അപകടത്തിൽപെടാം എ​പ്പോൾ വേണമെങ്കിലും

തു​റ​വൂ​ർ: അ​രൂ​ർ-​തു​റ​വൂ​ർ ഉ​യ​ര​പ്പാ​ത നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​യി​ൽ ദി​വ​സ​വും അ​പ​ക​ട​ങ്ങ​ൾ. കാ​റി​ടി​ച്ച് ബൈ​ക്ക് യാ​ത്രി​ക​ന്റെ കാ​ൽ​പാ​ദം ഒ​ടി​ഞ്ഞു​തൂ​ങ്ങി​യ​ത് ഏ​റ്റ​വും ഒ​ടു​വി​ലു​ണ്ടാ​യ അ​പ​ക​ട​മാ​ണ്. അ​രൂ​ക്കു​റ്റി കൊ​മ്പ​നാ​മു​റി പ​ള്ളി​പ്പ​റ​മ്പി​ല്‍ ജോ​ണ്‍സ​ണാ​ണ്​ (34) അ​പ​ക​ടം സം​ഭ​വി​ച്ച​ത്. ക​ഴി​ഞ്ഞ​ദി​വ​സം ദേ​ശീ​യ​പാ​ത​യി​ല്‍ എ​ഴു​പു​ന്ന പു​ന്ന​ക്ക​ല്‍ ന​ഴ്‌​സി​ങ് ഹോ​മി​ന് സ​മീ​പ​മാ​യി​രു​ന്നു സം​ഭ​വം.

ഫോ​ണ്‍ വ​ന്ന​തി​നെ തു​ട​ര്‍ന്ന് ബൈ​ക്ക് ഒ​തു​ക്കി സം​സാ​രി​ച്ചു​കൊ​ണ്ടു​​നി​ന്ന യു​വാ​വി​നെ പി​ന്നി​ല്‍നി​ന്ന്​​എ​ത്തി​യ കാ​റി​ടി​ക്കു​ക​യാ​യി​രു​ന്നു. കാ​ല്‍പാ​ദം ഒ​ടി​ഞ്ഞ് തൂ​ങ്ങി​യ നി​ല​യി​ലാ​ണ്​ അ​രൂ​ര്‍ അ​ഗ്നി​ര​ക്ഷാ​സേ​ന ആം​ബു​ല​ന്‍സി​ല്‍ ഇ​യാ​ളെ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച​ത്.

നാ​ലു​വ​രി ദേ​ശീ​യ​പാ​ത​യി​ല്‍ ഉ​യ​ര​പ്പാ​ത നി​ര്‍മാ​ണം ആ​രം​ഭി​ച്ച​തോ​ടെ അ​പ​ക​ട​ങ്ങ​ൾ ന​ട​ക്കാ​ത്ത ദി​വ​സ​ങ്ങ​ളി​ല്ല. ക​ഴി​ഞ്ഞ ദി​വ​സം രാ​ത്രി​യി​ല്‍ പാ​ട്ടു​കു​ള​ങ്ങ​ര​യി​ലു​ണ്ടാ​യ അ​പ​ക​ട​ത്തി​ല്‍ നി​ർ​മാ​ണ ജോ​ലി​യി​ലേ​ർ​പ്പെ​ട്ട തൊ​ഴി​ലാ​ളി​ക്ക് ദാ​രു​ണാ​ന്ത്യം സം​ഭ​വി​ച്ചി​രു​ന്നു. നി​ർ​മാ​ണ ക​മ്പ​നി​ക്കു​വേ​ണ്ടി ടി​പ്പ​ർ ഓ​ടി​ച്ചി​രു​ന്ന അ​രൂ​ർ സ്വ​ദേ​ശി​യാ​യ യു​വാ​വ് മ​രി​ക്കാ​നി​ട​യാ​യ അ​പ​ക​ട​മു​ണ്ടാ​യ​തും ക​ഴി​ഞ്ഞ മാ​സ​മാ​ണ്.

പ്ര​തി​ദി​നം അ​പ​ക​ടം 20നു ​മു​ക​ളി​ൽ

ചെ​റു​തും വ​ലു​തു​മാ​യ 20നു ​മു​ക​ളി​ൽ അ​പ​ക​ടം 12.75 കി​ലോ​മീ​റ്റ​ര്‍ വ​രു​ന്ന അ​രൂ​രി​നും തു​റ​വൂ​രി​നും ഇ​ട​യി​ല്‍ നി​ത്യേ​ന ഉ​ണ്ടാ​കു​ന്നു​ണ്ട്. ഇ​ത്​ ഒ​ഴി​വാ​ക്കാ​ൻ​ കാ​ര്യ​ക്ഷ​മ​മാ​യ ന​ട​പ​ടി ഉ​ണ്ടാ​കു​ന്നി​ല്ല. അ​പ​ക​ട മ​ര​ണ​ങ്ങ​ൾ​ക്കും ഗ​താ​ഗ​ത സ്തം​ഭ​ന​ങ്ങ​ൾ​ക്കും നാ​ട്ടു​കാ​ർ​ക്കു​ണ്ടാ​കു​ന്ന ദു​രി​ത​ങ്ങ​ൾ​ക്കും നേ​രെ ക​രാ​റു​കാ​ർ ഉ​ദാ​സീ​ന​ത​യാ​ണ് കാ​ട്ടു​ന്ന​ത്. ഇ​ത് ​ഏ​റെ വി​മ​ർ​ശ​ന​ങ്ങ​ൾ​ക്ക്​ കാ​ര​ണ​മാ​കു​ന്നു. മ​ര​ണ​മു​ണ്ടാ​വു​ന്ന അ​പ​ക​ട​ങ്ങ​ൾ​ക്കി​ട​യി​ലും ജോ​ലി​ക്ക് ത​ട​സ്സ​മു​ണ്ടാ​കാ​തി​രി​ക്കാ​നാ​ണ് ക​രാ​റു​കാ​രു​ടെ ശ്ര​ദ്ധ. കാ​ൽ​ന​ട​യാ​ത്രി​ക​ർ​ക്ക് ദേ​ശീ​യ​പാ​ത​യി​ൽ ഇ​റ​ങ്ങി​ന​ട​ക്കാ​ൻ ക​ഴി​യാ​ത്ത സ്ഥി​തി​യാ​യി. പ്രാ​ദേ​ശി​ക​മാ​യ ആ​വ​ശ്യ​ങ്ങ​ൾ​ക്ക് നാ​ട്ടു​കാ​ർ ഇ​ട​വ​ഴി​ക​ളെ​യാ​ണ് ആ​ശ്ര​യി​ക്കു​ന്ന​ത്.

