46 ലിറ്റർ വിദേശമദ്യവുമായി യുവാവ് പിടിയിൽ
text_fieldsപൂച്ചാക്കൽ: 46 ലിറ്റർ വിദേശമദ്യവുമായി യുവാവ് അറസ്റ്റിൽ. പാണാവള്ളി പഞ്ചായത്ത് രണ്ടാംവാർഡ് തോട്ടുചിറ വീട്ടിൽ സജീഷിനെയാണ് (37) പൂച്ചാക്കൽ പൊലീസ് അറസ്റ്റ് ചെയ്തത്. തൈക്കാട്ടുശ്ശേരി ചീരാത്ത് കാട് ബിവറേജസ് ഔട്ട്ലറ്റന് പൊലീസ് നടത്തിയ പരിശോധനയിലാണ് ഇയാൾ പിടിയിലാവുന്നത്. ഇയാളുടെ സ്കൂട്ടറിലും ചാക്കിലും സഞ്ചിയിലും സൂക്ഷിച്ച 46 ലിറ്റർ ഇന്ത്യൻ നിർമിത വിദേശമദ്യം കണ്ടെത്തി. അനധികൃത മദ്യവിൽപന തടയുന്നതിന് ജില്ലയിൽ വ്യാപകമായി പൊലീസ് പരിശോധന നടത്തിവരുന്നതിനിടെയാണ് ഇയാൾ കുടുങ്ങിയത്.
ഇൻസ്പെക്ടർ അജയമോഹൻ, എസ്.ഐ. സെൽവരാജ്, എസ്.ഐ. സിബിമോൻ, സീനിയർ സിവിൽ പൊലീസ് ഓഫിസർമാരായ അരുൺകുമാർ, ജയേഷ്, ജോബി കുര്യാക്കോസ് എന്നിവർ നേതൃത്വം നൽകി
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.