കല്യാണി മ്യൂസിക് ട്രസ്റ്റ്​ ഉദ്ഘാടനം

കൊച്ചി: കൊച്ചി റിഫൈനറീസ് ഫിനാന്‍സ് ഡയറക്ടറും ശാസ്ത്രീയസംഗീത പ്രേമിയുമായിരുന്ന പരേതനായ ഇളമന സുധീന്ദ്ര മേനോന്റെ സ്മരണാര്‍ഥം രൂപവത്​കരിച്ച കല്യാണി മ്യൂസിക് ട്രസ്റ്റിന്റെ ഉദ്ഘാടനം പെരുവനം കുട്ടന്‍ മാരാരും ഇ.എസ്. മേനോന്റെ പത്നി ജയശ്രീ മേനോനും ചേര്‍ന്ന് നിര്‍വഹിച്ചു. ലക്ഷം രൂപയും പ്രശസ്തിപത്രവും അടങ്ങുന്ന ഇ.എസ്. മേനോന്‍ സ്മാരക സംഗീതശ്രീ പുരസ്കാരം കര്‍ണാടക സംഗീതജ്ഞന്‍ കാഞ്ഞങ്ങാട് ടി.പി. ശ്രീനിവാസന് പെരുവനം കുട്ടന്‍ മാരാര്‍ സമ്മാനിച്ചു. യുവ സംഗീതജ്ഞര്‍ക്ക് ഏര്‍പ്പെടുത്തിയ സംഗീതപ്രതിഭ പുരസ്കാരം സുദീപ് പാലനാടിന് കര്‍ണാടക സംഗീതജ്ഞനും സംഗീത സംവിധായകനുമായ ഡോ. ശ്രീവത്സന്‍ ജെ. മേനോന്‍ സമ്മാനിച്ചു. 25,000 രൂപയും പ്രശസ്തിപത്രവും അടങ്ങുന്നതാണ് പുരസ്കാരം. സുദീപ് പാലനാടിന്റെ ഫ്യൂഷന്‍ സംഗീത പരിപാടിയും നടന്നു. EC TP SREENIVASAN ഫോട്ടോ ക്യാപ്ഷന്‍- കല്യാണി മ്യൂസിക് ട്രസ്റ്റിന്റെ പ്രഥമ ഇ.എസ്. മേനോന്‍ സ്മാരക സംഗീതശ്രീ പുരസ്കാരം കാഞ്ഞങ്ങാട് ടി.പി. ശ്രീനിവാസന്‍ പെരുവനം കുട്ടന്‍ മാരാരില്‍നിന്ന്​ ഏറ്റുവാങ്ങുന്നു