ആ​ല​പ്പു​ഴ കോടതിപ്പാലം പുനർനിർമാണം; 11 വ്യാപാര സ്ഥാപനങ്ങൾ ഒഴിപ്പിച്ചു

ആ​ല​പ്പു​ഴ: ജി​ല്ല കോ​ട​തി​പ്പാ​ലം പു​ന​ർ​നി​ർ​മാ​ണ​ത്തി​ന്‍റെ ഭാ​ഗ​മാ​യി ന​ഗ​ര​മ​ധ്യ​ത്തി​ലെ 11 വ്യാ​പാ​ര​സ്ഥാ​പ​ന​ങ്ങ​ൾ ഒ​ഴി​പ്പി​ച്ചു. വാ​ട​ക്ക​നാ​ലി​ന്‍റെ തെ​ക്കു​ഭാ​ഗ​ത്തെ 10 സ്ഥാ​പ​ന​ങ്ങ​ളും വ​ട​ക്കു​ഭാ​ഗ​ത്തെ ഒ​രു​ക​ട​യു​മാ​ണ്​ ഒ​ഴി​പ്പി​ച്ച​ത്. ഹോ​ട്ട​ൽ, ബേ​ക്ക​റി, ത​ട്ടു​ക​ട, പ​ച്ച​ക്ക​റി, സ്​​റ്റേ​ഷ​ന​റി, പ​ഴ​വ​ർ​ഗ​ങ്ങ​ൾ ഉ​ൾ​പ്പെ​ടെ​യു​ള്ള ക​ട​ക​ൾ​ക്ക്​ നോ​ട്ടീ​സ്​ ന​ൽ​കി​യാ​ണ്​ ഒ​ഴി​പ്പി​ക്ക​ൽ ന​ട​പ​ടി പൂ​ർ​ത്തി​യാ​ക്കി​യ​ത്. തി​ങ്ക​ളാ​ഴ്ച രാ​വി​ലെ ഉ​ദ്യോ​ഗ​സ്ഥ​ർ ഒ​ഴി​പ്പി​ക്കാ​ൻ എ​ത്തി​യ​പ്പോ​ൾ വ്യാ​പാ​രി​ക​ൾ എ​തി​ർ​ത്തു.

നി​ല​വി​ൽ ഒ​ഴി​പ്പി​ക്ക​ലി​നെ​തി​രെ കോ​ട​തി​യി​ൽ പ​രാ​തി​യു​​ണ്ടെ​ന്ന്​ വ്യാ​പാ​രി​ക​ൾ വാ​ദി​ച്ചെ​ങ്കി​ലും പൊ​തു​മ​രാ​മ​ത്ത്, ന​ഗ​ര​സ​ഭ, പൊ​ലീ​സ്​ ഉ​ദ്യോ​ഗ​സ്ഥ​ർ സ​മ്മ​തി​ച്ചി​ല്ല. ഇ​ത്​ നേ​രി​യ ബ​ഹ​ള​ത്തി​നും വാ​ക്കേ​റ്റ​ത്തി​നും കാ​ര​ണ​മാ​യി. പി​ന്നീ​ട്​ പൊ​ലീ​സ്​ സാ​ന്നി​ധ്യ​ത്തി​ലാ​ണ്​ ക​ട​ക​ളി​ലെ സാ​ധ​ങ്ങ​ൾ ഓ​രോ​ന്ന്​ എ​ടു​ത്തു​മാ​റ്റി ഒ​ഴി​പ്പി​ച്ച​ത്. ​നേ​ര​ത്തെ നോ​ട്ടീ​സ്​ ന​ൽ​കി​യ​തി​നാ​ൽ ഒ​ഴി​പ്പി​ക്ക​ൽ ന​ട​പ​ടി​ക​ളോ​ട്​ ക​ച്ച​വ​ട​ക്കാ​ർ പൂ​ർ​ണ​മാ​യും സ​ഹ​ക​രി​ച്ചു​വെ​ന്ന്​ ന​ഗ​ര​സ​ഭ അ​ധി​കൃ​ത​ർ പ​റ​ഞ്ഞു. അ​തേ​സ​മ​യം, ന​ഗ​ര​സ​ഭ​ക്ക്​ കൃ​ത്യ​മാ​യി വാ​ട​ക ന​ൽ​കി​കൊ​ണ്ടി​രു​ന്ന സ്ഥാ​പ​ന​ങ്ങ​ൾ വേ​ണ്ട​ത്ര ച​ർ​ച്ച ന​ട​ത്താ​തെ​യാ​ണ്​ പൊ​ളി​ച്ച​തെ​ന്ന്​ വ്യാ​പാ​രി​ക​ൾ ആ​രോ​പി​ച്ചു. ഇ​തു​സം​ബ​ന്ധി​ച്ച പ​രാ​തി കോ​ട​തി​യി​ൽ നി​ല​വി​ലു​ണ്ട്. സ്ഥ​ലം ഏ​റ്റെ​ടു​ക്കു​മ്പോ​ൾ ന​ഷ്ട​പ​രി​ഹാ​ര​വും വ്യാ​പാ​രി​ക​ളു​ടെ പു​ന​ര​ധി​വാ​സ​വും ഉ​റ​പ്പാ​ക്കു​മെ​ന്ന്​ പ്ര​ഖ്യാ​പി​ച്ചെ​ങ്കി​ലും അ​തൊ​​ന്നും ന​ട​പ്പാ​യി​ട്ടി​ല്ല. കി​ഫ്​​ബി വ​ഴി വ്യാ​പാ​രി​ക​ൾ​ക്ക്​ ന​ൽ​കേ​ണ്ട ഫ​ണ്ട്​ കൈ​മാ​റി​യെ​ന്ന്​ പ​റ​യു​മ്പോ​ഴും ന​ഷ്ട​പ​രി​ഹാ​രം ഇ​തു​വ​രെ കി​ട്ടി​യി​ട്ടി​ല്ലെ​ന്നും ഇ​വ​ർ പ​റ​ഞ്ഞു. സ്ഥാ​പ​ന​ങ്ങ​ളി​ലെ മേ​ശ, ക​സേ​ര അ​ട​ക്ക​മു​ള്ള ഫ​ർ​ണി​ച്ച​റും സാ​ധ​ന​സാ​മ​ഗ്രി​ക​ളും വ്യാ​പാ​രി​ക​ൾ എ​ടു​ത്തു​മാ​റ്റി. റോ​ഡ​രി​കി​ലെ ഒ​ഴി​പ്പി​ക്ക​ൽ നേ​രി​യ​തോ​തി​ൽ ഗ​താ​ഗ​ത​ക്കു​രു​ക്കി​നും കാ​ര​ണ​മാ​യി.