ഉപതെരഞ്ഞെടുപ്പ്​ വിജയം; സ്നേഹസദ്യയിൽ പങ്കാളിയായി ഉമ തോമസ്

കൊച്ചി: തൃക്കാക്കര ഉപതെരഞ്ഞെടുപ്പിലെ മികച്ച വിജയത്തി‍ൻെറ സന്തോഷം പങ്കിടാൻ മുഖ്യമന്ത്രിയുടെ നാടായ ധർമടത്തുനിന്നെത്തിയ പ്രിയദർശിനി കലാ-സാംസ്കാരിക വേദിയുടെ നേതൃത്വത്തിൽ നടന്ന സ്നേഹസദ്യയിൽ പങ്കാളിയായി ഉമ തോമസ്. തേവരയിലെ ഓൾഡ് ഏജ്​ ഹോമിലാണ്​ സ്നേഹസദ്യ ഒരുക്കിയത്​. ഓൾഡ് ഏജ്​ ഹോമിലെത്തിയ നിയുക്ത എം.എൽ.എയെ പൂക്കൽ നൽകിയാണ് അന്തേവാസികൾ സ്വീകരിച്ചത്. അനാഥമന്ദിരത്തിലെ മുഴുവൻ അന്തേവാസികളുമായി ഏറെ നേരം വിശേഷങ്ങൾ പങ്കുവെച്ചും അവർക്ക് ഭക്ഷണം വിളമ്പി നൽകിയും അവർക്കൊപ്പം കഴിച്ചുമാണ് ഉമ തോമസ് മടങ്ങിയത്. PHOTO- ER UMATHOMAS