റോഷ്നി സമ്മർ ക്യാമ്പ് തുടങ്ങി

കോലഞ്ചേരി: ഭാരത് പെട്രോളിയം കോർപറേഷൻ, വിദ്യാഭ്യാസ വകുപ്പ്, സർവശിക്ഷ അഭിയാന്റെയും സഹകരണത്തോടെ കുമ്മനോട് ഗവ. യു.പി സ്കൂളിൽ റോഷ്നി സമ്മർ ക്യാമ്പ് സംഘടിപ്പിച്ചു. വിദ്യാർഥി പ്രതിനിധി കെ. ഗോകുൽ ഉദ്ഘാടനം നിർവഹിച്ചു. പ്രധാനാധ്യാപിക കെ.എം. മേരി അധ്യക്ഷതവഹിച്ചു. അധ്യാപകരായ ടി.എം. നജീല, ഒ.എ. ഓമന, സൂസൻ അലക്സാണ്ടർ, ഐഷാബീവി, പി.ടി.എ പ്രതിനിധി പ്രീത മോഹൻ തുടങ്ങിയവർ സംസാരിച്ചു. അന്തർ സംസ്ഥാനക്കാരായ കുട്ടികളെ മലയാള പഠനത്തോട് കൂട്ടുചേർക്കുക എന്നതാണ് ക്യാമ്പുകൊണ്ട് ഉദ്ദേശിക്കുന്നത്. ഫോട്ടോ അടിക്കുറിപ്പ്: കുമ്മനോട് ഗവ. സ്കൂളിൽ റോഷ്നി സമ്മർ ക്യാമ്പ് വിദ്യാർഥി പ്രതിനിധി കെ. ഗോകുൽ ഉദ്ഘാടനം ചെയ്യുന്നു