ർ ബി. ​ജ​യ​കു​മാ​റി​നെ ഇ.​ഡി ഓ​ഫി​സി​ൽ വി​ളി​പ്പി​ച്ച് മ​ണി​ക്കൂ​റു​ക​ൾ നീ​ണ്ട മൊ​ഴി​യെ​ടു​ത്തു. ഇ.​ഡി അ​ന്വേ​ഷ​ണ​വും മു​ന്നോ​ട്ട് പോ​യി​ല്ല. ഇ.​ഡി അ​ന്വേ​ഷ​ണം ഒ​മ്പ​തു മാ​സ​ത്തി​ന​കം പൂ​ർ​ത്തീ​ക​രി​ക്ക​ണ​മെ​ന്ന് ക​ഴി​ഞ്ഞ ഫെ​ബ്രു​വ​രി മൂ​ന്നി​ന് ഹൈ​കോ​ട​തി ഉ​ത്ത​ര​വി​ട്ടി​രു​ന്നു. സ​മ​യ​പ​രി​ധി അ​വ​സാ​നി​ക്കാ​ൻ ര​ണ്ടു മാ​സം മാ​ത്രം ശേ​ഷി​ക്കെ ഇ.​ഡി അ​ന്വേ​ഷ​ണ​ത്തി​ലും തു​ട​ർ​ന​ട​പ​ടി​ക​ൾ നി​ല​ച്ച മ​ട്ടാ​ണ്.

നി​ക്ഷേ​പ​ക​ര്‍ ബാ​ങ്കി​ന് മു​ന്നി​ല്‍ സ​മ​ര​ങ്ങ​ള്‍ ആ​രം​ഭി​ച്ചു. പു​തി​യ ഭ​ര​ണ സ​മി​തി വ​ന്നി​ട്ടും നി​ക്ഷേ​പ​ക​രു​ടെ പ​ണം തി​രി​കെ ല​ഭി​ക്കാ​തെ​യാ​യ​പ്പോ​ള്‍ ബാ​ങ്ക് ഹെ​ഡ് ഓ​ഫി​സി​നു മു​ന്നി​ല്‍ തു​ട​ര്‍സ​മ​ര​ങ്ങ​ളാ​യി. ന​ട​പ​ടി ഒ​ന്നു​മാ​കാ​ത്ത​തി​നെ തു​ട​ർ​ന്ന് നി​ക്ഷേ​പ​ക​ര്‍ സെ​ക്ര​ട്ടേ​റി​യ​റ്റി​ന് മു​ന്നി​ലും സ​മ​രം ന​ട​ത്തി. നി​ക്ഷേ​പ​ക​രു​ടെ സ​മ്മ​ർ​ദ​ത്തെ തു​ട​ര്‍ന്ന് സ​ഹ​ക​ര​ണ വ​കു​പ്പ് ക​ണ്‍സോ​ർ​ട്യം രൂ​പ​വ​ത്​​ക​രി​ച്ചു. ഇ​തി​ലും തു​ട​ര്‍ന​ട​പ​ടി​യാ​യി​ല്ല.

മൃ​ത​പ്രാ​ണ​രാ​യി രോ​ഗ​ശ​യ്യ​യി​ല്‍ മ​രു​ന്നി​നു​പോ​ലും വ​ക​യി​ല്ലാ​തെ ക​ഴി​യു​ന്ന​വ​ര്‍ ഇ​ന്നും നി​ര​വ​ധി പേ​രാ​ണ്. 65 വ​യ​സ്സ്​ പി​ന്നി​ട്ട​വ​രാ​ണ് നി​ക്ഷേ​പ​ക​രി​ല്‍ 60 ശ​ത​മാ​ന​ത്തി​ന് മു​ക​ളി​ലും. 1000 രൂ​പ​പോ​ലും മ​രു​ന്നി​ന് കൊ​ടു​ക്കാ​നി​ല്ല എ​ന്ന് പ​റ​യു​ന്ന ബാ​ങ്ക് ക​ഴി​ഞ്ഞ മാ​ര്‍ച്ചി​ല്‍ ജീ​വ​ന​ക്കാ​രു​ടെ മു​ന്‍കാ​ല ആ​നു​കൂ​ല്യ​ങ്ങ​ള്‍ക്കാ​യി ര​ണ്ടു കോ​ടി ജീ​വ​ന​ക്കാ​രു​ടെ എ​സ്.​ബി അ​ക്കൗ​ണ്ടി​ലേ​ക്ക് മാ​റ്റി​യ​ത് വി​വാ​ദ​മാ​യി​രു​ന്നു.

അ​റു​നൂ​റോ​ളം നി​ക്ഷേ​പ​ക​രാ​ണ് ത​ഴ​ക്ക​ര ശാ​ഖ​യി​ലെ സാ​മ്പ​ത്തി​ക ക്ര​മ​ക്കേ​ടു​ക​ൾ മൂ​ലം അ​നാ​ഥ​രാ​യ​ത്. ബാ​ങ്ക് ഗ​ഡു​ക്ക​ളാ​യി പ​ണം ന​ൽ​കി​യ​തു​മൂ​ലം അ​ഞ്ചു ല​ക്ഷം രൂ​പ വ​രെ​യു​ള്ള തു​ക നി​ക്ഷേ​പി​ച്ച ചി​ല​ർ​ക്ക് പ​ണം തി​രി​ച്ചു കി​ട്ടി. എ​ന്നാ​ൽ, നാ​നൂ​റി​ല​ധി​കം പേ​ർ ഇ​പ്പോ​ഴും മു​ഖ്യ​മ​ന്ത്രി​യു​ടെ ക​ഴി​ഞ്ഞ ദി​വ​സ​ത്തെ പ്ര​സ്താ​വ​ന​യി​ൽ പ്ര​തീ​ക്ഷ​യ​ർ​പ്പി​പ്പ് നി​ക്ഷേ​പ​ത്തു​ക തി​രി​കെ കി​ട്ടു​മെ​ന്ന പ്ര​തീ​ക്ഷ​യി​ലാ​ണ്. മു​ഖ്യ​മ​ന്ത്രി​യെ നേ​രി​ൽ​ക്ക​ണ്ട് പ​രാ​തി ന​ൽ​കാ​ൻ ഒ​രു​ങ്ങു​ക​യാ​ണി​വ​ർ.