റോഡിൽ വാഴ നട്ട് പ്രതിഷേധിച്ചു

ശ്രീമൂലനഗരം: തിരുവൈരാണിക്കുളം പുതിയേടം ഗ്യാസ് സ്റ്റേഷൻ റോഡിൽ ഗെയിൽ പൈപ്പ്​ലൈനിനായി മാസങ്ങൾക്ക് മുമ്പ് വെട്ടിപ്പൊളിച്ച റോഡ് ടാർ ചെയ്ത് സഞ്ചാരയോഗ്യമാക്കാത്തതിൽ പ്രതിഷേധം. മഴക്കാലം വന്നതോടെ ഇതുവഴി കാൽനടക്കാർക്കും വാഹനങ്ങൾക്കും യാത്ര ചെയ്യാനാകാത്ത സ്ഥിതിയാണ്. ഉത്തരവാദിത്തപ്പെട്ടവരുടെ അനാസ്ഥയിൽ പ്രതിഷേധിച്ച് നാട്ടുകാർ വാഴനട്ട്​ പ്രതിഷേധിച്ചു. എത്രയും വേഗം റോഡ് നന്നാക്കണമെന്ന് പൊതുപ്രവർത്തകരായ ഷാജഹാൻ പാറപ്പുറം, ഫൈസൽ വെള്ളാരപ്പിള്ളി എന്നിവർ ആവശ്യപ്പെട്ടു. ചിത്രം . തകർന്ന റോഡിൽ വാഴനട്ട് പ്രതിഷേധിച്ചപ്പോൾ