മൊബൈല്‍ ഫോണുകള്‍ മോഷ്ടിച്ച അന്തര്‍സംസ്ഥാന തൊഴിലാളികള്‍ പിടിയില്‍

പെരുമ്പാവൂര്‍: മൊബൈല്‍ ഫോണുകള്‍ മോഷ്ടിച്ച കേസില്‍ രണ്ട് അന്തര്‍സംസ്ഥാന തൊഴിലാളികള്‍ പിടിയിലായി. വെസ്റ്റ് ബംഗാള്‍ മുര്‍ഷിദാബാദ് സ്വദേശികളായ നജിബുള്‍ ബിശ്വാസ് (29), സര്‍ഗാന്‍ ഇസ്​ലാം (32) എന്നിവരെയാണ് പിടികൂടിയത്. ബുധനാഴ്ച പുലര്‍ച്ച മാറമ്പിള്ളിയിലെ മൊബൈല്‍ ഫോണ്‍ ഷോറൂമിലാണ് മോഷണം നടത്തിയത്. രണ്ടുലക്ഷം രൂപയുടെ മൊബൈലുകളാണ് കവര്‍ന്നത്. ജില്ല പൊലീസ് മേധാവി കെ. കാര്‍ത്തിക്കിന്റെ നേതൃത്വത്തില്‍ പ്രത്യേക സംഘം രൂപവത്​കരിച്ച് നടത്തിയ അന്വേഷണത്തിലാണ് മോഷണമുതലുകളുമായി നാട്ടിലേക്ക് തിരിക്കാന്‍ തയാറെടുക്കുകയായിരുന്ന പ്രതികളെ പിടികൂടിയത്. പകല്‍ ബൈക്കിലെത്തി കടയും പരിസരവും നിരീക്ഷിച്ച ശേഷം പുലര്‍ച്ച മോഷണം നടത്തുകയായിരുന്നുവെന്ന് പൊലീസ് പറഞ്ഞു. നജിബുള്‍ ബിശ്വാസ് മയക്കുമരുന്ന് കേസില്‍ ജയിലില്‍ കിടന്നിട്ടുണ്ട്. എ.എസ്.പി അനൂജ് പലിവാല്‍, ഇന്‍സ്‌പെക്ടര്‍ ആര്‍. രഞ്ജിത്, എസ്.ഐമാരായ ജോസി എം. ജോണ്‍സൺ, വി. രാജേന്ദ്രന്‍, എ.എസ്.ഐ അബ്ദുൽ സത്താര്‍, എസ്.സി.പിഒമാരായ പി.എ. അബ്ദുൽ മനാഫ്, എ.ഐ. നാദിര്‍ഷ, എം.പി. സുബൈര്‍, ജീമോന്‍ കെ. പിള്ള തുടങ്ങിയവരാണ് അന്വേഷണ സംഘത്തിലുണ്ടായിരുന്നത്​. em pbvr Prethi Najeebul Bishwas em pbvr Prethi Sargan Islam