എൽ.എസ്​.ഡി സ്റ്റാമ്പുമായി പിടിയിൽ

പിടിയിലായത്​ ചെ​ന്നൈ സ്വദേശി കൊച്ചി: എറണാകുളം സന്ദർശിക്കാനെത്തിയ ചെ​ന്നൈ സ്വദേശിയായ യുവാവ്​ . ലോകോശ്വരനാണ്​ (23) പിടിയിലായത്. എറണാകുളം സൗത്ത് റെയിൽവേ സ്റ്റേഷനിൽ ട്രെയിൻ ഇറങ്ങി പുറത്തേക്ക് പോകുംവഴിയാണ് ഇയാളെ കൊച്ചി സിറ്റി പൊലീസ് കമീഷണറുടെ പ്രത്യേക ലഹരിവിരുദ്ധ സ്ക്വാഡ് പിടികൂടിയത്. രഹസ്യ വിവരത്തിന്‍റെ അടിസ്ഥാനത്തിൽ കൊച്ചി സിറ്റി ഡെപ്യൂട്ടി പൊലീസ് കമീഷണർ വി.യു. കുര്യാക്കോസിന്‍റെ മേൽനോട്ടത്തിൽ നാർകോട്ടിക് സെൽ അസി. കമീഷണർ അബ്ദുൽ സലാമിന്‍റെ നിർദേശപ്രകാരം കൊച്ചി സിറ്റി ഡാൻസാഫ് സബ് ഇൻസ്​പെക്ടർ രാമുവിന്‍റെ നേതൃത്വത്തിലുള്ള ഡാൻസാഫ് ടീമും എറണാകുളം സെൻട്രൽ പൊലീസും ചേർന്ന് നടത്തിയ സംയുക്ത പരിശോധനയിലാണ് പ്രതി പിടിയിലായത്. പ്രതിയുടെ കൈയിൽനിന്നും രണ്ട്​ എൽ.എസ്​.ഡി സ്റ്റാമ്പും കഞ്ചാവ് ബീഡികളും കണ്ടെടുത്തു. ER lokeshwaran prathy -ലോകോശ്വരൻ