ജേക്കബ്​ ഗ്രൂപ്പ്​ വിട്ടവർ തൃക്കാക്കരയിൽ ഇടതുമുന്നണിയെ പിന്തുണക്കും

കൊച്ചി: തൃക്കാക്കരയിൽ ഇടതു​മുന്നണി സ്ഥാനാർഥി ഡോ. ജോ ജോസഫിനെ പിന്തുണക്കാൻ കേരള കോൺഗ്രസ് ​(ജേക്കബ്​) വിഭാഗം വിട്ടവരുടെ തീരുമാനം. കെ.ജി. പുരുഷോത്തമൻ, ലാലു വർഗീസ്​, പൗലോസ്​ പൂക്കാട്ടിൽ, തങ്കമ്മ ചാക്കോ എന്നിവരുടെ നേതൃത്വത്തിൽ പാർട്ടി വിട്ടവരാണ്​ വാർത്തസമ്മേളനത്തിൽ​ നിലപാട്​ അറിയിച്ചത്​. ടി.എം. ജേക്കബ്​ പോസിറ്റിവ്​ ഫോറം എന്ന സംഘടന​ക്കും ഇവർ രൂപംനൽകി. രൂക്ഷവിമർശനമാണ്​ ഇവർ അനൂപ്​ ജേക്കബിനെതിരെ ഉന്നയിച്ചത്​. വിപുലമായ കൺവെൻഷൻ ജൂണിൽ കൊച്ചിയിൽ ചേരുമെന്നും ഇവർ അറിയിച്ചു.