പിറന്നാൾ ആഘോഷത്തിനിടെ മാലമോഷണം; പ്രതിയെ പൊക്കിയപ്പോൾ ‘ഒതുക്കി’ പാർട്ടിക്കാർ

ആ​ല​പ്പു​ഴ: ന​ഗ​ര​സ​ഭ ജീ​വ​ന​ക്കാ​ർ പ​​​ങ്കെ​ടു​ത്ത പി​റ​ന്നാ​ൾ ആ​ഘോ​ഷ​ത്തി​നി​ടെ ജീ​വ​ന​ക്കാ​ര​ന്‍റെ സ്വ​ർ​ണ​മാ​ല ന​ഷ്ട​മാ​യി. നാ​ട​കീ​യ​മാ​യി ‘മോ​ഷ്ടാ​വി​നെ’ ക​ണ്ടെ​ത്തി.

ഒ​ടു​വി​ൽ മാ​ല ഉ​ട​മ​സ്ഥ​നെ തി​രി​കെ​യേ​ൽ​പി​ച്ച്​ പ്ര​ശ്നം ഒ​ത്തു​തീ​ർ​പ്പാ​ക്കി. സി.​പി.​എം ബ്രാ​ഞ്ച്​ ക​മ്മി​റ്റി അം​ഗ​മാ​യ ന​ഗ​ര​സ​ഭ​യി​ലെ താ​ൽ​ക്കാ​ലി​ക ജീ​വ​ന​ക്കാ​ര​നാ​ണ്​ സം​ഭ​വ​ത്തി​ന്​ പി​ന്നി​​ലെ​ന്നാ​ണ്​​​ പി​ന്നാ​മ്പു​റ​ക്ക​ഥ​ക​ൾ. ജൂ​ലൈ 25ന്​ ​ആ​ല​പ്പു​ഴ ജ​വ​ഹ​ർ ബാ​ല​ഭ​വ​നി​ലാ​യി​രു​ന്നു സം​ഭ​വം. ന​ഗ​ര​സ​ഭ സ്ഥി​രം​സ​മി​തി അ​ധ്യ​ക്ഷ​യു​ടെ മ​ക​ന്‍റെ പി​റ​ന്നാ​ൾ ആ​ഘോ​ഷ​ത്തി​ൽ ഉ​ദ്യോ​ഗ​സ്ഥ​ര​ട​ക്കം കു​റ​ച്ചാ​ളു​ക​ൾ മാ​ത്ര​മാ​ണ്​ പ​​​​ങ്കെ​ടു​ത്ത​ത്.

ഇ​തി​നി​ടെ​യാ​ണ്​ ആ​രോ​ഗ്യ​വ​കു​പ്പ്​ ജീ​വ​ന​ക്കാ​ര​ന്‍റെ മൂ​ന്നു പ​വ​ന്‍റെ മാ​ല ന​ഷ്ട​മാ​യ​ത്. ഹാ​ളി​ലും പ​രി​സ​ര​ത്തും തെ​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. തു​ട​ർ​ന്ന്​ സൗ​ത്ത്​ പൊ​ലീ​സി​ൽ പ​രാ​തി ന​ൽ​കി.

ആ​ഘോ​ഷം സം​ഘ​ടി​പ്പി​ച്ച വ​നി​ത കൗ​ൺ​സി​ല​ർ ​സം​ഭ​വ​ത്തെ​കു​റി​ച്ച്​ ഫേ​സ്​​ബു​ക്കി​ൽ പോ​സ്റ്റു​മി​ട്ടു. ‘‘ബാ​ല​ഭ​വ​ൻ സ്കൂ​ളി​നും എ​സ്.​ഡി.​വി സ്കൂ​ളി​നു​മി​ട​യി​ൽ ഒ​രു സ്വ​ർ​ണ​മാ​ല ന​ഷ്ട​പ്പെ​ട്ടു. ക​ണ്ടു​കി​ട്ടു​ന്ന​വ​ർ ദ​യ​വാ​യി അ​റി​യി​ക്കു​ക. പാ​തി​തോ​ഷി​കം ന​ൽ​കു​ന്ന​താ​ണ്. ന​ഷ്ട​പ്പെ​ട്ട​വ​രു​ടെ വേ​ദ​ന മ​ന​സ്സി​ലാ​ക്കു​ക’’ എ​ന്ന​താ​യി​രു​ന്നു ഫേ​സ്​​ബു​ക്കി​ലെ കു​റി​പ്പ്. ഇ​തി​ന്​ പി​ന്നാ​ലെ​യാ​ണ്​​ സം​ഭ​വ​ങ്ങ​ൾ മാ​റി മ​റി​ഞ്ഞ​ത്.

മാ​ല മോ​ഷ്ടി​ച്ച​യാ​ൾ ന​ഗ​ര​ത്തി​ലെ സ്വ​കാ​ര്യ​സ്ഥാ​പ​ന​ത്തി​ൽ മാ​ല പ​ണ​യ​പെ​ടു​ത്താ​ൻ എ​ത്തി. ഇ​വി​ടെ ജോ​ലി​ചെ​യ്യു​ന്ന മ​റ്റൊ​രു ആ​രോ​ഗ്യ​വ​കു​പ്പ്​ ജീ​വ​ന​ക്കാ​ര​ന്‍റെ ഭാ​ര്യ മാ​ല ക​ണ്ട​പ്പോ​ൾ തി​രി​ച്ച​റി​ഞ്ഞു. വാ​ട്​​സ്​​ആ​പ്​ ഗ്രൂ​പ്പി​ൽ മാ​ല​യു​ടെ ചി​ത്രം ഇ​വ​ർ ക​ണ്ടി​രു​ന്നു. മാ​ല​മോ​ഷ​ണ ക​ഥ അ​റി​യാ​വു​ന്ന ഇ​വ​ർ വി​വ​രം അ​റി​യി​ച്ച​തോ​ടെ ക​ള്ള​നെ കൈ​യോ​ടെ പൊ​ക്കി. എ​ങ്കി​ലും പ്ര​തി​യെ പൊ​ലീ​സി​ൽ ഏ​ൽ​പി​ച്ചി​ല്ല. പാ​ർ​ട്ടി​ക്കാ​രും ന​ഗ​ര​സ​ഭ അ​ധി​കൃ​ത​രും ഇ​ട​​​​​പെ​ട്ട്​ ​മാ​ല​തി​രി​കെ ന​ൽ​കി​ പ്ര​ശ്നം പ​രി​ഹ​രി​ച്ച​തെ​ന്നാ​ണ്​ വി​വ​രം. ‘‘അ​റി​ഞ്ഞോ ബ്രാ​ഞ്ച് മാ​ല വി​ഴു​ങ്ങി’ എ​ന്ന ത​ല​ക്കെ​ട്ടി​ൽ സോ​ഷ്യ​ൽ മീ​ഡി​യ​യി​ലും മോ​ഷ​ണ​സം​ഭ​വം പ്ര​ച​രി​ക്കു​ന്നു​ണ്ട്.