മഴയൊഴിഞ്ഞു; വെള്ളമിറങ്ങാതെ കുട്ടനാട്

ആ​ല​പ്പു​ഴ: മ​ഴ​ക്ക്​ ശ​മ​ന​മു​ണ്ടാ​യെ​ങ്കി​ലും കു​ട്ട​നാ​ട്ടു​കാ​രു​ടെ ജീ​വി​തം വെ​ള്ള​ത്തി​ലാ​യി. പ​മ്പ, മ​ണി​മ​ല, അ​ച്ച​ൻ​കോ​വി​ൽ ന​ദി​ക​ളി​ൽ ജ​ല​നി​ര​പ്പ്​ ഉ​യ​രു​ന്ന​താ​ണ്​ കാ​ര​ണം. ന​ദീ​തീ​ര​ങ്ങ​ളി​ൽ താ​മ​സി​ക്കു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്ന്​ മു​ന്ന​റി​യി​പ്പു​ണ്ട്. ​പ​ത്തി​യൂ​രി​ൽ ക​രി​പ്പു​ഴ​ത്തോ​ട്ടി​ൽ വ​ല​വീ​ശു​ന്ന​തി​നി​ടെ കാ​ൽ​വ​ഴു​തി ക​നാ​ലി​ൽ വീ​ണ്​ ഒ​രാ​ളെ കാ​ണാ​താ​യി. ആ​റാം വാ​ർ​ഡ്​ ശ്രീ​ശൈ​ലം വീ​ട്ടി​ൽ ഗോ​പാ​ല​നെ​യാ​ണ്​ (66) കാ​ണാ​താ​യ​ത്.

വെ​ള്ള​ത്തി​ൽ മു​ങ്ങി​യ കു​ട്ട​നാ​ട്ടി​ലെ ഗ്രാ​മീ​ണ​മേ​ഖ​ല​യി​ലേ​ക്ക്​ കെ.​എ​സ്.​ആ​ർ.​ടി.​സി സ​ർ​വി​സ്​ പൂ​ർ​ണ​മാ​യും നി​ർ​ത്തി. ഇ​തോ​ടെ ച​മ്പ​ക്കു​ളം, പു​ളി​ങ്കു​ന്ന്, കാ​വാ​ലം, ത​ട്ടാ​ശ്ശേ​രി അ​ട​ക്ക​മു​ള്ള പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന​വ​ർ ഒ​റ്റ​പ്പെ​ട്ടു. ഇ​വ​ർ​ക്ക്​ ജ​ല​ഗ​താ​ഗ​ത വ​കു​പ്പി​ന്‍റെ യാ​ത്രാ​ബോ​ട്ടു​ക​ളാ​ണ്​ ആ​ശ്ര​യം.

കാ​വാ​ലം നി​വാ​സി​ക​ൾ​ക്ക് ആ​ല​പ്പു​ഴ, ച​ങ്ങ​നാ​ശ്ശേ​രി ഭാ​ഗ​ത്തേ​ക്ക് പോ​കാ​ൻ ജ​ല​ഗ​താ​ഗ​ത വ​കു​പ്പ് ബോ​ട്ടു​ക​ൾ ക്ര​മീ​ക​രി​ച്ചി​ട്ടു​ണ്ട്. കാ​വാ​ല​ത്തു​നി​ന്ന്​ നേ​രി​ട്ട് ആ​ല​പ്പു​ഴ​ക്കും കാ​വാ​ലം-​കി​ട​ങ്ങ​റ, കി​ട​ങ്ങ​റ-​ച​ങ്ങ​നാ​ശ്ശേ​രി എ​ന്നി​ങ്ങ​നെ​യു​മാ​ണ്​ സ​ർ​വി​സ്.

ച​മ്പ​ക്കു​ളം, കാ​വാ​ലം, കു​പ്പ​പു​റം പ്ര​ദേ​ശ​ങ്ങ​ളി​ൽ ​​ഫ്ലോ​ട്ടി​ങ്​ ഡി​സ്‌​പെ​ന്‍സ​റി​ക​ളു​ടെ സേ​വ​നം നൂ​റു​ക​ണ​ക്കി​നാ​ളു​ക​ൾ​ക്ക്​ ആ​ശ്വാ​സ​മാ​യി. ആ​രോ​ഗ്യ വ​കു​പ്പി​ന്‍റെ വാ​ട്ട​ർ ആം​ബു​ല​ൻ​സി​ലേ​ക്കും കൂ​ടു​ത​ൽ വി​ളി​യെ​ത്തി. എ​ട​ത്വ, ച​മ്പ​ക്കു​ളം ​പ്ര​ദേ​ശ​ങ്ങ​ളി​ൽ​നി​ന്ന്​ എ​ത്തി​യ കാ​ളു​ക​ൾ​ക്ക്​ പ​രി​ഹാ​രം ക​ണ്ടെ​ത്തി​യാ​യി​രു​ന്നു സേ​വ​നം.

