പെരുന്നാൾ ആഘോഷത്തിൽ നഗരം

കോ​ഴി​ക്കോ​ട്: ബ​ലി​പെ​രു​ന്നാ​ളി​ന്‍റെ ത​ലേ​ന്ന്​ ന​ഗ​ര​ത്തി​ൽ ന​ല്ല തി​ര​ക്ക്. ഇ​ട​ക്കി​ടെ പെ​യ്യു​ന്ന മ​ഴ​യാ​യി​രു​ന്നി​ട്ടും തെ​രു​വി​ലും ക​ട​ക​ളി​ലും കു​ടും​ബ​ങ്ങ​ൾ ഷോ​പ്പി​ങ്ങി​നി​റ​ങ്ങി. മി​ഠാ​യി തെ​രു​വ്, കോ​ർ​ട്ട്​​ റോ​ഡ്, താ​ജ്​ റോ​ഡ്, ബ​ഷീ​ർ റോ​ഡ്, മൊ​യ്തീ​ൻ പ​ള്ളി റോ​ഡ്, മേ​ലെ പാ​ള​യം തു​ട​ങ്ങി ന​ഗ​ര​ത്തി​ന്‍റെ ​പ്ര​ധാ​ന ഷോ​പ്പി​ങ്​ കേ​ന്ദ്ര​ങ്ങ​ളി​ലെ​ല്ലാം സ​ന്ധ്യ​യോ​ടെ തി​ര​ക്കേ​റി.

ന​ഗ​ര​ത്തി​ലെ വി​വി​ധ മാ​ളു​ക​ളി​ലും ന​ല്ല തി​ര​ക്കാ​യി​രു​ന്നു. ബേ​ക്ക​റി​ക​ളി​ലും ഡ്രൈ ​ഫ്രൂ​ട്ട്​​സ്​ ക​ട​ക​ളി​ലും പെ​രു​ന്നാ​ൾ ക​ച്ച​വ​ടം പൊ​ടി​പൊ​ടി​ച്ചു. പ്ര​വാ​ച​ക​ൻ ഇ​ബ്രാ​ഹി​മി​ന്‍റെ ത്യാ​ഗ​സ​ന്ന​ദ്ധ​ത​യു​ടെ സ്​​മ​ര​ണ​യി​ൽ വീ​ണ്ടും ബ​ലി​പെ​രു​ന്നാ​ൾ ആ​ഘോ​ഷി​ക്കാ​നു​ള്ള ഒ​രു​ക്ക​മാ​ണെ​ങ്ങും.

നി​ര​വ​ധി മ​ല​യാ​ളി വി​ശ്വാ​സി​ക​ൾ ഹ​ജ്ജ് ക​ർ​മ​ങ്ങ​ൾ​ക്കാ​യി മ​ക്ക​യി​ലാ​ണ്. മ​ഴ​കാ​ര​ണം ഈ​ദ് ഗാ​ഹു​ക​ൾ കു​റ​വാ​ണെ​ങ്കി​ലും പ​ള്ളി​ക​ളി​ൽ രാ​വി​ലെ പെ​രു​ന്നാ​ൾ ന​മ​സ്​​കാ​ര​ങ്ങ​ൾ ന​ട​ക്കും. പ്ര​വാ​ച​ക മാ​തൃ​ക​യി​ൽ ബ​ലി​യി​ട​ൽ ക​ർ​മം ന​ട​ത്തി മാം​സ വി​ത​ര​ണ​വും ബ​ക്രീ​ദി​ന്‍റെ ഭാ​ഗ​മാ​ണ്. പ​ള്ളി​ക​ളും വീ​ടു​ക​ളും കേ​ന്ദ്രീ​ക​രി​ച്ച്​ ഇ​തി​നു​ള്ള ത​യാ​റെ​ടു​പ്പു​ക​ളും പൂ​ർ​ത്തി​യാ​യി.