പെരുമഴയിലും അരൂർ-തുറവൂർ പാത ഉയരങ്ങളിലേക്ക്

തു​റ​വൂ​ർ: മ​ഴ ശ​ക്തി​പ്രാ​പി​ക്കു​മ്പോ​ഴും ഉ​യ​ര​പ്പാ​ത നി​ർ​മാ​ണം പു​രോ​ഗ​തി​യി​ൽ. തു​റ​വൂ​ര​ട​ക്കം കോ​ണ്‍ക്രീ​റ്റ് ഗ​ര്‍ഡ​റു​ള്‍ സ്ഥാ​പി​ച്ച​യി​ട​ങ്ങ​ളി​ല്‍ മേ​ല്‍ത്ത​ട്ട് ഒ​രു​ക്കു​ന്ന ജോ​ലി​ക​ള്‍ ത​കൃ​തി​യാ​യി പു​രോ​ഗ​മി​ക്കു​ന്നു. പ​ക്ഷേ, ഒ​റ്റ​ത്തൂ​ണി​നാ​യി പൈ​ലി​ങ് ചെ​യ്ത​യി​ട​ങ്ങ​ളി​ല്‍ കു​ഴി​ക​ളി​ല്‍ വെ​ള്ളം നി​റ​ഞ്ഞ​തും തൊ​ട്ടു​ചേ​ര്‍ന്ന് നി​ല്‍ക്കു​ന്ന​യി​ട​ങ്ങ​ള്‍ ഇ​ടി​ഞ്ഞു​വീ​ഴു​ന്ന​തും താ​ഴെ​യു​ള്ള ജോ​ലി​ക​ള്‍ മ​ന്ദ​ഗ​തി​യി​ലാ​ക്കി. 12.75 കി​ലോ​മീ​റ്റ​ര്‍ വ​രു​ന്ന അ​രൂ​ര്‍-​തു​റ​വൂ​ര്‍ ഉ​യ​ര​പ്പാ​ത​യി​ല്‍ 354 ഒ​റ്റ​ത്തൂ​ണു​ക​ളാ​ണ് വേ​ണ്ട​ത്. ഇ​തി​ല്‍ 200 തൂ​ണു​ക​ള്‍ പൂ​ര്‍ത്തീ​ക​രി​ച്ചു. 50 എ​ണ്ണ​ത്തി​ന്റെ ക​മ്പി​കെ​ട്ട​ല്‍ പൂ​ര്‍ത്തി​യാ​യി​വ​രു​ന്നു.

കോ​ണ്‍ക്രീ​റ്റ് ചെ​യ്യാ​ന്‍ സ​ജ്ജ​മാ​യ കു​ഴി​ക​ളി​ല്‍ പെ​യ്ത്തു​വെ​ള്ളം കെ​ട്ടി​ക്കി​ട​ക്കു​ന്ന​ത് നി​ര്‍മാ​ണ പ്ര​വ​ര്‍ത്ത​ന​ങ്ങ​ളു​ടെ വേ​ഗ​ത്തെ ബാ​ധി​ച്ചി​ട്ടു​ണ്ട്. മോ​ട്ടോ​ര്‍ അ​ട​ക്കം ഉ​പ​യോ​ഗി​ച്ച് വെ​ള്ളം പ​മ്പ് ചെ​യ്യു​ന്നെ​ങ്കി​ലും കോ​ണ്‍ക്രീ​റ്റി​ങ് തു​ട​ങ്ങാ​ന്‍ ക​ഴി​യാ​ത്ത രീ​തി​യി​ൽ കു​ഴി​ക​ളി​ൽ വെ​ള്ളം നി​റ​യു​ക​യാ​ണ്. ചേ​ര്‍ത്ത​ല​ക്ക​ടു​ത്ത മാ​യി​ത്ത​റ, തു​റ​വൂ​രി​നു സ​മീ​പ​മു​ള്ള പു​ത്ത​ന്‍ച​ന്ത എ​ന്നി​വി​ട​ങ്ങ​ളി​ലാ​ണ് 32 മീ​റ്റ​ര്‍ നീ​ള​മു​ള്ള കോ​ണ്‍ക്രീ​റ്റ് ഗ​ര്‍ഡ​റു​ക​ള്‍ ഒ​രു​ക്കു​ന്ന​ത്. ഇ​വ ഇ​പ്പോ​ള്‍ ച​ന്തി​രൂ​രി​നു സ​മീ​പ​ത്തെ യാ​ർ​ഡി​ലേ​ക്കെ​ത്തി​ക്കു​ന്നു​മു​ണ്ട്. ഇ​വ​യു​ടെ നീ​ക്ക​വും സ​ർ​വി​സ് റോ​ഡു​ക​ള്‍ ത​ക​ര്‍ന്ന​തു​മാ​ണ് നി​ല​വി​ല്‍ ഗ​താ​ഗ​ത​ക്കു​രു​ക്കി​ന്റെ കാ​ര​ണ​ങ്ങ​ള്‍.