ചൂട്​ ഉയർന്നുതന്നെ; ജാഗ്രത നിർദേശവുമായി ദുരന്തനിവാരണ അതോറിറ്റി

ആ​ല​പ്പു​ഴ: ജി​ല്ല​യി​ൽ ഏ​റ്റ​വും ഉ​യ​ർ​ന്ന 38 ഡി​ഗ്രി സെ​ൽ​ഷ്യ​സ്​ ചൂ​ട്​ രേ​ഖ​പ്പെ​ടു​ത്തി​യ​തി​ന്​ പി​ന്നാ​ലെ ജാ​ഗ്ര​ത നി​ർ​ദേ​ശ​വു​മാ​യി ദു​ര​ന്ത​നി​വാ​ര​ണ അ​തോ​റി​റ്റി. ഉ​യ​ര്‍ന്ന ചൂ​ട് സൂ​ര്യാ​ഘാ​തം, സൂ​ര്യാ​ത​പം, നി​ര്‍ജ​ലീ​ക​ര​ണം തു​ട​ങ്ങി നി​ര​വ​ധി ഗു​രു​ത​ര​മാ​യ ആ​രോ​ഗ്യ​പ്ര​ശ്‌​ന​ങ്ങ​ള്‍ക്ക് കാ​ര​ണ​മാ​കും. മു​ന്ന​റി​യി​പ്പു​മാ​യി ആ​രോ​ഗ്യ വ​കു​പ്പും രം​ഗ​ത്തു​ണ്ട്.

ഞാ​യ​റാ​ഴ്ച​ക്ക്​ പി​ന്നാ​ലെ തി​ങ്ക​ളാ​ഴ്ച​ ജില്ലയിൽ റെക്കോർഡ്​ ചൂടാണ്​ രേഖപ്പെടുത്തിയത്​. 38.3 ഡി​ഗ്രി സെ​ൽ​ഷ്യ​സ്​ ചൂ​ടാ​ണ്​ അ​നു​ഭ​വ​പ്പെ​ട്ട​ത്. സാധാരണയേക്കാൾ 4.6 ഡിഗ്രി ചൂടാണ്​ കൂടിയത്​. 1987 ഏ​പ്രി​ൽ ഒ​ന്നി​നാ​യി​രു​ന്നു സ​മാ​ന ചൂ​ട്​ അ​നു​ഭ​വ​പ്പെ​ട്ട​ത്. മ​ഴ മ​ടി​ച്ചു​നി​ൽ​ക്കു​ന്ന​തി​നാ​ൽ വേ​ന​ൽ ഇ​ത്ര​യും നീ​ണ്ടു​പോ​കു​ന്ന​തും ഇ​താ​ദ്യ​മാ​ണെ​ന്ന്​ പ​ഴ​മ​ക്കാ​ർ പ​റ​യു​ന്നു.

