വിദ്യാർഥികള്‍ക്ക് ലാപ്​ടോപ് വിതരണം ചെയ്തു

കൊച്ചി: നഗരസഭയിലെ 136 പട്ടികജാതി വിദ്യാർഥികള്‍ക്ക് ലാപ്​ടോപ്​ വിതരണം ചെയ്തു. വികസനകാര്യ സ്റ്റാൻഡിങ്​ കമ്മിറ്റി ചെയര്‍മാന്‍ പി.ആര്‍. റെനീഷ്, നഗരാസൂത്രണകാര്യ സ്റ്റാൻഡിങ്​ കമ്മിറ്റി ചെയര്‍മാന്‍ എം.എച്ച്.എം. അഷ്റഫ് എന്നിവര്‍ ഉദ്ഘാടനം ചെയ്തു. കൗണ്‍സിലര്‍ കാജല്‍ സലീം അധ്യക്ഷത വഹിച്ചു. കൗണ്‍സിലര്‍ പത്മകുമാരി, നഗരസഭ ഡെപ്യൂട്ടി സെക്രട്ടറി വി.കെ. ബിന്ദു, കൗണ്‍സില്‍ സെക്രട്ടറി എസ്​. സിനിമോള്‍ എന്നിവര്‍ പങ്കെടുത്തു. അഞ്ചുവര്‍ഷ വാറന്‍റിയുള്ള ലാപ്​ടോപ്പുകള്‍ കെല്‍ട്രോണാണ് ലഭ്യമാക്കിയത്.