‘സം​സ്കാ​ര​മാ​കാ​ത്ത മാ​ലി​ന്യ​സം​സ്ക​ര​ണം’ -6

ബൃ​ഹ​ത് പ​ദ്ധ​തി നി​ല​ച്ചു; മാ​ലി​ന്യം സൂ​ക്ഷി​ക്കാ​നി​ട​മി​ല്ല

മാ​ന്നാ​റി​ൽ 18 വാ​ർ​ഡു​ക​ളി​ലെ 34 ഹ​രി​ത​ക​ർ​മ സേ​ന അം​ഗ​ങ്ങ​ൾ വീ​ടു​ക​ളി​ലെ​യും സ്ഥാ​പ​ന​ങ്ങ​ളി​ലെ​യും പ്ലാ​സ്റ്റി​ക്​ മാ​ലി​ന്യം ശേ​ഖ​രി​ച്ച് 36 എം.​സി.​എ​ഫു​ക​ളി​ലാ​യി സൂ​ക്ഷി​ക്കു​ക​യാ​ണ്. അ​വി​ടെ​നി​ന്ന്​ സ്​​റ്റോ​ർ​മു​ക്കി​ലെ ബ​സ്​​സ്റ്റാ​ൻ​ഡി​ന്​ സ​മീ​പ​ത്തെ ക​മ്യൂ​ണി​റ്റി ഹാ​ൾ, വൃ​ദ്ധ​സ​ദ​നം, ഓ​പ​ൺ​എ​യ​ർ സ്റ്റേ​ജ്​ എ​ന്നി​വി​ട​ങ്ങ​ളി​ലാ​ണ്​ സ്​​റ്റോ​ക്​ ചെ​യ്യു​ന്ന​ത്.

ത​രം​തി​രി​ക്ക​ലും ക​യ​റ്റി അ​യ​ക്ക​ലും ഇ​വി​ട​നി​ന്നാ​ണ്. ഇ​തി​നാ​ൽ മാ​ലി​ന്യം മാ​സ​ങ്ങ​ളോ​ളം സൂ​ക്ഷി​ക്കേ​ണ്ടി​വ​രു​ന്ന​ത്​ അ​സൗ​ക​ര്യ​ങ്ങ​ളും ബു​ദ്ധി​മു​ട്ടു​മാ​ണു​ണ്ടാ​ക്കു​ന്ന​ത്. വ​ർ​ഷ​ങ്ങ​ൾ പി​ന്നി​ട്ടി​ട്ടും ഈ ​അ​വ​സ്ഥ​ക്ക്​ മാ​റ്റ​മി​ല്ല. ക​ഴി​ഞ്ഞ പ​ഞ്ചാ​യ​ത്ത്​ ഭ​ര​ണ​സ​മി​തി​യു​ടെ കാ​ല​യ​ള​വി​ൽ കു​ട്ട​മ്പേ​രൂ​ർ 10ാം വാ​ർ​ഡി​ലെ മൃ​ഗാ​ശു​പ​ത്രി​വ​ള​പ്പി​ലെ 50 സെ​ന്റ് ഭൂ​മി​യി​ൽ പ്ലാ​സ്റ്റി​ക്​ ശേ​ഖ​ര​ണം, ത​രം​തി​രി​ക്ക​ൽ എ​ന്നി​വ ഉ​ൾ​​പ്പെ​ടെ ന​ട​ത്താ​ൻ ബൃ​ഹ​ത്​ പ​ദ്ധ​തി​യി​ട്ടി​രു​ന്നു.

നി​ല​വി​ലെ ഭ​ര​ണ​സ​മി​തി അ​തി​നു​ള്ള ത​യാ​റെ​ടു​പ്പും ന​ട​ത്തി​യി​രു​ന്നു. നാ​ട്ടു​കാ​രു​ടെ എ​തി​ർ​പ്പും പ്ര​തി​ഷേ​ധ​വും കോ​ട​തി വ്യ​വ​ഹാ​ര​ങ്ങ​ളും പ​ടി​ക​യ​റി​യ​തോ​ടെ അ​തി​ൽ​നി​ന്ന്​ പി​ൻ​വാ​ങ്ങി.കു​ര​ട്ടി​ക്കാ​ട് എ​ട്ടാം വാ​ർ​ഡി​ൽ പ​ഞ്ചാ​യ​ത്ത്​ വി​ല​കൊ​ടു​ത്ത്​ വാ​ങ്ങി​യ 30 സെ​ന്‍റ്​ ഭൂ​മി​യി​ൽ നി​ർ​മി​ക്കു​ന്ന കെ​ട്ടി​ട​ത്തി​ന്‍റെ പ​ണി മു​ക​ൾ​വ​രെ​യെ​ത്തി.

ഇ​നി മേ​ൽ​ക്കൂ​ര സ്ഥാ​പി​ച്ചാ​ൽ മ​തി. 21.5 ല​ക്ഷം രൂ​പ​യാ​ണ്​ ചെ​ല​വ്. ക​ൺ​വ​യ​ർ​ബെ​ൽ​റ്റ്, മാ​ലി​ന്യം ത​രം​തി​രി​ക്കാ​നു​ള്ള ടേ​ബി​ൾ, പ്ലാ​സ്റ്റി​ക്​ പ്ര​സി​ങ് മെ​ഷീ​ൻ എ​ന്നി​വ സ്ഥാ​പി​ച്ച്​ പ്ര​വ​ർ​ത്ത​സ​ജ്ജ​മാ​ക്കു​മെ​ന്ന്​ ക്ഷേ​മ​കാ​ര്യ സ്ഥി​രം​സ​മി​തി അ​ധ്യ​ക്ഷ​ൻ വി.​ആ​ർ. ശി​വ​പ്ര​സാ​ദ്​ ‘മാ​ധ്യ​മ’​ത്തോ​ടു പ​റ​ഞ്ഞു.