ചൂട്​ ​പ്രതിരോധിക്കാൻ ഇ​ക്കാ​ര്യം ശ്ര​ദ്ധി​ക്കാം

• രാ​വി​ലെ 11 മു​ത​ല്‍ വൈ​കീ​ട്ട്​ മൂ​ന്നു​വ​രെ നേ​രി​ട്ട് ശ​രീ​ര​ത്തി​ല്‍ തു​ട​ര്‍ച്ച​യാ​യി സൂ​ര്യ​പ്ര​കാ​ശം ഏ​ല്‍ക്കു​ന്ന​ത് ഒ​ഴി​വാ​ക്കു​ക.
• പ​ര​മാ​വ​ധി ശു​ദ്ധ​ജ​ലം കു​ടി​ക്കു​ക. ദാ​ഹ​മി​ല്ലെ​ങ്കി​ലും വെ​ള്ളം കു​ടി​ക്കു​ന്ന​ത് തു​ട​രു​ക.
• നി​ര്‍ജ​ലീ​ക​ര​ണ​മു​ണ്ടാ​ക്കു​ന്ന കാ​പ്പി, ചാ​യ, കാ​ര്‍ബ​ണേ​റ്റ​ഡ് ശീ​ത​ള​പാ​നീ​യ​ങ്ങ​ള്‍ എ​ന്നി​വ പ​ക​ൽ ഒ​ഴി​വാ​ക്കു​ക.
• അ​യ​ഞ്ഞ, ഇ​ളം നി​റ​ത്തി​ലു​ള്ള കോ​ട്ട​ണ്‍ വ​സ്ത്ര​ങ്ങ​ള്‍ ധ​രി​ക്കു​ക.
• പു​റ​ത്തി​റ​ങ്ങു​മ്പോ​ള്‍ പാ​ദ​ര​ക്ഷ​ക​ള്‍ ധ​രി​ക്കു​ക. കു​ട​യും തൊ​പ്പി​യും ഉ​പ​യോ​ഗി​ക്കു​ക
• പ​ഴ​ങ്ങ​ളും പ​ച്ച​ക്ക​റി​ക​ളും ധാ​രാ​ള​മാ​യി ക​ഴി​ക്കു​ക. ഒ.​ആ​ര്‍.​എ​സ് ലാ​യ​നി, സം​ഭാ​രം ഉ​പ​യോ​ഗം കൂ​ട്ടു​ക
• കി​ട​പ്പു​രോ​ഗി​ക​ള്‍, പ്രാ​യ​മാ​യ​വ​ര്‍, ഗ​ര്‍ഭി​ണി​ക​ള്‍, കു​ട്ടി​ക​ള്‍, ഭി​ന്ന​ശേ​ഷി​ക്കാ​ര്‍, മ​റ്റ് രോ​ഗ​ങ്ങ​ള്‍ മൂ​ല​മു​ള്ള അ​വ​ശ​ത അ​നു​ഭ​വി​ക്കു​ന്ന​വ​ര്‍ തു​ട​ങ്ങി​യ വി​ഭാ​ഗ​ങ്ങ​ള്‍ രാ​വി​ലെ 11 മു​ത​ല്‍ വൈ​കീ​ട്ട്​ മൂ​ന്നു​വ​രെ നേ​രി​ട്ട് സൂ​ര്യ​പ്ര​കാ​ശം ഏ​ല്‍ക്കാ​തി​രി​ക്കു​ക
• ഇ​രു​ച​ക്ര വാ​ഹ​ന​ങ്ങ​ളി​ല്‍ ഓ​ണ്‍ലൈ​ന്‍ ഭ​ക്ഷ​ണ വി​ത​ര​ണം ന​ട​ത്തു​ന്ന​വ​ര്‍ ഉ​ച്ച​സ​മ​യ​ത്ത് (11 മു​ത​ല്‍ മൂ​ന്നു വ​രെ) സു​ര​ക്ഷി​ത​രാ​ണെ​ന്ന് അ​ത​ത് സ്ഥാ​പ​ന​ങ്ങ​ള്‍ ഉ​റ​പ്പു​വ​രു​ത്ത​ണം. അ​വ​ര്‍ക്ക് ചൂ​ടേ​ല്‍ക്കാ​തി​രി​ക്കാ​നു​ത​കു​ന്ന രീ​തി​യി​ലു​ള്ള വ​സ്ത്ര​ധാ​ര​ണം ന​ട​ത്താ​ന്‍ നി​ര്‍ദേ​ശി​ക്കു​ക​യും വി​ശ്ര​മി​ക്കാ​നു​ള്ള അ​നു​വാ​ദ​വും ന​ൽ​കു​ക
• നി​ര്‍മാ​ണ​ത്തൊ​ഴി​ലാ​ളി​ക​ള്‍, ക​ര്‍ഷ​ക​ത്തൊ​ഴി​ലാ​ളി​ക​ള്‍, വ​ഴി​യോ​ര​ക്ക​ച്ച​വ​ട​ക്കാ​ര്‍, മ​റ്റേ​തെ​ങ്കി​ലും കാ​ഠി​ന്യ​മു​ള്ള ജോ​ലി​ക​ളി​ല്‍ ഏ​ര്‍പ്പെ​ടു​ന്ന​വ​ര്‍ ജോ​ലി​സ​മ​യം ക്ര​മീ​ക​രി​ക്കു​ക. ആ​വ​ശ്യ​മാ​യ വി​ശ്ര​മം ഉ​റ​പ്പു​വ​രു​ത്തു​ക.
• ഉ​ച്ച​വെ​യി​ലി​ല്‍ ക​ന്നു​കാ​ലി​ക​ളെ മേ​യാ​ന്‍ വി​ടു​ന്ന​തും മ​റ്റ്​ വ​ള​ര്‍ത്തു​മൃ​ഗ​ങ്ങ​ളെ വെ​യി​ല​ത്ത് കെ​ട്ടി​യി​ടു​ന്ന​തും ഒ​ഴി​വാ​ക്ക​ണം. മൃ​ഗ​ങ്ങ​ള്‍ക്കും പ​ക്ഷി​ക​ള്‍ക്കും ജ​ല​ല​ഭ്യ​ത ഉ​റ​പ്പാ​ക്കു​ക.
• കു​ട്ടി​ക​ളെ​യും വ​ള​ര്‍ത്തു​മൃ​ഗ​ങ്ങ​ളെ​യും പാ​ര്‍ക്ക് ചെ​യ്ത വാ​ഹ​ന​ങ്ങ​ളി​ല്‍ ഇ​രു​ത്ത​രു​ത്​