നജാത്തുല്‍ ഇസ്‌ലാം ട്രസ്റ്റ് സനദ് ദാന സമ്മേളനം ഇന്ന്

എടവനക്കാട്: നജാത്തുല്‍ ഇസ്‌ലാം ട്രസ്റ്റ് സനദ് ദാന സമ്മേളനവും പൂര്‍വ വിദ്യാര്‍ഥി സംഗമവും ബുധനാഴ്ച നടക്കും. പൂര്‍വ വിദ്യാർഥി സമ്മേളനം വൈകീട്ട് 4.30ന് എടവനക്കാട് പുളിക്കനാട്ട് ഓഡിറ്റോറിയത്തില്‍ ജമാഅത്ത് ഇസ്‌ലാമി സംസ്ഥാന സെക്രട്ടറി അബ്ദുല്‍ ഹക്കീം നദ്‌വി ഉദ്ഘാടനം ചെയ്യും. സനദ് വിതരണം വൈകീട്ട് ഏഴിന് ജംഇയ്യതുല്‍ ഉലമ ഹിന്ദ് ജനറല്‍ സെക്രട്ടറി അലിയാര്‍ ഖാസിമി നിര്‍വഹിക്കും. ഖുര്‍ആന്‍ മനഃപാഠമാക്കിയ 21 വിദ്യാർഥികള്‍ക്കാണ് സനദ് വിതരണം നടത്തുക. ഇതിനകം 75 വിദ്യാർഥികള്‍ ഹിഫ്ള് കോഴ്സ് പൂര്‍ത്തിയാക്കിയതായി സനദ് ദാന സമ്മേളന ജനറല്‍ കണ്‍വീനര്‍ ഇ.എ. അബ്ദുൽ ജബ്ബാര്‍, പ്രചാരണ കമ്മിറ്റി ചെയര്‍മാന്‍ പി.കെ. അബ്ദു റസാഖ്, പ്രോഗ്രാം കമ്മിറ്റി ചെയര്‍മാന്‍ എ.യു. യൂനുസ്, കണ്‍വീനര്‍ കെ.എസ്. മെഹ്ബൂബ്, എ.പി. മഹ്​മൂദ് എന്നിവര്‍ അറിയിച്ചു.