വല്ലാർപാടം ബസിലിക്കയിൽ തിരുനാൾ സമാപിച്ചു

കൊച്ചി: വല്ലാർപാടം ബസിലിക്കയിലെ പരിശുദ്ധാരൂപിയുടെ തിരുനാൾ സമാപിച്ചു. തിരുനാൾ ദിവ്യബലിക്ക് അതിരൂപത വികാരി ജനറാൾ മോൺ. മാത്യു കല്ലിങ്കൽ മുഖ്യ കാർമികത്വം വഹിച്ചു. ഫാ. പ്രിൻസ് ഒ.എസ്​.ജെ വചനപ്രഘോഷണം നടത്തി. 12നാണ് എട്ടാം തിരുനാൾ. പോർച്ചുഗീസ് മിഷനറിമാർ എ.ഡി 1524 ൽ സ്ഥാപിച്ച പരിശുദ്ധാരൂപിയുടെ നാമധേയത്തിലുള്ള ഏഷ്യയിലെ ഏക ദേവാലയമാണ് വല്ലാർപാടം പള്ളി. 26 പേരടങ്ങുന്ന പ്രസുദേന്തി കൂട്ടായ്മയാണ് ഈ വർഷത്തെ തിരുനാൾ ഏറ്റെടുത്ത് നടത്തിയത്. EC VALLARPADAM BASILICA വല്ലാർപാടം ബസിലിക്കയിലെ പരിശുദ്ധാരൂപിയുടെ തിരുനാളിനോടനുബന്ധിച്ച് വല്ലാർപാടത്തമ്മയുടെ തിരുസ്വരൂപവും വഹിച്ച് നടന്ന പ്രദക്ഷിണം