തെരുവുനായ്​ നിയന്ത്രണം സാധ്യമാകാൻ ഇനിയും കാത്തിരിക്കണം

ആ​ല​പ്പു​ഴ: ജി​ല്ല​യി​ൽ ര​ണ്ട്​ എ.​ബി.​സി (അ​നി​മ​ൽ ബെ​ർ​ത്ത്​ ക​ൺ​ട്രോ​ൾ) സെ​ന്‍ററു​ക​ൾ പ്ര​വ​ർ​ത്ത​ന​സ​ജ്ജ​മാ​കു​ന്നെ​ങ്കി​ലും തെ​രു​വു​നാ​യ്​​ക്ക​ളു​ടെ എ​ണ്ണം കു​റ​യാ​ൻ ഇ​നി​യും ഏ​റെ​നാ​ൾ കാ​ത്തി​രി​ക്ക​ണം. ക​ണി​ച്ചു​ക​ള​ങ്ങ​ര​യി​ൽ ഉ​ദ്​​ഘാ​ട​നം ന​ട​ന്ന എ.​ബി.​സി സെ​ന്‍റ​ർ ചൊ​വ്വാ​ഴ്ച മു​ത​ൽ പ്ര​വ​ർ​ത്ത​നം ത​ുട​ങ്ങും.

ആ​ല​പ്പു​ഴ ബീ​ച്ചി​ൽ നി​ർ​മാ​ണം ന​ട​ന്നു​വ​രു​ന്ന സെ​ന്‍റ​റും ഉ​ട​ൻ പ്ര​വ​ർ​ത്ത​ന സ​ജ്ജ​മാ​കും. ക​ണി​ച്ചു​കു​ള​ങ്ങ​ര​യി​ൽ പ്ര​തി​ദി​നം 10 നാ​യ്​​ക്ക​ളെ വ​ന്ധ്യം​ക​രി​ക്കാ​നാ​ണ്​ സൗ​ക​ര്യ​മു​ള്ള​ത്. ബീ​ച്ചി​ലും അ​ത്ര​യും സൗ​ക​ര്യ​മാ​ണ്​ ഉ​ണ്ടാ​കു​ക. ജി​ല്ല​യി​ൽ 27000ത്തോ​ളം തെ​രു​വ്​ നാ​യ്ക്ക​ളു​ണ്ടെ​ന്നാ​ണ്​ ക​ണ​ക്ക്. ഇ​ത്ര​യും എ​ണ്ണ​ത്തെ പി​ടി​കൂ​ടി വ​ന്ധ്യം​ക​രി​ക്കാ​ൻ ​ കാ​ല​ങ്ങ​ളെ​ടു​ക്കും.

വ​ന്ധ്യം​ക​ര​ണം പൂ​ർ​ത്തി​യാ​യാ​ലും നി​ല​വി​ലു​ള്ള​വ ച​ത്ത്​ ഒ​ടു​ങ്ങി​ത്തു​ട​ങ്ങു​ന്ന​തോ​ടെ മാ​ത്ര​മേ നാ​യ്ക്ക​ളു​ടെ എ​ണ്ണം കു​റ​ഞ്ഞ്​ തു​ട​ങ്ങു​ക​യു​ള്ളൂ. ബീ​ച്ചി​ലെ എ.​ബി.​സി സെ​ന്റ​റി​ന്റെ പ​ണി​ക​ൾ പൂ​ർ​ത്തി​യാ​യി. ഉ​പ​ക​ര​ണ​ങ്ങ​ളും സ്ഥാ​പി​ച്ച്​​ക​ഴി​ഞ്ഞു. അ​തും ഉ​ട​ൻ പ്ര​വ​ർ​ത്ത​ന ക്ഷ​മ​മാ​ക്കു​മെ​ന്ന്​ ജി​ല്ല പ​ഞ്ചാ​യ​ത്ത്​ അ​ധി​കൃ​ത​ർ പ​റ​ഞ്ഞു.

