സംസ്കൃതസർവകലാശാല തുറവൂർ കേന്ദ്രം അവഗണനയിൽ

തു​റ​വൂ​ർ : കാ​ൽ​നൂ​റ്റാ​ണ്ട് പി​ന്നി​ടു​ന്ന ശ്രീ​ശ​ങ്ക​രാ​ചാ​ര്യ സം​സ്കൃ​ത സ​ർ​വ​ക​ലാ​ശാ​ല തു​റ​വൂ​ർ പ്രാ​ദേ​ശി​ക കേ​ന്ദ്രം ന​ഷ്ട​പ്പെ​ടു​മെ​ന്ന്​ ആ​ശ​ങ്ക. ഇ​തി​ൽ പ്ര​തി​ഷേ​ധി​ച്ച് വി​ദ്യാ​ർ​ഥി​ക​ൾ ചെ​രു​പ്പി​ടാ​തെ ക​റു​ത്ത വ​സ്ത്രം ധ​രി​ച്ച് കാ​ല​ടി​യി​ൽ പ്ര​ക​ട​നം ന​ട​ത്തി. സ്വ​ന്ത​മാ​യി കെ​ട്ടി​ട​വും മ​റ്റു സൗ​ക​ര്യ​ങ്ങ​ളും ഇ​ല്ലാ​തെ ചോ​ർ​ന്നൊ​ലി​ക്കു​ന്ന തു​റ​വൂ​ർ പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​ത്തി​ലാ​ണ് സെ​ന്‍റ​ർ പ്ര​വ​ർ​ത്തി​ക്കു​ന്ന​ത്.

1995 ജൂ​ലൈ​യി​ൽ തു​റ​വൂ​ർ ക​ലാ​രം​ഗം ഓ​ഡി​റ്റോ​റി​യം കെ​ട്ടി​ട​ത്തി​ലാ​ണ് കോ​ള​ജ് തു​ട​ങ്ങി​യ​ത്. പി​ന്നീ​ട് തു​റ​വൂ​ർ പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള പ​ഞ്ചാ​യ​ത്ത് എ​ൽ.​പി സ്കൂ​ളി​നോ​ട് ചേ​ർ​ന്ന ദേ​ശീ​യ​പാ​ത​യ്ക്ക് അ​രി​കി​ലു​ള്ള എ​ൻ.​പി ത​ണ്ടാ​ർ സ്മാ​ര​ക കെ​ട്ടി​ട​ത്തി​ലേ​ക്ക് മാ​റ്റി.

കാ​ൽ​നൂ​റ്റാ​ണ്ടി​നി​ട​ക്ക്​ എം.​പി, എം.​എ​ൽ.​എ, മ​ന്ത്രി​മാ​ര​ട​ക്കം കോ​ള​ജി​ന് സ്ഥ​ലം ക​ണ്ടെ​ത്താ​ൻ വ​ള​രെ പ​രി​ശ്ര​മി​ച്ചു. സ്ഥ​ല​വി​ല സം​സ്ഥാ​ന​ത്ത് ത​ന്നെ ഏ​റ്റ​വു​മ​ധി​ക​മു​ള്ള അ​രൂ​ർ മേ​ഖ​ല​യി​ൽ സ്ഥ​ലം ക​ണ്ടെ​ത്താ​ൻ ക​ഴി​യാ​തെ വ​ന്ന​ത് കോ​ള​ജി​ന്‍റെ നി​ല​നി​ൽ​പ്പി​ന് ഭീ​ഷ​ണി​യാ​യി.

ഇ​തി​നി​ടെ അ​ധി​കൃ​ത​രു​ടെ അ​നാ​സ്ഥ മൂ​ലം ക​ണ്ടെ​ത്തി​യ സ്ഥ​ലം ഏ​റ്റെ​ടു​ക്കാ​ൻ ക​ഴി​ഞ്ഞി​ല്ലെ​ന്ന ആ​ക്ഷേ​പം ഉ​യ​രു​ന്നു​ണ്ട്. യു.​ജി.​സി എ ​ഗ്രേ​ഡു​ള്ള കോ​ള​ജാ​ണി​ത്. സ​ർ​വ​ക​ലാ​ശാ​ല ത​ന്നെ കോ​ള​ജി​നു​ള്ള സ്ഥ​ലം ക​ണ്ടെ​ത്ത​ണ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ടം കോ​ള​ജി​ന്​ കൈ​മാ​റു​ക​യാ​ണെ​ങ്കി​ൽ പ​ണം മു​ട​ക്കി കെ​ട്ടി​ട​ങ്ങ​ൾ നി​ർ​മി​ക്കാ​ൻ സ​ർ​വ​ക​ലാ​ശാ​ല അ​ധി​കൃ​ത​ർ ത​യാ​റാ​ണ്. നി​ല​വി​ൽ എം.​എ മ​ല​യാ​ളം, എം.​എ സം​സ്കൃ​തം, എം.​എ​സ്. ഡ​ബ്ല്യു, ബി.​എ എ​ന്നീ കോ​ഴ്സു​ക​ളി​ലാ​യി 240 വി​ദ്യാ​ർ​ഥി​ക​ൾ പ​ഠി​ക്കു​ന്നു.

കാ​ല​ടി​യി​ലെ പ്ര​ധാ​ന കേ​ന്ദ്രം ക​ഴി​ഞ്ഞാ​ൽ സം​സ്കൃ​തം വി​ഷ​യ​ത്തി​ൽ ഏ​റ്റ​വു​മ​ധി​കം കു​ട്ടി​ക​ൾ പ​ഠി​ക്കു​ന്ന സ്ഥാ​പ​ന​മാ​ണി​ത്. മി​ക​ച്ച ലൈ​ബ്ര​റി, ശ്രീ​ശ​ങ്ക​രാ​ചാ​ര്യ ക​മ്പ്യൂ​ട്ട​ർ ലാ​ബ് എ​ന്നീ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്.

നി​ല​വി​ൽ സ്ഥ​ലം ഇ​ല്ലാ​ത്ത​ത് തൃ​ശൂ​ർ, ത​റ​വൂ​ർ എ​ന്നീ കേ​ന്ദ്ര​ങ്ങ​ൾ​ക്കാ​ണ്.

തൃ​ശൂ​രി​ൽ ഇ​ത്ത​വ​ണ കോ​ഴ്സു​ക​ളൊ​ന്നും അ​നു​വ​ദി​ച്ചി​ട്ടി​ല്ല. ഇ​വി​ടെ ഉ​ണ്ടാ​യി​രു​ന്ന അ​ധ്യാ​പ​ക​രെ കാ​ല​ടി പ്ര​ധാ​ന കേ​ന്ദ്ര​ത്തി​ലേ​ക്ക് മാ​റ്റി​യെ​ന്നാ​ണ് അ​റി​യു​ന്ന​ത്. ഇ​വി​ടെ​യും അ​തു തു​ട​രാ​നാ​ണ് സാ​ധ്യ​ത.