കുരുന്നുകള്‍ക്ക് പഠിക്കാന്‍ താല്‍ക്കാലിക ഷെഡ്​; കാടുകയറി പുതിയ കെട്ടിടം

ആ​ല​പ്പു​ഴ: പു​തി​യ സ്കൂ​ള്‍ കെ​ട്ടി​ട​ത്തി​നാ​യു​ള്ള കു​രു​ന്നു​ക​ളു​ടെ കാ​ത്തി​രി​പ്പ് എ​ന്ന​വ​സാ​നി​ക്കും. തെ​ക്ക​ൻ ആ​ര്യാ​ട് ഗ​വ. വ​ള​ഞ്ഞ​വ​ഴി​ക്ക​ൽ എ​ൽ.​പി സ്കൂ​ൾ കെ​ട്ടി​ട നി​ർ​മാ​ണം മു​ട​ങ്ങി​യി​ട്ട് മൂ​ന്ന് വ​ർ​ഷം പി​ന്നി​ടു​ക​യാ​ണ്.

കാ​ത്തി​രി​പ്പി​നൊ​ടു​വി​ല്‍ ര​ക്ഷി​താ​ക്ക​ള്‍ ജി​ല്ല വി​ദ്യാ​ഭ്യാ​സ ഓ​ഫിസ​ർ​ക്ക് ഭീ​മ ഹ​ര​ജി ന​ൽ​കി. 2018-’19 അ​ധ്യ​യ​ന വ​ർ​ഷ​മാ​ണ് സ്കൂ​ളി​ന്‍റെ പ്ര​ധാ​ന കെ​ട്ടി​ട​ങ്ങ​ളി​ലൊ​ന്ന് പൊ​ളി​ച്ച് ബ​ഹു​നി​ല കെ​ട്ടി​ടം പ​ണി തു​ട​ങ്ങി​യ​ത്. ര​ണ്ട് ഡി​വി​ഷ​നു​ക​ളി​ലെ കു​ട്ടി​ക​ളെ ഇ​രു​മ്പ് ഷെ​ഡ്ഡി​ലേ​ക്ക് മാ​റ്റി​യും ഓ​ഫീ​സ് മു​റി​യി​ലും ഓ​ഡി​റ്റോ​റി​യ​ത്തി​ലും ക്ലാ​സ് ക്ര​മീ​ക​രി​ച്ചു​മാ​യി​രു​ന്നു പ്ര​വൃ​ത്തി​ക​ൾ തു​ട​ങ്ങി​യ​ത്.

ക​ടു​ത്ത വേ​ന​ലി​ലും മ​ഴ​യി​ലും പി​ഞ്ചു​കു​ട്ടി​ക​ൾ ഇ​രു​മ്പ് ഷെ​ഡ്ഡി​ൽ തു​ട​രേ​ണ്ട അ​വ​സ്ഥ​യാ​ണി​പ്പോ​ൾ. വി​ദ്യാ​ഭ്യാ​സ വ​കു​പ്പി​ന്‍റെ പ്ലാ​ൻ ഫ​ണ്ടി​ൽ നി​ന്ന് 1.15 കോ​ടി രൂ​പ​യാ​ണ് പ​ദ്ധ​തി​ക്ക് അ​നു​വ​ദി​ച്ച​ത്.

തൃ​ശൂ​ർ ലേ​ബ​ർ സൊ​സൈ​റ്റി 2016ൽ ​ക​രാ​ർ ഏ​റ്റെ​ടു​ത്തു. ഫ​ണ്ട് മു​ട​ങ്ങി​യ​തോ​ടെ നി​ർ​മാ​ണം നി​ല​ച്ചു. പ​ഴ​യ നി​ര​ക്കി​ൽ പ​ണി പു​ന​രാ​രം​ഭി​ക്കാ​ൻ സൊ​സൈ​റ്റി വി​സ​മ്മ​തി​ച്ച​തോ​ടെ ഇ​പ്പോ​ൾ പൊ​തു​മ​രാ​മ​ത്ത് വ​കു​പ്പ് നി​ർ​മാ​ണം ഏ​റ്റെ​ടു​ത്തി​ട്ടു​ണ്ട്. പ​ക്ഷേ കാ​ടു​ക​യ​റി​യ അ​ടി​ത്ത​റ വൃ​ത്തി​യാ​ക്കാ​ൻ പോ​ലും ന​ട​പ​ടി ആ​യി​ട്ടി​ല്ല. അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യി​ൽ കു​ട്ടി​ക​ൾ വീ​ർ​പ്പു​മു​ട്ടി​യ​തോ​ടെ നി​ല​വി​ൽ ര​ണ്ട് ഡി​വി​ഷ​നു​ക​ൾ കു​റ​ഞ്ഞു.

നാ​നൂറി​ൽ പ​രം കു​ട്ടി​ക​ൾ പ​ഠി​ച്ചി​രു​ന്ന സ്കൂ​ളി​ൽ ഇ​പ്പോ​ഴു​ള്ള​ത് 270 കു​ട്ടി​ക​ളാ​ണ്. പ​ല ത​വ​ണ വി​ഷ​യം പ്രാ​ദേ​ശി​ക ഭ​ര​ണ​കൂ​ട​ത്തി​ന്‍റെ​യും ജ​ന​പ്ര​തി​നി​ധി​ക​ളു​ടെ​യും ശ്ര​ദ്ധ​യി​ൽ കൊ​ണ്ടു​വ​ന്നെ​ങ്കി​ലും ഫ​ല​മു​ണ്ടാ​യി​ല്ല.