ബൈക്ക് മറിഞ്ഞ്​ പരിക്കേറ്റ യുവാവ്​ മരിച്ചു

തൊടുപുഴ: നിയന്ത്രണംവിട്ട ബൈക്ക് മറിഞ്ഞ്​ പരിക്കേറ്റ്​ ചികിത്സയിലിരുന്ന യുവാവ്​ മരിച്ചു. വെങ്ങല്ലൂർ ഇടത്തിപ്പറമ്പിൽ ഷാഹുലിന്‍റെ മകൻ ആഷിഖാണ് (21) ​മരിച്ചത്​. വ്യാഴാഴ്ച രാത്രി 11ഓടെ വെങ്ങല്ലൂർ-കുമാരമംഗലം റോഡിലെ പ്ലാവിൻചുവടിന് സമീപം നിയന്ത്രണംവിട്ട ബൈക്ക്​ വീടിന്റെ ഗേറ്റിലേക്ക് ഇടിച്ചു കയറിയായിരുന്നു അപകടം. ഒപ്പമുണ്ടായിരുന്ന തഴുവംകുന്ന് സ്വദേശി അമൽ പരിക്കേറ്റ്​ ചികിത്സയിലാണ്​. മാതാവ്​: സജിത. സഹോദരൻ: ഹാഷിം. ​TDD ASHIK ആഷിക്​ (21)