ട്രാഫിക് പൊലീസിന് മാസ്കുകൾ നൽകി വേൾഡ് മലയാളി ഫെഡറേഷൻ

കളമശ്ശേരി: ട്രാഫിക് പൊലീസിന് മാസ്കുകളുമായി വേൾഡ് മലയാളി ഫെഡറേഷൻ. എറണാകുളം ജില്ല കമ്മിറ്റിയുടെ നേതൃത്വത്തിൽ ഇടപ്പള്ളി ട്രാഫിക് അസി. കമീഷണർ ഓഫിസിൽ വെച്ച് എ.സി.പി ഷെൽബി ഫ്രാൻസിസിന് മാസ്കുകൾ കൈമാറി. ഇറ്റലി റീജ്യൻ ഫിറൻസ് കൗൺസിൽ കേരളത്തിൽ എല്ലാ ജില്ലകളിലേക്കുമായി വിവിധ മേഖലയിൽ വിതരണം ചെയ്യുന്നതിന് മൂന്നുലക്ഷത്തോളം മാസ്കുകളാണ് നൽകുന്നത്. ഫെഡറേഷൻ ഗ്ലോബൽ ചാരിറ്റി കോഓഡിനേറ്റർ വി.എം. സിദ്ദീഖ്, ഗ്ലോബൽ പബ്ലിക് റിലേഷൻ ഫോറം കോഓഡിനേറ്റർ റഫീഖ് മരക്കാർ, ജില്ല പ്രസിഡന്‍റ് രാജേഷ് മാത്യു, സ്റ്റേറ്റ് വിമൻസ് ഫോറം കോഓഡിനേറ്റർ ലീന സാജൻ, സ്റ്റേറ്റ് എക്സിക്യൂട്ടിവ് അംഗം റിനി സൂരജ് തുടങ്ങിയവർ പങ്കെടുത്തു. (ഫോട്ടോ) EC KALA 3 MASK വേൾഡ് മലയാളി ഫെഡറേഷൻ ട്രാഫിക് പൊലീസിന് നൽകുന്ന മാസ്കുകൾ എ.സി.പി ഷെൽബി ഫ്രാൻസിസ് ഏറ്റുവാങ്ങുന്നു