മാ​വേ​ലി​ക്ക​ര​യി​ൽ നേ​ര​ത്തേ ഒ​രു സെ​ന്‍റ​ർ പ്ര​വ​ർ​ത്തി​ച്ചി​രു​ന്നു​വെ​ങ്കി​ലും പു​തി​യ മാ​ന​ദ​ണ്ഡ പ്ര​കാ​ര​മു​ള്ള സെ​ന്‍റ​ർ സ്ഥാ​പി​ക്കാ​നു​ള്ള സ്ഥ​ല​സൗ​ക​ര്യം അ​വി​ടെ ഇ​ല്ലാ​ത്ത​തി​നാ​ൽ ഉ​പേ​ക്ഷി​ച്ചു.

സൗ​ക​ര്യ​ങ്ങ​ൾ വി​പു​ലം

ശ​സ്ത്ര​ക്രി​യ ന​ട​ത്താ​നു​ള്ള തി​യ​റ്റ​ർ, പ്രീ ​ആ​ൻ​ഡ് പോ​സ്റ്റ് ഓ​പ​റേ​റ്റി​വ് മു​റി​ക​ൾ, ജീ​വ​ന​ക്കാ​ർ​ക്കു​ള്ള മു​റി, എ.​ബി.​സി ഓ​ഫി​സ്, സ്റ്റോ​ർ, മാ​ലി​ന്യ നി​ർ​മാ​ർ​ജ​ന സൗ​ക​ര്യം, അ​ടു​ക്ക​ള തു​ട​ങ്ങി​യ സം​വി​ധാ​ന​ങ്ങ​ളാ​ണ്​ ക​ണി​ച്ചു​ക​ള​ങ്ങ​ര​യി​ലെ സെ​ന്‍റ​റി​ലു​ള്ള​ത്. ഒ​രു വെ​റ്റ​റി​ന​റി സ​ർ​ജ​ൻ, നാ​ല് മൃ​ഗ​പ​രി​പാ​ല​ക​ർ, ഒ​രു തി​യ​റ്റ​ർ സ​ഹാ​യി, ഒ​രു ശു​ചീ​ക​ര​ണ തൊ​ഴി​ലാ​ളി, നാ​യ്​​പി​ടി​ത്ത സം​ഘം എ​ന്നി​വ​രെ​യും സെ​ന്റ​റി​ൽ നി​യ​മി​ച്ചി​ട്ടു​ണ്ട്. ഈ ​സൗ​ക​ര്യ​ങ്ങ​ളെ​ല്ലാം ബീ​ച്ചി​ലെ സെ​ന്‍റി​ലും ത​യാ​റാ​യി​ട്ടു​ണ്ട്. ജീ​വ​ന​ക്കാ​രെ​യും നി​യ​മി​ച്ചി​ട്ടു​ണ്ട്. കേ​ന്ദ്ര ജ​ന്തു​ക്ഷേ​മ ബോ​ർ​ഡി​ന്റെ അം​ഗീ​കാ​രം ല​ഭി​ച്ചാ​ലു​ട​ൻ അ​തും പ്ര​വ​ർ​ത്ത​നം തു​ട​ങ്ങും.

