യു.പി പൊലീസ് നടപടിയിൽ വെൽഫെയർ പാർട്ടി പ്രതിഷേധം

കളമശ്ശേരി: പ്രവാചക നിന്ദക്കെതിരെ പ്രകടനം നടത്തിയതിന്റെ പേരിൽ വെൽഫെയർ പാർട്ടി കേന്ദ്ര കമ്മിറ്റി അംഗം ജാവേദ് മുഹമ്മദിനെയും കുടുംബത്തെയും അടക്കം നൂറുകണക്കിന് പേരെ യു.പി പൊലീസ് അറസ്റ്റ് ചെയ്തതിൽ പ്രതിഷേധിച്ച് കളമശ്ശേരിയിൽ പന്തം കൊളുത്തി പ്രകടനം നടത്തി. കളമശ്ശേരി മണ്ഡലം കമ്മിറ്റി നേതൃത്വത്തിൽ എച്ച്.എം.ടി ജങ്ഷനിൽനിന്ന് നോർത്ത് കളമശ്ശേരിയിലേക്കായിരുന്നു പ്രതിഷേധം. പ്രതിഷേധ യോഗത്തിൽ വെൽഫെയർ പാർട്ടി ജില്ല വൈസ് പ്രസിഡന്‍റ് ഷംസുദ്ദീൻ എടയാർ, മണ്ഡലം പ്രസിഡന്‍റ് ടി.എ. നിസാർ, മുനിസിപ്പൽ കമ്മിറ്റി പ്രസിഡന്‍റ് ജലീൽ പാണാടൻ തുടങ്ങിയവർ സംസാരിച്ചു. (ഫോട്ടോ) EC KALA 2 WELFAlRPARTY യു.പി പൊലീസിന്‍റെ കൂട്ട അറസ്റ്റുകളിൽ വെൽഫെയർ പാർട്ടി കളമശ്ശേരിയിൽ നടത്തിയ പ്രതിഷേധം