യുവാക്കളുടെ ഭാരത പര്യടനത്തിന് തുടക്കമായി

പെരുമ്പാവൂര്‍: 'ഇന്ത്യയെ സ്‌നേഹിക്കൂ... മതേതരത്വം സംരക്ഷിക്കൂ, നമ്മള്‍ ഒന്നാണ്' എന്ന സന്ദേശമുയര്‍ത്തി അഞ്ച് യുവാക്കള്‍ നടത്തുന്ന ഭാരത പര്യടനത്തിന് തുടക്കമായി. ഇന്ത്യയിലെ പുണ്യ പുരാതന ചരിത്ര പൗരാണിക നഗരങ്ങളും കേന്ദ്രങ്ങളും സന്ദര്‍ശിക്കുന്ന സംഘം മതേതരത്വത്തി‍ൻെറ മഹത്ത്വം വിളംബരം ചെയ്യും. ചെമ്പറക്കി സ്വദേശികളായ മുഹമ്മദ് ലാസിം, കെ.പി. ജലീല്‍, സഹീര്‍ അഷ്‌റഫ്, ആലുവ സ്വദേശി ഹഫീസ്, എം. നീരജ് എന്നിവരാണ് സംഘത്തിലുള്ളത്. 'ലവ്​ ഇന്ത്യ സേവ് സെക്യുലറിസം, വി ഓള്‍ ആര്‍ വണ്‍' എന്ന് ആലേഖനം ചെയ്ത വാഹനത്തിലാണ് യാത്ര. കഴിഞ്ഞ ദിവസം ചെമ്പറക്കിയില്‍നിന്ന് ആരംഭിച്ച യാത്ര വാഴക്കുളം പഞ്ചായത്ത് വൈസ് പ്രസിഡന്‍റ്​ ഷെജീന ഹൈദ്രോസ് ഫ്ലാഗ് ഓഫ് ചെയ്തു. മുസ്‌ലിം ലീഗ് കുന്നത്തുനാട് മണ്ഡലം ജനറല്‍ സെക്രട്ടറി എ.എം. ബഷീര്‍, സി.പി.എം ലോക്കല്‍ സെക്രട്ടറി പി.എം. നാസര്‍, കോണ്‍ഗ്രസ് മണ്ഡലം സെക്രട്ടറി സി.എ. ഫൈസല്‍, ബി.ജെ.പി ജില്ല കമ്മിറ്റി അംഗം കൃഷ്ണകുമാര്‍, സമസ്ത കേരള മദ്‌റസ മാനേജ്‌മെന്‍റ്​ അസോസിയേഷന്‍ ജില്ല ജനറല്‍ സെക്രട്ടറി സിയാദ് ചെമ്പറക്കി, കേരള കോണ്‍ഗ്രസ് നേതാവ് അഹ്​മദ് തോട്ടത്തില്‍, എം.എസ്.എഫ് ജില്ല സെക്രട്ടറി എം.എസ്. ബാസിത്, യൂത്ത് ലീഗ് പഞ്ചായത്ത് ജനറല്‍ സെക്രട്ടറി അലി അക്ബര്‍, വ്യാപാരി വ്യവസായി ഏകോപന സമിതി നേതാവ് ജോബി തുടങ്ങിയവര്‍ സംസാരിച്ചു. em pbvr 1 Shajeena Hydrose അഞ്ച് യുവാക്കള്‍ നടത്തുന്ന ഭാരത പര്യടനത്തി​‍ൻെറ ഫ്ലാഗ് ഓഫ് ചെമ്പറക്കിയില്‍ വാഴക്കുളം പഞ്ചായത്ത് വൈസ് പ്രസിഡന്‍റ്​ ഷെജീന ഹൈദ്രോസ് നിര്‍വഹിക്കുന്നു