നദിയിൽ ചാടിയ യുവാവിന്‍റെ മൃതദേഹം കണ്ടത്തി

ചെങ്ങന്നൂർ: എം.സി റോഡിൽ ചെങ്ങന്നൂർ മുണ്ടൻകാവ് കല്ലിശ്ശേരി ഇറപ്പുഴ പാലത്തിൽനിന്ന് പമ്പാനദിയിലേക്ക് ചാടി കാണാതായ യുവാവിന്‍റെ മൃതദേഹം കണ്ടെത്തി. മുളക്കുഴ പെരിങ്ങാല വിപിൻ സദനത്തിൽ ശിവദാസന്‍റെ മകൻ വിപിൻദാസാണ്​ (28) തിങ്കളാഴ്ച രാവിലെ ഒമ്പതോടെ ഇറപ്പുഴ പാലത്തിൽനിന്ന്​ ചാടിയത്. ബുധനാഴ്ച രാവിലെ 11.30ഓടെ ഇറപ്പുഴ പാലത്തിന് പടിഞ്ഞാറുഭാഗത്താണ്​ മൃതദേഹം ക​ണ്ടത്​. ബൈക്ക് പാലത്തിന്‍റെ കൈവരിയോട് ചേർത്തുവെച്ചശേഷം നദിയിലേക്ക്​ ചാടുകയായിരുന്നു. സംഭവത്തിന്‍റെ സി.സി.ടി.വി ദൃശ്യങ്ങളടക്കം ലഭിച്ചിരുന്നു. ചെങ്ങന്നൂർ, ആലപ്പുഴ അഗ്​നിരക്ഷാ സേന സ്‌കൂബ ടീമും പൊലീസും നാട്ടുകാരും ചേർന്ന്​ രണ്ട്​ ദിവസമായി തിരച്ചിൽ നടത്തുകയായിരുന്നു. ചെങ്ങന്നൂർ പൊലീസ് നടപടി സ്വീകരിച്ചു. മംഗലം കുറ്റിക്കാട്ടുപടിയിലെ സൂപ്പർ മാർക്കറ്റ്​ ജീവനക്കാരനായിരുന്നു വിപിൻദാസ്. മാതാവ്​: സുജാത. സഹോദരി: മിനി.