ക​ട​ക്ക​ര​പ്പ​ള്ളി​യി​ൽ​നി​ന്ന്​ തു​ട​ങ്ങും

ചൊ​വ്വാ​ഴ്ച മു​ത​ൽ ക​ട​ക്ക​ര​പ്പ​ള്ളി പ​ഞ്ചാ​യ​ത്തി​ൽ​നി​ന്നു​ള്ള തെ​രു​വു​നാ​യ്ക്ക​ളെ പി​ടി​കൂ​ടി വ​ന്ധ്യം​ക​രി​ച്ചാ​ണ്​ ക​ണി​ച്ചു​കു​ള​ങ്ങ​ര​യി​ലെ സെ​ന്‍റ​ർ പ്ര​വ​ർ​ത്ത​നം തു​ട​ങ്ങു​ക. ക​ട​ക്ക​ര​പ്പ​ള്ളി പ​ഞ്ചാ​യ​ത്തി​ൽ ഇ​പ്പോ​ഴ​ത്തെ ക​ണ​ക്ക​നു​സ​രി​ച്ച് കു​റ​ഞ്ഞ​ത് 200 നാ​യ്ക്ക​ളെ​യെ​ങ്കി​ലും വ​ന്ധ്യം​ക​രി​ക്കേ​ണ്ടി​വ​രും. ഒ​രു​ദി​വ​സം പ​ത്ത് നാ​യ്ക്ക​ളെ​ന്ന ക​ണ​ക്കി​ൽ 20 ദി​വ​സം വേ​ണ്ടി​വ​രും.

ക​ണി​ച്ചു​കു​ള​ങ്ങ​ര സെ​ന്റ​റി​ൽ ഒ​രു​ദി​വ​സം 20 നാ​യ്ക്ക​ളെ​യെ​ങ്കി​ലും വ​ന്ധ്യം​ക​രി​ച്ചാ​ലേ പ​ദ്ധ​തി പ്ര​യോ​ജ​ന പ്ര​ദ​മാ​കൂ. ഇ​തി​ന് ഒ​രു ഡോ​ക്ട​റെ കൂ​ടി നി​യോ​ഗി​ക്കേ​ണ്ടി​വ​രും. ക​ട​ക്ക​ര​പ്പ​ള്ളി​ക്ക് ശേ​ഷം ചേ​ർ​ത്ത​ല ന​ഗ​ര​സ​ഭ​യി​ലെ നാ​യ്ക്ക​ളെ വ​ന്ധ്യം​ക​ര​ണ​ത്തി​ന് വി​ധേ​യ​മാ​ക്കാ​നാ​ണ് ആ​ലോ​ച​ന.

ര​ണ്ട് നാ​യ​പി​ടി​ത്ത​ക്കാ​രെ​യാ​ണ് നി​യോ​ഗി​ച്ചി​ട്ടു​ള്ള​ത്. ഒ​രു നാ​യെ പി​ടി​ക്കാ​ൻ 300 രൂ​പ കൂ​ലി ന​ൽ​കും. പി​ടി​കൂ​ടു​ന്ന​വ​യെ ക​ണി​ച്ചു​കു​ള​ങ്ങ​ര സെ​ന്‍റ​റി​ൽ എ​ത്തി​ക്കാ​നും തി​രി​കെ കൊ​ണ്ടു​വി​ടാ​നും 200 രൂ​പ വാ​ഹ​ന കൂ​ലി ന​ൽ​കും. 50 നാ​യ്ക്ക​ളെ പാ​ർ​പ്പി​ക്കാ​നു​ള്ള കൂ​ടു​ക​ളാ​ണ്​ ക​ണി​ച്ചു​കു​ള​ങ്ങ​ര​യി​ൽ സ​ജ്ജ​മാ​ക്കി​യി​ട്ടു​ള്ള​ത്. വ​ന്ധ്യം​ക​ര​ണം ക​ഴി​യു​ന്ന​വ​യെ ഒ​രാ​ഴ്ച പാ​ർ​പ്പി​ച്ച്​ ചി​കി​ത്സി​ക്കേ​ണ്ട​തു​ണ്ട്. 50 നാ​യ്ക്ക​ളെ പാ​ർ​പ്പി​ക്കാ​നു​ള്ള കൂ​ട്​ അ​പ​ര്യാ​പ്ത​മാ​യ​തി​നാ​ൽ കൂ​ട്​ ഒ​ഴി​യു​ന്ന​ത​നു​സ​രി​ച്ചാ​വും വീ​ണ്ടും പു​തി​യ​വ​യെ പി​ടി​കൂ​ടി കൊ​ണ്ടു​വ​രാ​നാ​കു​ക.