ലക്ഷദ്വീപ്​ ജനതക്ക്​ െഎക്യദാർഢ്യവുമായി സംഘടനകൾ

തി​രു​വ​ന​ന്ത​പു​രം: ല​ക്ഷ​ദീ​പി​ൽ അ​ഡ്മി​നി​സ്ട്രേ​റ്റ​റു​ടെ നേ​തൃ​ത്വ​ത്തി​ൽ ന​ട​ക്കു​ന്ന ജ​നാ​ധി​പ​ത്യ വി​രു​ദ്ധ ന​ട​പ​ടി​ക​ൾ​ക്കെ​തി​രെ യു.​ഡി.​എ​ഫ്​ സം​സ്ഥാ​ന നേ​താ​ക്ക​ൾ പ്ര​തി​ഷേ​ധി​ച്ചു. യു.​ഡി.​എ​ഫ്​ യോ​ഗ​ത്തി​നു​​ശേ​ഷം കെ.​പി.​സി.​സി ആ​സ്​​ഥാ​ന​മാ​യ ഇ​ന്ദി​ര ഭ​വ​ന്​ മു​ന്നി​ലാ​ണ് നേ​താ​ക്ക​ൾ ബാ​ന​റും പ്ല​ക്കാ​ർ​ഡും ഉ​യ​ർ​ത്തി പ്ര​തി​ഷേ​ധി​ച്ച​ത്.

ല​ക്ഷ​ദ്വീ​പി​ൽ ഫാ​ഷി​സ്​​റ്റ്​ രീ​തി​ക​ൾ അ​ടി​ച്ചേ​ൽ​പി​ക്കാ​നാ​ണ്​ അ​ഡ്മി​നി​സ്ട്രേ​റ്റ​ർ ശ്ര​മി​ക്കു​ന്ന​തെ​ന്ന്​ പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ൻ കു​റ്റ​പ്പെ​ടു​ത്തി. അ​ടി​സ്​​ഥാ​ന​ര​ഹി​ത​മാ​യ ന്യാ​യീ​ക​ര​ണ​മാ​ണ്​ ക​ല​ക്​​ട​ർ ക​ഴി​ഞ്ഞ​ദി​വ​സം ന​ട​ത്തി​യ​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പി.​കെ. കു​ഞ്ഞാ​ലി​ക്കു​ട്ടി എം.​എ​ൽ.​എ​യും സം​സാ​രി​ച്ചു.

ഐക്യദാർഢ്യം പ്രഖ്യാപിച്ച് സംഘടനകൾ

ആലപ്പുഴ: ലക്ഷദ്വീപ് ജനതക്ക്​ ഐക്യദാർഢ്യം പ്രഖ്യാപിച്ച് കൈകൾ ബന്ധിച്ച് വേമ്പനാട്ട് കായലിൽ ഇറങ്ങി യൂത്ത് കോൺഗ്രസ്‌ ഐക്യദാർഢ്യം.

യൂത്ത് കോൺഗ്രസ് അരൂർ നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ നടത്തിയ പരിപാടി പ്രസിഡൻറ് എം.എസ്. നിധീഷ് ബാബു ഉദ്ഘാടനം ചെയ്തു. കെ.ജെ. ജോബിൻ, പി.ജെ. ഷിനു, രജീഷ് കുമാർ, കെ.എ. ഷിഹാബ് തുടങ്ങിയവർ നേതൃത്വം നൽകി.

ഭരണകൂട കഴിവുകേടുമൂലം രാജ്യത്ത്​ ഉടലെടുത്ത പ്രതിഷേധം ഇല്ലായ്​മ ചെയ്യാൻ ലക്ഷദ്വീപിനെ കുരുതിക്കളമാക്കരുതെന്ന്​ നാഷനൽ സെക്കുലർ കോൺഫറൻസ്​.

ലക്ഷദ്വീപ്​ വിഷയം രാജ്യ​ത്തെ ബഹുസ്വര സമൂഹം ഒന്നാകെ ഏറ്റെടുത്തിരിക്കുകയാണ്. ഇതി​െന കേവലം മുസ്​ലിം വിഷയമായി ചുരുട്ടിക്കെട്ടാനുള്ള ബി.ജെ.പി നീക്കത്തിൽ മുസ്​ലിം സമൂഹം ജാഗ്രത പാലിക്കണമെന്ന്​ യോഗം ആവശ്യപ്പെട്ടു. ജില്ല പ്രസിഡൻറ്​ പി.ടി. ഷാജഹാൻ അധ്യക്ഷത വഹിച്ചു. യോഗത്തിൽ ജില്ല ജനറൽ സെക്രട്ടറി ഹലീൽ ഹമീദ്​, ദിവ്യ, നസീർ താജ്​മഹൽ, യൂജിൻ ഫെർണാണ്ടസ്, സഫറുല്ല ഖാൻ, റഫീഖ്​, താഹ എന്നിവർ സംസാരിച്ചു. ​

വള്ളികുന്നം: ലക്ഷദ്വീപ് നിവാസികൾക്ക് ഐക്യദാർഢ്യവുമായി അംബേദ്കർ പ്രതിമക്ക് മുന്നിൽ യൂത്ത് കോൺഗ്രസ് യൂനിറ്റ് കമ്മിറ്റിയുടെ നേതൃത്വത്തിൽ ദീപം തെളിച്ചു. സംസ്ഥാന നിർവാഹക സമിതി അംഗം മീനു സജീവ് ഉദ്ഘാടനം ചെയ്തു. നിയോജക മണ്ഡലം വൈസ് പ്രസിഡൻറ്​ ജലീൽ അരീക്കര, ജനറൽ സെക്രട്ടറി ഷിഹാസ് പോണാൽ, അഖിൽ വള്ളികുന്നം, അഞ്ജന നന്ദനം, ശിഥില ശശാങ്കൻ തുടങ്ങിയവർ സംസാരിച്ചു.പൂച്ചാക്കൽ: സംഘ്പരിവാർ വംശീയ അജണ്ടകൾക്കെതിരെ പ്രതിഷേധവുമായി മലർവാടി ബാലസംഘം.

'ലക്ഷദ്വീപ് നിവാസികളായ കുട്ടികളോടൊപ്പം ഞങ്ങളും' എന്ന മുദ്രാവാക്യമുയർത്തിയാണ് മലർവാടി ബാലസംഘം പാണാവള്ളി യൂനിറ്റിലെ കുരുന്നുകൾ പ്രതിഷേധം സംഘടിപ്പിച്ചത്. ഫൈസൽ സിറാജ്, യൂനിറ്റ് കോഒാഡിനേറ്റർ അസ്മാ ബീവി എന്നിവർ നേതൃത്വം നൽകി.

കായംകുളം: ഐ.എൻ.എൽ ജില്ല കമ്മിറ്റി സംഘടിപ്പിച്ച സേവ് ലക്ഷദ്വീപ് കാമ്പയിൻ ജില്ല പ്രസിഡൻറ്​ നിസാർ കാക്കാന്തറ ഉദ്ഘാടനം ചെയ്തു. ഭാരവാഹികളായ വി.എസ്. ബഷീർ, കെ. മോഹനൻ, എം.എച്ച്. ഹനീഫ, ആറ്റക്കുഞ്ഞ്, റെജി കോയിക്കപ്പടി, അൻവർ, ഹബീബുല്ല തുടങ്ങിയവർ പങ്കെടുത്തു.