തീരദേശത്തിന്​ വേഗമേകാൻ രണ്ടാം വ​ന്ദേഭാരത്

ആ​ല​പ്പു​ഴ: നീ​ണ്ട​നാ​ള​ത്തെ കാ​ത്തി​രി​പ്പി​നൊ​ടു​വി​ൽ തീ​ര​ദേ​ശ​ത്തി​ന്​ വേ​ഗ​മേ​കാ​ൻ എ​ത്തു​ന്ന ര​ണ്ടാം വ​ന്ദേ​ഭാ​ര​തി​ന്​ ജി​ല്ല​യി​ൽ ഞാ​യ​റാ​ഴ്ച ര​ണ്ടി​ട​ത്ത്​ സ്വീ​ക​ര​ണ​മൊ​രു​ക്കും.

കാ​സ​ർ​കോ​ട്​​-​തി​രു​വ​ന​ന്ത​പു​രം റൂ​ട്ടി​ൽ ആ​ല​പ്പു​ഴ വ​ഴി​യു​ള്ള ആ​ദ്യ​യാ​ത്ര​ക്ക്​ സ്വീ​ക​ര​ണ​മൊ​രു​ക്കു​ന്ന​ത്​ രാ​ത്രി 8.05ന്​ ​ആ​ല​പ്പു​ഴ സ്​​റ്റേ​ഷ​നി​ലും 9.02ന്​ ​കാ​യം​കു​ളം സ്​​റ്റേ​ഷ​നി​ലു​മാ​ണ്. എ.​എം. ആ​രി​ഫ്​ എം.​പി, പി.​പി. ചി​ത്ത​ര​ഞ്ജ​ൻ എം.​എ​ൽ.​എ, യു. ​പ്ര​തി​ഭ എം.​എ​ൽ.​എ, റെ​യി​ൽ​വേ സ്​​റ്റേ​ഷ​ൻ മാ​നേ​ജ​ർ ജ​യ​കു​മാ​ർ എ​ന്നി​വ​ർ പ​​ങ്കെ​ടു​ക്കും.

ആ​ല​പ്പു​ഴ​യി​ൽ അ​ഞ്ചു​മി​നി​റ്റും കാ​യ​കു​ള​ത്ത്​ ര​ണ്ട്​ മി​നി​റ്റു​മാ​ണ്​ അ​നു​വ​ദി​ച്ചി​ട്ടു​ള്ള​ത്. ചി​ല ട്രെ​യി​നു​ക​ളു​ടെ സ​മ​യ​ക്ര​മ​ത്തി​ൽ നേ​രി​യ മാ​റ്റ​മു​ണ്ടാ​കും.

ആ​ല​പ്പു​ഴ​യി​ൽ രാ​ത്രി 8.25ന്​ ​എ​ത്തേ​ണ്ട തി​രു​വ​ന​ന്ത​പു​രം-​ഗു​രു​വാ​യൂ​ർ ഇ​ന്‍റ​ർ​സി​റ്റി എ​ക്സ്​​പ്ര​സ്​ അ​ട​ക്ക​മു​ള്ള ട്രെ​യി​നു​ക​ളു​ടെ സ​മ​യ​​ത്തെ ബാ​ധി​ക്കാ​നി​ട​യു​ണ്ട്. പാ​ത​യി​ലൂ​ടെ അ​തി​വേ​ഗ​മെ​ത്തു​ന്ന വ​​ന്ദേ​ഭാ​ര​തി​നെ ക​ട​ത്തി​വി​ടു​മ്പോ​ൾ ഇ​ര​ട്ട​പ്പാ​ത​യി​ല്ലാ​ത്ത സ്ഥ​ല​ങ്ങ​ളി​ൽ മ​റ്റ്​ ട്രെ​യി​നു​ക​ൾ സ്​​റ്റേ​ഷ​നു​ക​ളി​ൽ പി​ടി​ച്ചി​ടും. ഇ​ത്​ യാ​ത്ര​ക്കാ​രെ വ​ല​ക്കു​മെ​ന്ന ആ​ശ​ങ്ക​യു​ണ്ട്.

ആ​ദ്യ വ​ന്ദേ​ഭാ​ര​ത് ഹി​റ്റാ​യ​തോ​ടെ കേ​ര​ള​ത്തി​ന്‌ ര​ണ്ടാ​മ​ത് ല​ഭി​ച്ച വ​ന്ദേ​ഭാ​ര​ത് ആ​ല​പ്പു​ഴ വ​ഴി സ​ർ​വി​സ് തു​ട​ങ്ങു​ന്ന​തി​ന്‍റെ സ​ന്തോ​ഷ​ത്തി​ലാ​ണ്​ യാ​ത്ര​ക്കാ​ർ.

വ​​​ന്ദേ​ഭാ​ര​തി​ന്​ ക​ട​ന്നു​പോ​കാ​ൻ ട്രാ​ക്കി​ലെ പ​ഴ​യ പാ​ള​ങ്ങ​ൾ മാ​റ്റി യ​ന്ത്ര​ങ്ങ​ളു​ടെ സ​ഹാ​യ​ത്തോ​ടെ പു​തി​യ​ത് സ്ഥാ​പി​ച്ചാ​ണ്​ സ​ഞ്ചാ​രം സു​ഗ​മ​മാ​ക്കു​ന്ന​ത്.

ക​രു​വാ​റ്റ ആ​യാം​പ​റ​മ്പ്​ റെ​യി​ൽ​വേ ഗേ​റ്റ്​ മു​ത​ൽ കാ​യം​കു​ളം വ​രെ​യു​ള്ള ഭാ​ഗ​ത്തെ സ്ലീ​പ്പ​റു​ക​ളും റെ​യി​ലു​ക​ളും ഉ​ൾ​പ്പെ​ടെ മാ​റ്റി​യാ​ണ്​ ന​വീ​ക​ര​ണം.

തീ​ര​ദേ​ശ​പാ​ത​യി​ൽ കാ​യം​കു​ളം മു​ത​ൽ അ​മ്പ​ല​പ്പു​ഴ വ​രെ​യാ​ണ് ഇ​ര​ട്ട​പ്പാ​ത​യു​ള്ള​ത്. അ​മ്പ​ല​പ്പു​ഴ-​കു​മ്പ​ളം റൂ​ട്ടി​ൽ ഒ​റ്റ​പ്പാ​ത​യാ​യ​തി​നാ​ൽ ല​ക്ഷ്യ​മി​ടു​ന്ന വേ​ഗ​ത്തി​ൽ വ​ന്ദേ​ഭാ​ര​തി​ന് സ​ർ​വി​സ് ന​ട​ത്താ​നാ​കു​മോ​യെ​ന്ന ആ​ശ​ങ്ക​യു​ണ്ട്.

ത​ക​ഴി-​അ​മ്പ​ല​പ്പു​ഴ ഭാ​ഗ​ത്തെ കോ​രം​കു​ഴി തോ​ടി​ന്​ സ​മീ​പ​വും ആ​ല​പ്പു​ഴ-​എ​റ​ണാ​കു​ളം റൂ​ട്ടി​ൽ കു​മ്പ​ളം പാ​ല​ത്തി​ലും വേ​ഗ​നി​യ​ന്ത്ര​ണം നി​ല​വി​ലു​ണ്ട്. ഇ​വി​ടെ 60 കി​ലോ​മീ​റ്റ​റാ​ണ് പ​ര​മാ​വ​ധി വേ​ഗം.