സ്​കൂൾ വാഹനങ്ങളുടെ സുരക്ഷ പരിശോധന ശനിയാഴ്ച്

ആലുവ: ആലുവ സബ് റീജനൽ ട്രാൻസ്പോർട്ട് ഓഫിസ് പരിധിയിലുള്ള വിദ്യാഭ്യാസ സ്ഥാപനങ്ങളുടെ ഉടമസ്ഥതയിലുള്ള വാഹനങ്ങളുടെ സുരക്ഷാ പരിശോധന ശനിയാഴ്ച നടക്കും. രാവിലെ ഒമ്പത് മുതൽ 12 വരെ ആലുവ പറവൂർ കവലയിലുള്ള സി.എഫ് ടെസ്റ്റ് ഗ്രൗണ്ടിലും, ഉച്ച തിരിഞ്ഞ് 01.30 മുതൽ ഏലൂർ എഫ്.എ.സി.ടി സ്കൂൾ ഗ്രൗണ്ടിലുമാണ് പരിശോധന. വാഹന ഡ്രൈവർമാർക്കും, ഡോർ അറ്റൻഡർമാർക്കും, സ്കൂൾ-കോളജ് ട്രാൻസ്പോർട്ട് സേഫ്റ്റി ഓഫിസർമാർക്കുമായി തിങ്കളാഴ്ച രാവിലെ 9.30 മണി മുതൽ 12 മണിവരെ ആലുവ അസീസി ജങ്ഷനിലുള്ള ചെറുപുഷ്പം ഓഡിറ്റോറിയത്തിൽ റോഡ് ബോധവത്കരണ ക്ലാസ് സംഘടിപ്പിക്കും. ഫോൺ: 91889 61441, 91889 61532.