പരിസ്ഥിതി സന്ദേശവുമായി സൈക്കിളത്തൺ

പാലാരിവട്ടം: ലോക പരിസ്ഥിതിദിന സന്ദേശവുമായി പാലാരിവട്ടം സെന്റ് വിൻസെന്റ് ഡിപോൾ ഇംഗ്ലീഷ് മീഡിയം സ്കൂൾ വിദ്യാർഥികൾ നടത്തിയ സൈക്കിളത്തൺ എറണാകുളം എം.എൽ.എ ടി​.ജെ. വിനോദ് ഉദ്​ഘാടനം ചെയ്തു. പകരം വെക്കാനില്ലാത്ത ഒരേ ഒരു ഭൂമിയെ സംരക്ഷിക്കേണ്ടത് മനുഷ്യന്റെ ആത്യന്തികമായ ഉത്തരവാദിത്തമാണെന്ന് ഓർമപ്പെടുത്തിയാണ് കുട്ടികൾ പരിസ്ഥിതിദിന റാലിയിൽ ആവേശത്തോടെ പങ്കെടുത്തത്. പാലാരിവട്ടം സംസ്കാരമുക്കിൽ ഫ്ലാഷ് മോബ് നടത്തിയാണ് പരിപാടിക്ക് സമാപനം കുറിച്ചത്. എറണാകുളം സോഷ്യൽ സർവിസ് സൊസൈറ്റി നേതൃത്വത്തിലാണ് പരിപാടി സംഘടിപ്പിച്ചത്. ഫാ. മാർട്ടിൻ അഴിക്കകത്ത്, ഫാ. ജിബിൻ ജോർജ് മാതിരപ്പിള്ളി, കോർപറേഷൻ കൗൺസിലർ ജോജി, സ്കൂൾ പ്രിൻസിപ്പൽ സിസ്റ്റർ ഷേർളി അഞ്ചലോസ്, പി.ടി.എ പ്രസിഡന്റ്‌ പൗലോസ്, അർച്ചന എന്നിവർ സംസാരിച്ചു. കുട്ടികളുടെ നേതൃത്വത്തിൽ അമ്പതോളം വൃക്ഷത്തൈകളും നട്ടു. EC CYCLATHON പരിസ്ഥിതി ദിനത്തോടനുബന്ധിച്ചുള്ള സൈക്കിളത്തൺ ടി.ജെ. വിനോദ് എം.എൽ.എ ഫ്ലാഗ് ഓഫ്‌ ചെയ്യുന്നു