പ്ര​ധാ​ന പാ​ത​യാ​യ എ.​സി റോ​ഡി​ലെ വെ​ള്ള​ക്കെ​ട്ട്​ ക്ര​മാ​തീ​ത​മാ​യി ഉ​യ​രു​ന്ന​ത്​ ഇ​രു​ച​ക്ര വാ​ഹ​ന​യാ​ത്ര ദു​ഷ്ക​ര​മാ​ക്കി. ഒ​ന്നാം​ക​ര പാ​ല​ത്തി​നു സ​മീ​പ​ത്തെ വെ​ള്ളം നി​റ​ഞ്ഞ ‘അ​പ​ക​ട​ക്കു​ഴി’ ചെ​റി​യ വാ​ഹ​ന യാ​ത്ര​ക്കാ​ർ​ക്ക്​ ഭീ​ഷ​ണി​യാ​ണ്. എ.​സി റോ​ഡി​ലെ മ​ന​ക്ക​ച്ചി​റ, പാ​റ​ക്ക​ൽ, കി​ട​ങ്ങ​റ, മാ​മ്പു​ഴ​ക്ക​രി എ​ന്നി​വി​ട​ങ്ങ​ളി​ലാ​ണ്​ കൂ​ടു​ത​ൽ വെ​ള്ളം. എ.​സി ക​നാ​ലി​ന്​ ഇ​രു​വ​​ശ​ത്തെ​യും നൂ​റു​ക​ണ​ക്കി​ന്​ വീ​ടു​ക​​ളി​ൽ ക​യ​റി​യ വെ​ള്ളം ഇ​നി​യും ഇ​റ​ങ്ങി​യി​ട്ടി​ല്ല. ച​മ്പ​ക്കു​ളം, നെ​ടു​മു​ടി, പു​ളി​ങ്കു​ന്ന്, മു​ട്ടാ​ർ, എ​ട​ത്വ, അ​മ്പ​ല​പ്പു​ഴ എ​ന്നി​വി​ട​ങ്ങ​ളി​ലാ​ണ്​ മ​ട​വീ​ഴ്ച​യു​ണ്ടാ​യ​ത്. ഈ ​പ്ര​ദേ​ശ​ങ്ങ​ളി​ലെ 700ല​ധി​കം വീ​ടു​ക​ൾ​ വെ​ള്ള​ത്തി​ൽ മു​ങ്ങി. തീ​ര​​ദേ​ശ മേ​ഖ​ല​യി​ൽ ക​ട​ൽ​ക്ഷോ​ഭ​ത്തി​ന്​ നേ​രി​യ ശ​മ​ന​മു​ണ്ട്. അ​ന്ധ​കാ​ര​ന​ഴി, തോ​ട്ട​പ്പ​ള്ളി പൊ​ഴി​ക​ൾ തു​റ​ന്നു​വി​ട്ട​തോ​ടെ ഒ​ഴു​കി​യെ​ത്തു​ന്ന കൂ​ടു​ത​ൽ ജ​ലം ക​ട​ലെ​ടു​ക്കു​ന്നു​ണ്ട്. മ​​ങ്കൊ​മ്പ്​ സി​വി​ൽ സ്റ്റേ​ഷ​ൻ ഭാ​ഗ​ത്തെ നൂ​റു​ക​ണ​ക്കി​ന്​ വീ​ടു​ക​ൾ വെ​ള്ള​ത്തി​ലാ​ണ്. വെ​ള്ളം ക​യ​റി​യ മ​​ങ്കൊ​മ്പ്​-​കാ​വാ​ലം പാ​ത​യി​ൽ പ്ര​ദേ​ശ​വാ​സി​ക​ൾ വ​ള്ള​ത്തി​ലൂ​ടെ​യാ​ണ്​ സ​ഞ്ച​രി​ക്കു​ന്ന​ത്.

മ​ഴ​ക്കെ​ടു​തി​യി​ൽ ശ​നി​യാ​ഴ്ച മാ​ത്രം ആ​റു വീ​ട്​ ഭാ​ഗി​ക​മാ​യി ത​ക​ർ​ന്നു. അ​മ്പ​ല​പ്പു​ഴ-​നാ​ല്, കാ​ർ​ത്തി​ക​പ്പ​ള്ളി-​ഒ​ന്ന്, അ​മ്പ​ല​പ്പു​ഴ ഒ​ന്ന്​ എ​ന്നി​ങ്ങ​നെ​യാ​ണ്​ ക​ണ​ക്ക്. കാ​ല​വ​ർ​ഷ​ത്തി​ൽ ഇ​തു​വ​രെ 192 വീ​ട്​ ഭാ​ഗി​ക​മാ​യും മൂ​ന്നെ​ണ്ണം പൂ​ർ​ണ​മാ​യും ത​ക​ർ​ന്നു. ആ​ല​പ്പു​ഴ ന​ഗ​ര​ത്തി​ലും പ​രി​സ​ര​ങ്ങ​ളി​ലും ഇ​പ്പോ​ഴും വെ​ള്ള​ക്കെ​ട്ട്​ രൂ​ക്ഷ​മാ​ണ്. ആ​ല​പ്പു​ഴ ബീ​ച്ച്​ വാ​ർ​ഡി​ൽ ഇ.​എ​സ്.​ഐ ആ​ശു​​പ​ത്രി, തു​മ്പോ​ളി, വി​യാ​നി​പ​ള്ളി പ്ര​ദേ​ശ​ങ്ങ​ളി​ൽ അ​ഗ്നി​ര​ക്ഷാ​സേ​ന​യു​ടെ നേ​തൃ​ത്വ​ത്തി​ൽ മ​ണി​ക്കൂ​റു​ക​ളെ​ടു​ത്ത്​ മോ​ട്ടോ​ർ ഉ​പ​യോ​ഗി​ച്ച്​ വെ​ള്ളം ഒ​ഴു​ക്കി​വി​ട്ടു.