കോടതി ജീവനക്കാരൻ വീട്ടിൽ മരിച്ച നിലയിൽ

പന്തളം: പത്തനംതിട്ട കോടതിയിലെ അക്കൗണ്ട്സ് ക്ലർക്ക് കുരമ്പാല, പെരുമ്പുളിക്കൽ മന്നംനഗർ ശ്രീനിലയത്തിൽ എൻ. ശ്രീകുമാറിനെ (52) വീട്ടിൽ മരിച്ച നിലയിൽ കണ്ടെത്തി. രണ്ട് ദിവസമായി വീട്ടിൽ ഇല്ലായിരുന്ന ഭാര്യയും മക്കളും തിങ്കളാഴ്ച രാവിലെ ഒമ്പതോടെ വീട്ടിൽ എത്തിയപ്പോൾ കതക് പൂട്ടിയ നിലയിലായിരുന്നു. തുടർന്ന് ജനലി‍ൻെറ ചില്ല് പൊട്ടിച്ചു നോക്കിയപ്പോഴാണ് മുറിയിൽ മരിച്ച നിലയിൽ കണ്ടത്. മൈനാഗപ്പള്ളി അന്നപൂർണേശ്വരി ക്ഷേത്രം സെക്രട്ടറിയായിരുന്നു. പത്തനംതിട്ടയിൽനിന്ന്​ ഡോഗ് സ്ക്വാഡും ഫോറൻസിക് വിദഗ്​ധരും എത്തി പരിശോധന നടത്തി. പന്തളം എസ്.എച്ച്.ഒ എസ്. ശ്രീകുമാറി‍ൻെറ നേതൃത്വത്തിൽ പൊലീസ് മേൽനടപടികൾ സ്വീകരിച്ചു. ഭാര്യ: സുമതിക്കുട്ടിയമ്മ. മക്കൾ: ആര്യശ്രീ, അഭിരാം. - ഫോട്ടോ: എൻ. ശ്രീകുമാർ