കേരള ബാങ്കിലെ പണയസ്വര്‍ണം മോഷണം; ശാഖകള്‍ പൊലീസില്‍ പരാതി നല്‍കും

ചേ​ര്‍ത്ത​ല: കേ​ര​ള ബാ​ങ്കി​ന്‍റെ താ​ലൂ​ക്കി​ലെ വി​വി​ധ ശാ​ഖ​ക​ളി​ല്‍നി​ന്നും പ​ണ​യ​സ്വ​ര്‍ണം മോ​ഷ​ണം​പോ​യ സം​ഭ​വ​ത്തി​ൽ പൊ​ലീ​സ് അ​േ​ന്വ​ഷ​ണം വ​രും.ഇ​തു​മാ​യി ബ​ന്ധ​പ്പെ​ട്ട് ബാ​ങ്കു​ത​ല അ​ന്വേ​ഷ​ണ​ത്തെ തു​ട​ര്‍ന്ന് ഏ​രി​യ മാ​നേ​ജ​ര്‍ മീ​രാ​മാ​ത്യു​വി​നെ ക​ഴി​ഞ്ഞ ദി​വ​സം സ​ർ​വി​സി​ല്‍നി​ന്നും സ​സ്‌​പെ​ന്‍ഡു​ചെ​യ്തി​രു​ന്നു.

മോ​ഷ​ണ​ത്തെ​ക്കു​റി​ച്ച് സ്വ​ര്‍ണം ന​ഷ്ട​പ്പെ​ട്ട ശാ​ഖ​ക​ള്‍ അ​ടു​ത്ത ദി​വ​സം പൊ​ലീ​സി​ല്‍ പ​രാ​തി ന​ല്‍കും. ന​ഗ​ര​ത്തി​ലെ ന​ട​ക്കാ​വ് ശാ​ഖ​യും ചേ​ര്‍ത്ത​ല പ്ര​ധാ​ന ശാ​ഖ​യും ചേ​ര്‍ത്ത​ല പൊ​ലീ​സി​നും പ​ട്ട​ണ​ക്കാ​ട് ശാ​ഖ പ​ട്ട​ണ​ക്കാ​ട് പൊ​ലീ​സി​ലു​മാ​ണ് പ​രാ​തി ന​ല്‍കു​ന്ന​ത്.ന​ഷ്ട​പ്പെ​ട്ട സ്വ​ര്‍ണ​ത്തി​ന്‍റെ യ​ഥാ​ര്‍ഥ ക​ണ​ക്കു​ക​ള്‍ തി​ട്ട​പ്പെ​ടു​ത്താ​നു​ള്ള കാ​ല​താ​മ​സ​മാ​ണ് പ​രാ​തി ന​ല്‍കാ​ന്‍ ത​ട​സ്സ​മെ​ന്നാ​ണ് വി​വ​രം. സം​ഭ​വ​ത്തി​ല്‍ പൊ​ലീ​സ് ര​ഹ​സ്യാ​ന്വേ​ഷ​ണ വി​ഭാ​ഗം വി​വ​രം ശേ​ഖ​രി​ച്ച്​ റി​പ്പോ​ര്‍ട്ട് ന​ല്‍കി​യി​ട്ടു​ണ്ട്. അ​റ​സ്‌​റ്റ്​ ഒ​ഴി​വാ​ക്കു​ന്ന​തി​നു​ള്ള നീ​ക്ക​ങ്ങ​ള്‍ ആ​രോ​പ​ണ വി​ധേ​യ​യു​ടെ ഭാ​ഗ​ത്തു​നി​ന്നും ആ​രം​ഭി​ച്ചി​ട്ടു​ണ്ടെ​ന്നാ​ണ് സൂ​ച​ന.

ചേ​ര്‍ത്ത​ല​യി​ലെ ന​ട​ക്കാ​വ്, പ്ര​ധാ​ന ശാ​ഖ, പ​ട്ട​ണ​ക്കാ​ട്എ​ന്നി​വി​ട​ങ്ങ​ളി​ല്‍നി​ന്നും സ്വ​ര്‍ണം മോ​ഷ​ണം പോ​യ​താ​യാ​ണ് ക​ണ്ടെ​ത്തി​യ​ത്.ന​ട​ക്കാ​വ് ശാ​ഖ​യി​ല്‍നി​ന്നും സ്വ​ര്‍ണം മോ​ഷ​ണം പോ​യ​താ​ണ് ഒ​ടു​വി​ലെ സം​ഭ​വം. ഇ​തേ തു​ട​ര്‍ന്ന്​ ബാ​ങ്ക്ത​ല​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഏ​രി​യ മാ​നേ​ജ​ര്‍ മീ​രാ​മാ​ത്യു​വി​ലേ​ക്ക് അ​ന്വേ​ഷ​ണം നീ​ണ്ട​ത്.

ചോ​ദ്യം ചെ​യ്യ​ലി​ല്‍ ഇ​വ​ര്‍ കു​റ്റ​സ​മ്മ​തം ന​ട​ത്തി​യി​രു​ന്നു. ഇ​തേ​ത്തു​ട​ര്‍ന്ന് ന​ഷ്ട​മാ​യ സ്വ​ര്‍ണ​ത്തി​ന്‍റെ മൂ​ല്യ​ത്തി​ലു​ള്ള തു​ക ഇ​വ​രി​ല്‍നി​ന്നും ഈ​ടാ​ക്കി. ഏ​രി​യ മാ​നേ​ജ​രു​ടെ ചു​മ​ത​ല​യി​ലു​ള്ള ചേ​ര്‍ത്ത​ല താ​ലൂ​ക്കി​ലെ ബാ​ങ്കു​ശാ​ഖ​ക​ളി​ലെ​ല്ലാം പ​ണ​യ​സ്വ​ര്‍ണ​ത്തി​ല്‍ വി​ശ​ദ​മാ​യ പ​രി​ശോ​ധ​ന​ക​ള്‍ ന​ട​ക്കു​ക​യാ​ണ്. പൊ​ലീ​സ് സ്പെ​ഷ​ൽ ബ്രാ​ഞ്ചി​ന്‍റെ നി​രീ​ക്ഷ​ണ​വു​മു​ണ്ട്.