സ്കൂളുകളിൽ പച്ചക്കറി കൃഷി

കോതമംഗലം: ഞങ്ങളും കൃഷിയിലേക്ക് പദ്ധതിയുടെ ഭാഗമായി കുട്ടമ്പുഴ ഗവ. ഹയർ സെക്കൻഡറി സ്കൂളിൽ കൃഷി ആരംഭിച്ചു. ഗ്രാമപഞ്ചായത്ത് പ്രസിഡന്‍റ്​ കാന്തി വെള്ളകയ്യൻ ഉദ്ഘാടനം നിർവഹിച്ചു. വാർഡ് അംഗം ഷീല രാജീവ് അധ്യക്ഷത വഹിച്ചു. സഹകരണ ബാങ്ക് പ്രസിഡന്‍റ്​ കെ.കെ. ശിവൻ, ഗ്രാമപഞ്ചായത്ത് വികസനകാര്യ സ്ഥിരം സമിതി അധ്യക്ഷൻ കെ.എ. സിബി, വിദ്യാഭ്യാസ സ്ഥിരം സമിതി അധ്യക്ഷൻ ഇ.സി. റോയി, സഹകരണ ബാങ്ക് സെക്രട്ടറി ബെന്നി, ബാങ്ക് ഡയറക്ടർ ഷിബു, സ്കൂൾ പ്രിൻസിപ്പൽ അബ്ദുൽ മനാഫ്, കൃഷി ഓഫിസർ സി.എം. ഷൈല, അസി. കൃഷി ഓഫിസർ ഇ.കെ. മണി, കൃഷി അസിസ്റ്റൻറ് പി.എൻ. ബിനീഷ് എന്നിവർ സംസാരിച്ചു. കോതമംഗലം: ഞങ്ങളും കൃഷിയിലേക്ക് പദ്ധതിയുടെ ഭാഗമായി കീരംപാറ കൃഷിഭവൻ ആഭിമുഖ്യത്തിൽ ഊഞ്ഞപ്പാറ എം.എസ്.എൽ.പി സ്കൂളിൽ പച്ചക്കറി കൃഷിക്ക്​ തുടക്കം കുറിച്ചു. കീരംപാറ ഗ്രാമപഞ്ചായത്ത് പ്രസിഡൻറ് വി.സി. ചാക്കോ ഉദ്ഘാടനം നിർവഹിച്ചു. വാർഡ് അംഗം ലിസി ജോസ് അധ്യക്ഷത വഹിച്ചു. പത്താം വാർഡ് അംഗം ആശ ജയപ്രകാശ്, സ്കൂൾ മാനേജർ ക്ലൈറ്റസ് വർഗീസ്, കൃഷി ഓഫിസർ ബോസ് മത്തായി എന്നിവർ സംസാരിച്ചു. ഹെഡ്മിസ്ട്രസ് ഗ്രേസി അവിരാച്ചൻ സ്വാഗതവും കൃഷി അസി. ബേസിൽ വി. ജോൺ നന്ദിയും പറഞ്ഞു.