ടാങ്കറുകളുടെ സമരം 10 ദിവസം പിന്നിട്ടു; ആ​ല​പ്പു​ഴയിൽ ദ്രവമാലിന്യ നീക്ക പ്രതിസന്ധി തുടരുന്നു

ആ​ല​പ്പു​ഴ: ശു​ചി​മു​റി​ക​ളി​ലേ​ത​ട​ക്കം ദ്ര​വ​മാ​ലി​ന്യം നീ​ക്കം ചെ​യ്യു​ന്ന ടാ​ങ്ക​റു​ക​ളു​ടെ സ​മ​രം 10 ദി​വ​സം പി​ന്നി​ട്ട​തോ​ടെ സ്ഥി​തി രൂ​ക്ഷ​മാ​കു​ന്നു. ഹോ​ട്ട​ലു​ക​ളും ആ​ശു​പ​ത്രി​ക​ളും അ​ട​ക്കം പ്ര​വ​ർ​ത്ത​നം നി​ല​ക്കു​ന്ന അ​വ​സ്ഥ​യി​ലേ​ക്ക്​ നീ​ങ്ങു​ന്നു. 130 ലോ​റി ഉ​ട​മ​ക​ളും മു​ന്നൂ​റോ​ളം തൊ​ഴി​ലാ​ളി​ക​ളു​മാ​ണ്​ സ​മ​രം ചെ​യ്യു​ന്ന​ത്.

ടാ​ങ്കു​ക​ൾ പൊ​ട്ടി ശു​ചി​മു​റി മാ​ലി​ന്യം പു​റ​ത്തേ​ക്കൊ​ഴു​കി​യ​തോ​ടെ പ​ല ഹോ​ട്ട​ലു​ക​ളും താ​ൽ​ക്കാ​ലി​ക​മാ​യി അ​ട​ച്ചു. സ്വ​ന്ത​മാ​യി പ്ലാ​ന്റ് ഇ​ല്ലാ​ത്ത ചെ​റു​കി​ട ഹോ​ട്ട​ലു​ക​ളെ​യാ​ണ്​ സ​മ​രം ഏ​റ്റ​വു​മ​ധി​കം ബാ​ധി​ച്ച​ത്.ടാ​ങ്കു​ക​ളി​ൽ ശേ​ഖ​രി​ച്ച്​ സം​സ്ക​രി​ക്കാ​ൻ 4500- 5500 രൂ​പ​യാ​ണ് ടാ​ങ്ക​ർ ഉ​ട​മ​ക​ൾ ഈ​ടാ​ക്കു​ന്ന​ത്. സ​മ​രം ആ​രം​ഭി​ച്ച ശേ​ഷം 50ഓ​ളം ഹോ​ട്ട​ലു​ക​ൾ ഇ​തു​വ​രെ അ​ട​ച്ചു.

മാ​ലി​ന്യ സം​സ്ക​ര​ണ പ്ലാ​ന്റ് സ്‌​ഥാ​പി​ക്കു​ക, സം​സ്ക​ര​ണ സം​വി​ധാ​ന​മു​ള്ള കേ​ന്ദ്ര​ങ്ങ​ളി​ൽ മാ​ലി​ന്യം ത​ള്ളാ​ൻ അ​നു​വ​ദി​ക്കു​ക എ​ന്നീ ആ​വ​ശ്യ​ങ്ങ​ളു​ന്ന​യി​ച്ച് ഈ ​മാ​സം മൂ​ന്നി​നാ​ണ്​ പ​ണി​മു​ട​ക്ക് ആ​രം​ഭി​ച്ച​ത്.

ജി​ല്ല​യി​ൽ 52 ടാ​ങ്ക​ർ ഉ​ട​മ​ക​ളാ​ണു​ള്ള​ത്. ക​ല​ക്ട​ർ ന​ട​ത്തി​യ ച​ർ​ച്ച​യി​ൽ സം​സ്ക​ര​ണ പ്ലാ​ന്റു​ക​ൾ തു​റ​ന്നു ന​ൽ​കാ​മെ​ന്ന് അ​റി​യി​ച്ചെ​ങ്കി​ലും തു​റ​ക്കു​ന്ന​തു​വ​രെ സ​മ​രം തു​ട​രു​മെ​ന്ന നി​ല​പാ​ടി​ലാ​ണ്​ ടാ​ങ്ക​ർ ഉ​ട​മ​ക​ൾ. ബി.​എം.​എ​സ്​ യൂ​നി​യ​ന്‍റെ നേ​തൃ​ത്വ​ത്തി​ലാ​ണ്​ പ​ണി​മു​ട​ക്ക്​.

ക​ഴി​ഞ്ഞ ദി​വ​സം ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ൽ മാ​ലി​ന്യ ടാ​ങ്ക്​ നി​റ​ഞ്ഞ്​ പൊ​ട്ടി ഒ​ലി​ച്ചി​രു​ന്നു. ഇ​തെ തു​ട​ർ​ന്ന്​ ക​ല​ക്ട​റു​ടെ അ​ഭ്യ​ർ​ത്ഥ​ന പ്ര​കാ​രം ടാ​ങ്ക​ർ ലോ​റി​ക​ളെ​ത്തി മാ​ലി​ന്യം ക​യ​റ്റി​ക്കൊ​ണ്ടു​പോ​യി.