അ​ധി​കൃ​ത​ർ അ​ന​ങ്ങാ​ൻ ഇ​നി​യെ​ത്ര ജീ​വ​ൻ പൊ​ലി​യ​ണം

യാ​ത്ര​ക്കാ​രു​ടെ സു​ര​ക്ഷ ഉ​റ​പ്പാ​ക്കി​ നി​ർ​മാ​ണം ന​ട​ത്താ​ൻ ക​മ്പ​നി നി​ർ​ബ​ന്ധി​ത​രാ​വാ​ൻ ഇ​നി​യും എ​ത്ര അ​പ​ക​ട​ങ്ങ​ളും ഇ​ര​ക​ളും ഉ​ണ്ടാ​ക​ണ​മെ​ന്ന ചോ​ദ്യ​മാ​ണ്​ നാ​ട്ടു​കാ​ർ ഉ​യ​ർ​ത്തു​ന്ന​ത്. നാ​ട്ടു​കാ​രു​ടെ പ​രാ​തി​ക​ൾ ഏ​റ്റെ​ടു​ത്ത് ത്രി​ത​ല പ​ഞ്ചാ​യ​ത്തു​ക​ൾ ജി​ല്ല ഭ​ര​ണ​കൂ​ട​ത്തോ​ട് പ​രാ​തി​പ്പെ​ട്ടി​ര​ന്നു. ഇ​തേ തു​ട​ർ​ന്ന്​ ചി​ല നി​ർ​ദേ​ശ​ങ്ങ​ൾ പാ​ലി​ക്കാ​ൻ ക​മ്പ​നി അ​ധി​കൃ​ത​ർ ആ​ദ്യം ത​യാ​റാ​യെ​ങ്കി​ലും പി​ന്നീ​ട് അ​വ​ഗ​ണി​ക്കു​ക​യാ​യി​രു​ന്നു. ഗ​താ​ഗ​തം അ​നു​വ​ദി​ച്ചി​രി​ക്കു​ന്ന ദേ​ശീ​യ​പാ​ത​യു​ടെ ഭാ​ഗം കു​റേ​ക്കൂ​ടി വീ​തി​കൂ​ട്ടു​മെ​ന്നാ​യി​രു​ന്നു ആ​ദ്യ​ത്തെ വാ​ഗ്ദാ​നം.

ഗ​താ​ഗ​തം അ​സാ​ധ്യ​മാ​യ വി​ധ​ത്തി​ൽ ദേ​ശീ​യ​പാ​ത ത​ക​രു​മ്പോ​ൾ മാ​ത്രം കു​ഴി​യ​ട​ക്ക​ൽ പ​രി​പാ​ടി​യു​മാ​യി ക​രാ​ർ ക​മ്പ​നി രം​ഗ​ത്തെ​ത്തു​ന്ന​ത് പ​തി​വാ​ക്കി​യി​ട്ടു​ണ്ട്. ഗ​താ​ഗ​ത​ത്തി​ര​ക്ക് ഒ​ഴി​വാ​ക്കാ​ൻ, വ​ലി​യ വാ​ഹ​ന​ങ്ങ​ൾ വ​ഴി​തി​രി​ച്ചു​വി​ടു​മെ​ന്നാ​യി​രു​ന്നു പി​ന്നീ​ടു​ള്ള പ്ര​ഖ്യാ​പ​നം. എ​ല്ലാം വെ​ള്ള​ത്തി​ൽ വ​ര​ച്ച വ​ര പോ​ലെ​യാ​യി. ഗ​താ​ഗ​ത നി​യ​ന്ത്ര​ണ​ത്തി​ന് ഏ​ർ​പ്പെ​ടു​ത്തി​യ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളെ​യും ദേ​ശീ​യ​പാ​ത​യി​ൽ കാ​ണാ​നി​ല്ല.

ഉ​യ​ര​പ്പാ​ത പൂ​ർ​ത്തി​യാ​ക്കാ​ൻ ര​ണ്ടു​വ​ർ​ഷം​കൂ​ടി പ​ണി​ക​ൾ തു​ട​രു​ന്ന കാ​ര്യം ഓ​ർ​ക്കു​മ്പോ​ൾ ക​രാ​ർ ക​മ്പ​നി​യു​ടെ സ​മീ​പ​ന​വും അ​ധി​കൃ​ത​രു​ടെ ഉ​ദാ​സീ​ന​ത​യും എ​ത്ര പേ​രു​ടെ ജീ​വ​നെ​ടു​ക്കു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.