കിടപ്പുരോഗികൾക്ക്​ റേഷൻ; ‘ഒപ്പം’ പദ്ധതി ആ​ല​പ്പു​ഴയിൽ ഏപ്രില്‍ മുതൽ

ആ​ല​പ്പു​ഴ: റേ​ഷ​ൻ​ക​ട​ക​ളി​ൽ എത്തി ഭ​ക്ഷ്യ​ധാ​ന്യ​ങ്ങ​ൾ വാ​ങ്ങാ​ൻ പ്ര​യാ​സ​മു​ള്ള​വ​രു​ടെ വീ​ടു​ക​ളി​ലേ​ക്ക്​ ഇവ ഓ​ട്ടോ​ക​ളി​ൽ എ​ത്തി​ച്ചു​ന​ൽ​കാ​ൻ സ​ർ​ക്കാ​ർ ആ​വി​ഷ്ക​രി​ച്ച ‘ഒ​പ്പം’ പ​ദ്ധ​തി ഏ​പ്രി​ലി​ൽ ജി​ല്ല​യി​ൽ തു​ട​ങ്ങി​യേ​ക്കും. ഇ​തു​സം​ബ​ന്ധി​ച്ച് എ.​ഡി.​എം എ​സ്. സ​ന്തോ​ഷ്​ കു​മാ​റി​ന്‍റെ അ​ധ്യ​ക്ഷ​ത​യി​ൽ വി​വി​ധ ട്രേ​ഡ് യൂ​നി​യ​നു​ക​ളി​ൽ​പെ​ട്ട ഓ​ട്ടോ ഡ്രൈ​വ​ർ​മാ​രു​ടെ യോ​ഗം ചേ​ർ​ന്നു. പ​ദ്ധ​തി​യു​മാ​യി ചേ​ർ​ന്നു പ്ര​വ​ർ​ത്തി​ക്കാ​ൻ എ​ല്ലാ യൂ​നി​യ​നും സ​ന്ന​ദ്ധ​ത അ​റി​യി​ച്ചു.

ക​ട​യി​ലെ​ത്തി റേ​ഷ​ൻ വാ​ങ്ങാ​ൻ ക​ഴി​യാ​ത്ത വി​ധം കി​ട​പ്പു​രോ​ഗി​ക​ൾ, അ​വ​ശ​ത​യ​നു​ഭ​വി​ക്കു​ന്ന​വ​ർ, ഒ​റ്റ​ക്ക്​ ക​ഴി​യു​ന്ന വ​യോ​ധി​ക​ർ എ​ന്നി​വ​ർ ഉ​ൾ​പ്പെ​ടെ​യു​ള്ള​വ​ർ​ക്കാ​ണ്​ റേ​ഷ​ൻ വീ​ട്ടി​ലെ​ത്തി​ച്ച്​ ന​ൽ​കു​ക. ജി​ല്ല​യി​ൽ ശാ​രീ​രി​ക അ​വ​ശ​ത​യു​ള്ള 3000 പേ​രു​ടെ പ​ട്ടി​ക ത​യാ​റാ​ക്കി​യി​ട്ടു​ണ്ട്. ഇ​തി​ൽ​നി​ന്ന്​ റേ​ഷ​ൻ​ക​ട​യി​ൽ എ​ത്താ​ൻ ബു​ദ്ധി​മു​ട്ടു​ള്ള​വ​രെ തെ​ര​ഞ്ഞെ​ടു​ത്ത്​ വ​രു​ക​യാ​ണ്. ജി​ല്ല സ​പ്ലൈ ഓ​ഫി​സ​റു​ടെ മേ​ൽ​നോ​ട്ട​ത്തി​ൽ താ​ലൂ​ക്ക് സ​പ്ലൈ ഓ​ഫി​സ​ർ​മാ​രാ​ണ്​ ‘ഒ​പ്പം’ പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളെ തെ​ര​ഞ്ഞെ​ടു​ക്കു​ന്ന​ത്. ഇ-​പോ​സ് മെ​ഷീ​നി​ൽ മാ​ന്വ​ൽ ട്രാ​ൻ​സാ​ക്ഷ​ൻ മു​ഖേ​ന​യാ​കും റേ​ഷ​ൻ ധാ​ന്യ​വി​ത​ര​ണം. റേ​ഷ​നൊ​പ്പം കൈ​പ്പ​റ്റ് ര​സീ​തു​കൂ​ടി ഓ​ട്ടോ ഡ്രൈ​വ​റു​ടെ പ​ക്ക​ൽ ന​ൽ​കും. റേ​ഷ​ൻ ക​ട​യു​ടെ തൊ​ട്ട​ടു​ത്ത ഓ​ട്ടോ സ്റ്റാ​ൻ​ഡി​ൽ​നി​ന്നു​ള്ള ഡ്രൈ​വ​ർ​മാ​രെ​യാ​കും പ​ദ്ധ​തി​ക്കാ​യി തെ​ര‍ഞ്ഞെ​ടു​ക്കു​ക. ഓ​രോ മാ​സ​വും 10ന​കം റേ​ഷ​ൻ വീ​ട്ടി​ലെ​ത്തി​ക്ക​ലാ​ണ്​ ല​ക്ഷ്യം. ജി​ല്ല​യി​ൽ ഓ​ട്ടോ​റി​ക്ഷ ഡ്രൈ​വ​ർ​മാ​രു​ടെ കൂ​ട്ടാ​യ്മ വൈ​കാ​തെ രൂ​പ​വ​ത്​​ക​രി​ക്കും.