സില്‍വര്‍ ലൈന്‍ വിരുദ്ധ ഏകോപനസമിതി വാഹന പ്രചാരണജാഥ നടത്തി

കൊച്ചി: കെ. റെയിലിന് വോട്ടില്ല എന്ന മുദ്രാവാക്യമുയര്‍ത്തി തൃക്കാക്കര മണ്ഡലത്തില്‍ സില്‍വര്‍ ലൈന്‍ വിരുദ്ധ ഏകോപനസമിതി വാഹന പ്രചാരണജാഥയും കോര്‍ണര്‍ യോഗങ്ങളും സംഘടിപ്പിച്ചു. കച്ചേരിപ്പടി ഗാന്ധി സ്ക്വയറില്‍നിന്ന്​ ആരംഭിച്ച വാഹനജാഥ വാഴക്കാലയില്‍ സമാപിച്ചു. ഉദ്ഘാടനം ഇന്ത്യന്‍ ഹ്യൂമന്‍ റൈറ്റ്സ് വാച്ച് ജനറൽ സെക്രട്ടറി ഫെലിക്സ് ജെ. പുല്ലൂടന്‍ ഉദ്ഘാടനം ചെയ്തു. ഏകോപന സമിതി ചെയര്‍മാന്‍ വി.എം. മൈക്കിള്‍ അധ്യക്ഷത വഹിച്ചു. ജോര്‍ജ് കാട്ടുനിലത്ത്, ഡോ. ബാബു ജോസഫ്, പി.എ. പ്രേംബാബു, കരീം ഷാ, മരട് സന്തോഷ് , പി. പത്മകുമാര്‍, മുഹമ്മദ് സാദിക്, ഡോ. ശ്രീകുമാര്‍, സ്റ്റാന്‍ലി പൗലോസ്, എസ്. സാഗരന്‍ എന്നിവര്‍ സംസാരിച്ചു. വാഴക്കാലയില്‍ നടന്ന സമാപന സമ്മേളനം സംയുക്ത കിസാന്‍ സഭ ദക്ഷിണേന്ത്യാ കണ്‍വീനര്‍ പി.ടി. ജോണ്‍ ഉദ്ഘാടനം ചെയ്തു. ആനീസ് ജോര്‍ജ്, സാദക്കത്ത്, വി.എം. മൈക്കിള്‍, പി.എ. പ്രേം ബാബു, പോള്‍ ഫ്രാന്‍സിസ് എന്നിവർ സംസാരിച്ചു. ec silvar ഫോട്ടോ സില്‍വര്‍ ലൈന്‍ വിരുദ്ധ ഏകോപനസമിതി തൃക്കാക്കര മണ്ഡലത്തില്‍ നടത്തിയ വാഹന പ്രചാരണജാഥ ഇന്ത്യന്‍ ഹ്യൂമന്‍ റൈറ്റ്സ് വാച്ച് ജനറൽ സെക്രട്ടറി ഫെലിക്സ് ജെ. പുല്ലൂടന്‍ ഉദ്ഘാടനം ചെയ്യുന്നു